មហាសាមគ្គីជនជាតិ ភូមិស្រុកផ្លាស់ថ្មី

27/10/2026 - 20:48

ដាំដំណាំរួមផ្សំក្នុងផ្ទះសំណាញ់លើកកម្ពស់ប្រសិទ្ធភាពផលិត

លោកញ៉ាងមី នៅភូមិជ្រោយទន្សា ឃុំហាមយ៉ាង ខេត្តវិញឡុង ដាំដំណាំក្នុងផ្ទះសំណាញ់គួបផ្សំនឹងប្រព័ន្ធស្រោចស្រពផ្សែងក្រូច ទៅតាមរដូវកាលនីមួយៗ ឃើញថាមិនសូវមានសត្វល្អិតបំផ្លាញ និងមិនសូវប្រើប្រាស់ថ្នាំការពាររុក្ខជាតិ។ របៀបធ្វើនេះជួយឱ្យគាត់ថែទាំដំណាំបានងាយស្រួល រួមចំណែកលើកកម្ពស់ប្រសិទ្ធភាពផលិត លំនឹងសេដ្ឋកិច្ចគ្រួសារ។

លោកញ៉ាងមី កំពុងថែទាំដំណាំពោតក្នុងផ្ទះសំណាញ់។

លោកញ៉ាងមី ឱ្យដឹង៖ កាលពីមុនគ្រួសារគាត់ដាំដុះតាមបែបប្រពៃណីជាសំខាន់ ម្ល៉ោះហើយប្រសិទ្ធភាពមិនសូវបានខ្ពស់។ ក្រោយពីបានដាំដំណាំក្នុងផ្ទះសំណាញ់ដែលមានទំហំ ១.០០០ ម៉ែត្រការ៉េ និងបានចូលរួមវគ្គហ្វឹកហ្វឺនបច្ចេកទេស គាត់បានផ្លាស់ប្តូររបៀបដាំដុះបន្តិចម្តងៗ គួបផ្សំនឹងប្រើប្រាស់ប្រព័ន្ធស្រោចស្រពផ្សែងក្រូចដើម្បីថែទាំដំណាំ។ គាត់តែងជ្រើសពូជដំណាំសមស្របទៅតាមរដូវកាលនីមួយៗ ដូចជា៖ ស្ពៃ ពោតបារាំង ម្ទេស និងប្រភេទដំណាំមួយចំនួនទៀត។ ឆ្លងកាត់រដូវនីមួយៗ គាត់មានបទពិសោធន៍បន្ថែម និងតាមដានការលូតលាស់របស់ដំណាំ ដើម្បីកែសម្រួលបរិមាណទឹក ជីឱ្យសមស្រប។ តាមប្រសាសន៍គាត់ ដាំដំណាំក្នុងផ្ទះសំណាញ់មិនសូវមានសត្វល្អិតបំផ្លាញ ហេតុនោះមិនសូវប្រើប្រាស់ថ្នាំការពាររុក្ខជាតិ។ ប្រព័ន្ធស្រោចស្រពផ្សែងក្រូច ជួយឱ្យការផ្គត់ផ្គង់ទឹកមានភាពងាយស្រួលជាង និងមិនសូវបង់កម្លាំង។ ទោះជាយ៉ាងណាក៏ដោយ អ្នកដាំតែងពិនិត្យជារឿយៗ ដើម្បីប្រទះឃើញសត្វល្អិតបំផ្លាញវិនិច្ឆ័យបានទាន់ពេល និងថែទាំដំណាំឱ្យសមស្របទៅតាមដំណាក់កាលលូតលាស់នីមួយៗ។

លោកញ៉ាងមី ពិភាក្សាជាមួយកម្មាភិបាលភូមិភាគអំពីរបៀបថែទាំពោតក្នុងផ្ទះសំណាញ់។

ក្រោយពីដាំដំណាំក្នុងផ្ទះសំណាញ់បានមួយរយៈ លោកញ៉ាងមី សង្កេតឃើញថា ដំណាំពោតនាំមកប្រសិទ្ធភាពខ្ពស់ជាង ហេតុនោះគាត់ដាំពោត៣រដូវក្នុងមួយឆ្នាំ។ ក្រោយពីទូទាត់រួចស្រេច ក្នុង១រដូវគាត់រកបានប្រាក់ចំណេញពី ៣ – ៥ លានដុង។ លោកញ៉ាងមី បានឱ្យដឹង ពោតជាដំណាំងាយស្រួលថែទាំ មិនសូវមានសត្វល្អិតបំផ្លាញ ហេតុនោះមិនសូវប្រើថ្នាំការពាររុក្ខជាតិទេ។ ដោយសារថែទាំបានល្អ ម្ល៉ោះហើយដំណាំពោតរដូវនីមួយៗតែងផ្តល់ចំណេញផ្គត់ផ្គង់ជីវភាពប្រចាំថ្ងៃ និងសន្សំសំចៃសម្រាប់គ្រួសារ។ ការជ្រើសរើសដំណាំសមស្របក៏ជួយឱ្យគាត់រក្សាការដាំដុះ និងប្រើប្រាស់ផ្ទះសំណាញ់កាន់តែមានប្រសិទ្ធភាពជាងទៀត។

ក្រៅពីដាំពោតក្នុងផ្ទះសំណាញ់ គ្រួសារលោកញ៉ាងមី នៅទាំងដាំដើមដូង ២០០ ដើម និងអំពៅ ១០ កុង។ តាមប្រសាសន៍របស់គាត់ ដំណាំរួមផ្សំមានរយៈពេលប្រមូលផលខ្លី នាំមកប្រសិទ្ធភាពសេដ្ឋកិច្ចជាប្រចាំ; ចំណែកអំពៅដាំប្រមាណ ១២ ខែទើបប្រមូលផល។ អំពៅ ១០ កុង ក្រោយពីទូទាត់រួចស្រេច គ្រួសារគាត់នៅប្រាក់ចំណេញបានប្រមាណ ៥០ លានដុង។ ការរួមផ្សំដំណាំច្រើនប្រភេទ ជួយឱ្យគ្រួសារប្រើប្រាស់អស់ពីលទ្ធភាពផ្ទៃដីផលិត មានប្រភពចំណូលបន្ថែម។

លោកញ៉ាងដុង ប្រធានគណះប្រជាជនភូមិជ្រោយទន្សា ឱ្យដឹង ការដាំដំណាំក្នុងផ្ទះសំណាញ់ និងអនុវត្តប្រព័ន្ធស្រោចស្រពផ្សែងក្រូច ជួយឱ្យប្រជាជនផ្លាស់ប្តូររបៀបបង្កបង្កើនផល និងងាយស្រួលថែទាំ។ ក្នុងនោះ លោកមី ជាកសិករស៊ូទ្រាំលំបាក ស្វែងយល់និងអនុវត្តបច្ចេកទេសទៅក្នុងភាពជាក់ស្តែង លើកកម្ពស់ប្រសិទ្ធភាពផលិតបន្តិចម្តងៗ។ ទម្រង់របស់គាត់បានបង្ហាញឱ្យឃើញ ការជ្រើសរើសដំណាំសមស្រប គួបផ្សំថែទាំជាប្រចាំ រួមចំណែកប្រើប្រាស់ផ្ទះសំណាញ់មានប្រសិទ្ធភាព និងរក្សាប្រភពចំណូលជូនគ្រួសារ៕

ទីទុយ - វិមាន

ចែករំលែកអត្ថបទ

ពាក្យគន្លឹះ