17/01/2017 - 09:44

ក្រុមរបាំវត្តពិទូឃោសរង្សី

ជាច្រើនឆ្នាំឆ្លងកាត់លំបាក ក្រុមរបាំវត្តពិទូឃោសរង្សីនៅខណ្ឌនិញកេវ ក្រុងកឹងធើ ពីមួយថ្ងៃទៅមួយថ្ងៃកាន់តែមានជំហានអភិវឌ្ឍ ក្រុមរបាំ លើកយកនូវរបាំថ្មីៗមកសម្តែង ម៉្លោះហើយទទួលបានការគាំទ្រយ៉ាង ពេញទំហឹងពីសំណាក់ទស្សនិកជន។

 ឈុតសម្តែងរបាំដួងចន្ទរបស់ក្រុមរបាំវត្តពិទូឃោសរង្សី។

កម្លាំងស្នូលរបស់ក្រុមរបាំវត្តពិទូឃោសរង្សី គឺប្អូនៗនិស្សិតខ្មែរកំពុង រៀននៅក្រុងកឹងធើ។ អាស្រ័យហេតុនោះ សមាជិករបស់ក្រុមរបាំមានពី ២០-៣០នាក់ រយៈពេលចូលរួមក្រុមពី២-៤ឆ្នាំ តាមកម្មវិធីសិក្សារបស់ ប្អូនៗ។ ថ្វីត្បិតសមាជិកមានការផ្លាស់ប្តូរក៏ដោយ ប៉ុន្តែក្រុមរបាំនៅតែ សកម្មភាពយ៉ាងរលូន ដោយនាំមកនូវរបាំថ្មីៗ សម្តែងជូនទស្សនិកជន ទស្សនាកម្សាន្ត។ ប៉ុន្មានឆ្នាំជិតៗនេះ ក្រុមតែងលើកយកនូវរឿងថ្មីៗ ដែលទើបចងក្រងមកសម្តែង ឆ្លើយតបទៅតាមការពេញនិយមរបស់ ទស្សនិកជន។ ព្រះតេជព្រះគុណលីហ៊ុង ព្រះចៅអធិការវត្តពិទូឃោស រង្សី មានព្រះថេរដីកា៖ "ក្រុមរបាំរបស់វត្តបង្កើតឡើងបានច្រើនឆ្នាំ ប៉ុន្តែ ចាប់ពីឆ្នាំ២០១៤រហូតមកទល់នឹងបច្ចុប្បន្ន ក្រុមរបាំនេះមានជំហាន លេចធ្លោគួរឲ្យកត់សម្គាល់។ ពិសេសក្នុងការដកស្រង់ ចងក្រងរបាំ រៀបចំសម្លៀកបំពាក់ ដោយបានការឧបត្ថម្ភអស់ពីចិត្តរបស់សមាជិក ស្ម័គ្រចិត្ត។ អាស្រ័យហេតុនោះ រាល់ឈុតសម្តែងរបស់ក្រុមរបាំ ពីមួយ ថ្ងៃទៅមួយថ្ងៃកាន់តែមានភាពសុក្រឹត និងមានរបៀបរៀបរយល្អប្រសើរ "

ក្នុងចំណោមសមាជិកស្ម័គ្រចិត្តដែលអស់ពីចិត្តជាមួយនឹងក្រុមរបាំ នោះ គឺមានបងស្រីថាច់ធីដាវី ថ្វីត្បិតវ័យនៅក្មេងក៏ដោយ ប៉ុន្តែបងស្រីមាន រយៈពេលជាង៥ឆ្នាំផ្សារភ្ជាប់នឹងក្រុមរបាំ។ បងស្រីធ្លាប់ជាសមាជិកក្រុម សិល្បៈខ្មែររបស់សាកលវិទ្យាល័យកឹងធើ បងស្រីបង្កបាននូវភាពស្និទ្ធ ស្នាលជាមួយនឹងប្អូនៗនិស្សិត ក៏ដូចជាមានបទពិសោធន៍ក្នុងការបង្កើត និងចងក្រងរបាំ។ ក្រៅពីកិច្ចការរដ្ឋនិងកិច្ចការគ្រួសារ បងស្រីនៅទាំង ឆ្លៀតពេលរួមនឹងសមាជិកក្រុមរបាំចងក្រងនិងហាត់របាំថ្មីៗ ក្នុងមួយឆ្នាំ បានពី៤ដល់៥ឈុត។ ប្អូនឡឹមញ៉ី បច្ចុប្បន្នជានិស្សិតនៃសាកលវិទ្យា ល័យកឹងធើ ជាសមាជិករបស់ក្រុមរបាំ ចែករំលែក៖ "ពីព្រោះសមាជិក របស់ក្រុមរបាំសុទ្ធតែជានិស្សិត ម៉្លោះហើយពួកប្អូនត្រូវធានាការរៀន សូត្រឲ្យបានល្អ ទើបព្រះតេជព្រះគុណអនុញ្ញាតឲ្យចូលរួមក្នុងក្រុមរបាំ សមាជិករបស់ក្រុមរបាំភាគច្រើនសម្រេចលទ្ធផលរៀនសូត្របានល្អ ។ អាស្រ័យហេតុនោះ ពួកប្អូនចូលរួមសម្តែងបាន លោកគ្រូ អ្នកគ្រូគាំទ្រ លើកទឹកចិត្ត។ បច្ចុប្បន្ន ដើម្បីត្រៀមឲ្យការសម្តែងនាឱកាសបុណ្យចូល ឆ្នាំថ្មី២០១៧ ក្រុមចងក្រងនូវរឿងថ្មីៗនិងអត្ថបទផ្សេងៗយ៉ាងពិសេស។ ឆ្លៀត​ឱកាសឈប់សម្រាកចន្លោះវគ្គសិក្សា ពួក​ប្អូនរួមគ្នាទៅហាត់សម ឲ្យបានថ្នឹក"

ថាច់ថាញ់ភូ-មុនី

 

ចែករំលែកអត្ថបទ
ពាក្យគន្លឹះ
វត្តពិទូឃោសរង្សី