សន្តិសុខ - ការពារប្រទេស សន្តិសុខ

21/04/2015 - 09:25

ផ្ទះមនោសញ្ចេតនារវាងកងទ័ពនិងប្រជាជន

ជាង៨ខែ ក្រោយពីគ្រោះធម្មជាតិដោយខ្យល់កំបុតត្បូងនៅទីប្រជុំជនកើ-ដ ក្រុងកឹងធើ ផ្ទះសម្បែងជាច្រើនខ្នងរងការបាក់បែកខូចខាត ត្រូវបានសាងសង់ឡើងវិញ។

កងទ័ពស្រុកកើ-ដ មកទស្សនាផ្ទះថ្មីរបស់គ្រួសារលោកយ័ញអ៊ុក ។

លោកយ័ញអ៊ុក ជាប្រជាជនមួយរូបនៅទីប្រជុំជនកើ-ដ រំលឹកឡើង៖ "ក្នុងពេលកំពុងខ្យល់ព្យុះ មានយុទ្ធជនកងទ័ពថ្មើរជើងនិងកងប្រជាស្វ័យត្រាណជាង១០០នាក់ បានចុះមកកន្លែងកើតហេតុជួយសង្គ្រោះនាំ ប្រជាជនចេញផុតពីគំនរបែកបាក់ រួចជម្លៀសប្រជាជនទៅកាន់កន្លែងសុវត្ថិភាព" បង្ការខ្លាចក្រែងខ្យល់កំបុតត្បូងវិលមកម្តងទៀត។ ទ្រព្យសម្បត្តិរបស់ប្រជាជន បានកងកម្លាំងការពារមិនឲ្យបាត់បង់។ ក្រោយពីគ្រោះខ្យល់កំបុតត្បូង ប្រជាជននិងយុទ្ធជនទាំងឡាយព្រួតដៃគ្នាជួសជុលផ្ទះសម្បែងដែលខូចខាតតិចតួច និងប្រមែប្រមូលរៀបចំផ្ទះដែល ខូចខាតទាំងស្រុង។ ភ័ស្តុភារជួយសង្គ្រោះជំរំសំពត់តង់ សម្ភារៈចំបាច់ផ្សេងៗក៏បានកងកម្លាំងនាំមកជូនដល់រាល់គ្រួសារ។ ពិសេស គ្រួសារលំបាកបំផុតជាង៥០ ដែលផ្ទះរងការខូចខាតទាំងស្រុងត្រូវបានរដ្ឋអំណាច គ្រប់លំដាប់ថ្នាក់ឧបត្ថម្ភសង់ផ្ទះថ្មី។ គណៈបញ្ជាការយោធាស្រុកកើ-ដ ទទួលភារកិច្ចសង់ផ្ទះជូនគ្រួសារទាំងនេះ។ ជាង១ខែក្រោយមក មាមីងបានទទួលផ្ទះថ្មីនោះ គឺជាការលើកទឹកចិត្តដ៏ធំធេង ដើម្បីមាមីងគ្រប់រូបខិតខំឆ្លងកាត់ការលំបាកកសាងជីវភាពឡើងវិញ។

ផ្ទះមួយខ្នងៗដែលសង់ថ្មី មានយុទ្ធជន៥នាក់ និងបញ្ជាការម្នាក់ចូលរួមសាងសង់ម្ចាស់ផ្ទះគ្រាន់តែជួលមេជាងម្នាក់។ លោកលីយ័ញនៅភូមិថើយហីប ទីប្រជុំជនកើ-ដ ឲ្យដឹងដោយក្តីរីករាយ៖ "ខ្ញុំបានឧបត្ថម្ភទឹកប្រាក់ជិត៤០លានដុង ហើយគ្រួសារខ្ញុំប្រមែប្រមូលបន្ថែម១០លានដុងទៀត សង់បានផ្ទះថ្មីស្អាតបាត។ ប៉ុន្តែដំបូងបង្អស់គឺដោយសារបានបងៗ កងទ័ពចុះមកជួយសង់ផ្ទះ ប្រជាជនយើងខ្ញុំមិនចាំបាច់គិតគូរការហូបចុកឬក៏កន្លែងដេកនៅអីទេ គឺយុទ្ធជនទាំងឡាយគិតគូរដោយខ្លួនឯង។ អាស្រ័យហេតុនោះ មិនចាំបាច់ជួលកម្លាំងពលកម្មនាំឲ្យបង់ខាតប្រាក់កាស។ ផ្ទះដែលកងទ័ពសង់ មានគុណភាពល្អ យុទ្ធជននៅទាំងឧបត្ថម្ភប្រជាជនលើកធារឲ្យខ្ពស់ដើម្បីបញ្ជៀសទឹកជំនន់ទៀតផង"។

លោកលីវឡង មេបញ្ជាការនៃគណៈបញ្ជាការយោធាស្រុកកើ-ដ មានប្រសាសន៍៖ "ការងារជួយប្រជាជនបានក្លាយជាសកម្មភាពជាប្រចាំរបស់អង្គភាព ហេតុនោះបងប្អូនយុទ្ធជនទាំងនេះ មានការស្ទាត់ជំនាញ ដូចជាងសំណង់ដែរ។ អង្គភាពបានកំណត់ក្នុងសម័យសន្តិភាព ការជួយសង្គ្រោះប្រជាជនដោយគ្រោះធម្មជាតិបណ្ដាលឡើង និងបង្កលក្ខណៈឲ្យប្រជាជនជម្នះបាននូវផលវិបាកទាំងឡាយ គឺជាការងារមួយដ៏សំខាន់ ហេតុនោះអង្គភាពតែងមានក្រុមទទួលបន្ទុកការងារនេះ។ ពេលមានគ្រោះធម្មជាតិកើតឡើងម្តងៗ កងកម្លាំងនឹងមកដល់កន្លែងកើតហេតុយ៉ាងរហ័ស មិនត្រឹមតែឧបត្ថម្ភក្នុងពេលគ្រោះធម្មជាតិកើតឡើងភ្លាមៗប៉ុណ្ណោះទេ តែនៅទាំងជួយមាមីងលំនឹងជីវភាពយូរអង្វែងទៀតផង"៕

ថាច់ថាញ់ភូ-វិមាន

ចែករំលែកអត្ថបទ

ពាក្យគន្លឹះ