សន្តិសុខ - ការពារប្រទេស ការពារប្រទេស

17/06/2014 - 08:57

ប្ដេជ្ញាចេញទៅនេសាទ ច្បាមសមុទ្រ

នោះគឺជាការសំណេះសំណាលរបស់នេសាទករទាំងឡាយដែលស្ទើរអស់មួយឆាកជីវិត ផ្សារភ្ជាប់ជាមួយនឹងរបរនេសាទនៅតំបន់សមុទ្រ នៃទីប្រជុំជនសុងដុក (ស្រុកត្រឹងវុាំងថើយ ខេត្តកាម៉ាវ) ។ល។

កបា៉ល់នេសាទខាញ់ហោយ ពេញដោយជលផល ក្រោយពីមួយលើកចេញសមុទ្រ

ពូតឺប៊េវ (ង្វៀងវុាំងប៊េវ) ជានេសាទករម្នាក់ក្នុងចំណោមនេសាទករទាំងឡាយសំណេះសំណាលៈ "ប៉ុន្មានថ្ងៃនេះ ការដែលចិនបានដាក់រន្ទាខួងប្រេងទាំងទទឹងទិសចូលមកដែនសមុទ្រប្រទេសយើង យកនាវាធំប្រើកាំជ្រួចបាញ់ទឹក ហៅហានបុកទង្កិចនាវាប៉ូលិសសមុទ្រ និងនាវានេសាទរបស់នេសាទករប្រទេសយើងឃើញដូច្នេះ ខ្ញុំមិនសុខចិត្តទាល់តែសោះ។ ទោះជាយ៉ាងណាក៏ដោយខ្ញុំបាននិយាយនឹងកូនៗ គឺថាមិនត្រូវទុកទូកឲ្យនៅដេកសំងំលើគោកជាដាច់ខាត ប្ដេជ្ញាចិត្តត្រូវតែចេញទៅសមុទ្រ"។ មានគំនិតដូចពូតឺដែរ បងថាច់មិញទូ ជានេសាទករទើបតែផ្អាកដំណើរនេសាទ បន្ទាប់ពីមានរឿងរ៉ាវនៅសមុទ្រខាងកើត ចែករំលែកៈ "ដឹងថាការចេញដំណើរទៅសមុទ្ររបស់យើងខ្ញុំបង្កប់ទៅដោយហានិភ័យ ប៉ុន្តែយើងខ្ញុំពុំតក់ស្លុតឡើយ ប្ដេជ្ញាច្បាមសមុទ្ររួមកម្លាំងជាមួយ នឹងនេសាទករទូទាំងប្រទេសការពារអធិបតេយ្យភាពដែនដី"។

តាមការស្ទង់មតិ នេសាទករស្ទើរតែទាំងអស់តែងសម្ដែងការមិនពេញចិត្តចំពោះទង្វើខុសច្បាប់របស់ចិន។ "ក្រោយពីចាក់ប្រេងបន្ថែមនិងលក់ត្រីរួចរាល់ យើងខ្ញុំនឹងបន្តការចេញទៅសមុទ្រទៀត ដើម្បីការពារ ដែននេសាទរបស់យើង ដោយប្ដេជ្ញាមិនរាថយ" -បងស៊ើងហ្វាយ បាវនេសាទករនៅឃុំង្វៀងវៀតខាយ ស្រុកភូតឹង ប្ដេជ្ញាដូច្នេះ ។

ខេត្តកាម៉ាវមានកប៉ាល់នេសាទជាង៤.៥០០គ្រឿង ក្នុងនោះកប៉ាល់មានកម្លាំងធំជាង១/៣ ចេញទៅនេសាទបានឆ្ងាយ ដោះស្រាយការងារធ្វើជាប្រចាំជូនពលករ ពលការិនីរាប់សិបពាន់នាក់ក្នុងចំណោមនោះ មានជនរួមជាតិខ្មែរមិនតិច។ ការទាញយកផលពីសមុទ្រ គឺជាបង្អែកដ៏មាំមួយក្នុងចំណោមបង្អែកដ៏មាំខាងសេដ្ឋកិច្ចរបស់ខេត្តកាម៉ាវ ថ្វីត្បិតចួនកាលកាក់កបចួនក៏ស្ដួចស្ដើង ប៉ុន្តែតាំងពីអើយមកនេសាទករនៅតែច្បាមសមុទ្រ។ សំណេះសំណាលជាមួយនឹងយើងខ្ញុំពីអាជីពនេសាទ ពូប៊ូយតឹងថាញ់ ជានេសាទករប្រកបរបរនេសាទនៅតំបន់សមុទ្រខាញ់ ហោយជាង៣០ឆ្នាំ (ស្រុកអ៊ូមិញ) ឲ្យដឹងៈ " ក្រៅពីកងនាវាស្វ័យត្រាណ (នាវាជំនួយសង្គ្រោះ២០គ្រឿងសម្រាប់ជួយនេសាទករ ខណៈពេលជួបហានិភ័យនៅលើសមុទ្រ) ថ្មីៗនេះ យើងខ្ញុំបានរៀបចំចេញដំណើរទៅ សមុទ្រជាក្រុមៗ មានកប៉ាល់ពី១០ដល់២០គ្រឿង គ្រាន់នឹងជួយគ្នាទៅវិញទៅមក ខណៈពេលជួបហានិភ័យនៅលើសមុទ្រ ។ ហេតុនេះ ក្នុងការចេញដំណើរទសមុទ្រនេសាទ យើងខ្ញុំគ្មានភ័យបារម្ភអ្វីឡើយ"។

យោងតាមស្ថិតិនៃស្ថាប័នសមត្ថកិច្ច ភូមិសាស្ត្រស្រុកអ៊ូមិញមានកប៉ាល់នេសាទជាង៧២០គ្រឿង ក្នុងនោះកប៉ាល់នេសាទដែលកម្លាំងធំមានជាង២០០គ្រឿង។ ទោះបីស្ថានភាពនៅសមុទ្រខាងកើតមានអស្ថិរ ភាពក្នុងពេលថ្មីៗនេះក៏ដោយ ប៉ុន្តែសកម្មភាពនេសាទនៅអ៊ូមិញ តែងប្រព្រឹត្តទៅជាធម្មតា ។ សំណេះសំណាលជាមួយនឹងយើងខ្ញុំ បងហ្វិញហ្វាងតឿង ប្រធានស្តីទីនៃគណៈកម្មាធិការប្រជាជនឃុំខាញ់ហោយ ឲ្យដឹងៈ ប៉ុន្មានថ្ងៃនេះ ថ្នាក់ដឹកនាំឃុំ រួមជាមួយនឹងប៉ុស្ដិ៍ការពារព្រំដែនខាញ់ហោយ តែងរៀបចំឃោសនាផ្សព្វផ្សាយពីគោលការណ៍ គោលមាគ៌ារបស់បក្ស ច្បាប់របស់រដ្ឋជាច្រើនលើក ព្រមទាំងពន្យល់ច្បាស់លាស់ពីសកម្មភាពខុសច្បាប់របស់ចិន លើដែនសមុទ្រខាងកើតរបស់វៀតណាម។ " បន្ទាប់ពីយល់ជ្រួតជ្រាបនេសាទករភាគច្រើនយល់ច្បាស់ និងសម្ដែងការមិនពេញចិត្តចំពោះទង្វើខុសច្បាប់របស់ចិន ហើយអះអាងថានឹងច្បាមសមុទ្ររហូតដល់ទីបំផុត ដើម្បីរួមចំណែកជាមួយនឹង បក្ស រដ្ឋ ការពារអធិបតេយ្យភាពសមុទ្រ កោះដ៏ពិសិដ្ឋរបស់មាតុភូមិ"បង ហ្វិញហ្វាងតឿង បានអះអាងដូច្នេះ ។

លោកង្វៀងហ្វាងអាង ប្រធានសាខានាយកដ្ឋានសមុទ្រនិងកោះសមុទ្រ ខេត្តកាម៉ាវ ឲ្យដឹងៈ ដើម្បីអប់អរ"សប្ដាហ៍សមុទ្រនិងកោះសមុទ្រ" នៅកាម៉ាវ (ចាប់ពីថ្ងៃទី០១ដល់ថ្ងៃទី៨ មិថុនា ឆ្នាំ២០១៤) ខេត្តបានរៀបចំ សកម្មភាពនានា ដូចជាលែងពូជបង្គា ក្ដាម ដើម្បីបង្កើតឡើងវិញនូវប្រភពជលផលនៅលើផ្ទៃសមុទ្រជួបជុំដាំដើមឈើប្របឆ្នេរសមុទ្រសួរសុខទុក្ខ ពិនិត្យសុខភាពជូនយុទ្ធជននិងនេសាទករ លើកបដាចែកជូនខិតប័ណ្ណសញ្ញាពេចន៍ផ្សព្វផ្សាយអំពីកោះសមុទ្រ នៅតាមច្រកសមុទ្រសំខាន់ៗ នៅលើភូមិសាស្រ្ត សំដៅលើកកម្ពស់ការយល់ដឹងពីមុខងារនិងលក្ខណពិសេសនៃកោះសមុទ្រ ក្នុងបុព្វហេតុកសាងនិងការពារប្រទេស ៕

ហ៊ូវតុង-ពេជ្រសឿន

ចែករំលែកអត្ថបទ

ពាក្យគន្លឹះ