គោលនយោបាយ -ការរស់នៅ ការរស់នៅ

23/06/2015 - 10:16

សេីុងថាយងៀ ប្តេជ្ញាចិត្តធ្វើមាន

អាយុ៣៣ឆ្នាំ តែហ៊ានគិតហ៊ានធ្វើ ដូច្នេះសេីុងថាយងៀ នៅភូមិផ្នូរកំបុត ឃុំថាមដូង ស្រុកមីស្វៀង ខេត្តសុកត្រាំង បានកសាងទម្រង់រូបភាពសេដ្ឋកិច្ចគ្រួសារសម្រេចរួចរាល់ និងផ្តល់ប្រភពចំណូលជិត១ពាន់លានដុង/ឆ្នាំ។

ផ្តើមពីទម្រង់រូបភាពចិញ្ចឹមគោទឹកដោះបានជួយឲ្យគ្រួសារបងងៀ
ធើ្វមានរហូតមកដល់សព្វថ្ងៃ។

ក្រោយពីបំពេញភារកិច្ចយោធារួចសេីុងថាយងៀ វិលមកស្រុកកំណើតធ្វើការឈ្នួលក្នុងកសិដ្ឋានចិញ្ចឹមគោទឹកដោះនៅភូមិភាគ។ ក្រោយពីធ្វើការឈ្នួលបានមួយឆ្នាំ បងរៀនបាននូវបទពិសោធន៍ចិញ្ចឹមគោទឹកដោះ។ ឆ្នាំ២០០២ បងងៀ បុលទុន៥០លានដុងទិញគោទឹកដោះ២ក្បាលមកចិញ្ចឹម។ ដើម្បីយកខ្លីចិញ្ចឹមវែង បងងៀឆ្លៀតពេលទៅធើ្វការឈ្នួលរកប្រាក់ចំណូលផ្គត់ផ្គង់ជីវភាពប្រចាំថ្ងៃ។ ពេលទំនេរពីការងារឈ្នួល បងងៀ ខិតខំថែទាំគោទឹកដោះទាំងពីរក្បាលរបស់គាត់។ ដោយចរិតឧស្សាហ៍ព្យាយាមរបស់បង គោទឹកដោះរបស់បងឆាប់ធាត់ធំនិងផ្តល់ទឹកដោះច្រើន។ ប្រាក់ចំណូលបានមកពីការចិញ្ចឹមគោទឹកដោះទាំងប៉ុន្មាន បងងៀសន្សែសន្សំទុកសម្រាប់ពង្រីកហ្វូងគោ។ មកដល់បច្ចុប្បន្ន បងងៀ មានគោទឹកដោះដល់ទៅ៨ក្បាល រៀងរាល់ថ្ងៃផ្តល់ទឹកដោះជាង១០០គីឡូក្រាម លក់ថ្លៃប្រមាណ១២.៦០០/គីឡូក្រាម។ តាមបងងៀ ប្រាក់ចំណូលពីគោទឹកដោះប្រមាណ៤០លានដុង/ខែ។

ជាច្រើនឆ្នាំក្រោយពីចិញ្ចឹមគោះទឹកដោះ បងងៀសន្សែសន្សំទិញបានដីស្រែ បច្ចុប្បន្ន បងមានដីស្រែ៣,៥ហិតតា។ មានដីផលិតកម្ម បងងៀ ស្វែងរកពូជស្រូវណាដែលមានគុណភាពនិងសមស្របជាមួយនឹងទីផ្សារដើម្បីផលិត។ បងងៀ ឲ្យដឹងៈ "មុននេះ ខ្ញុំធ្លាប់បានប្រើប្រាស់ពូជស្រូវច្រើនប្រភេទ ប៉ុន្តែបើនិយាយអំពីប្រាក់ចំណូល គឺមិនចំណេញដូចពូជស្រូវ RVT នោះទេ ។ ធ្វើស្រូវពូជ RVT ផ្តល់ទិន្នផលខ្ពស់ផង លក់បានថ្លៃផង។ រដូវប្រាំងកន្លងហើយ ខ្ញុំដាកពូជស្រូវ RVT ចំនួន២៥កុងចំណេញជាង៥លានដុង/កុង"។ រដូវដើមឆ្នាំ២០១៥នេះ បងងៀ បានដើរប្រមូលទិញស្រូវ និងចុះកិច្ចសន្យាជាមួយអាជីវកម្មប្រមូលទិញជាង៥០ ០ហិតតាស្រូវរបស់សមាជិកសម្ព័ន្ធយុវជន និងមាមីងខ្មែរនៅភូមិផ្នូរកំបុតតម្លៃគឺ៦.៨០០ដុង/គីឡូក្រាម។ បងងៀ នៅទាំងវិនិយោគទុនទិញម៉ាស៊ីនភ្ជួររាស់ដើម្បីភ្ជួររាស់ស្រែផ្ទះផង និងភ្ជួររាស់ស៊ីឈ្នួលមាមីងជិតខាងផងរកប្រាក់ចំណូលបន្ថែម។ បងងៀ ទៅភ្ជួររាស់ស៊ីឈ្នួលក្នុងមួយរដូវស្រូវរកបានប្រាក់ចំណូលជិត១០០លានដុង។ ជាមួយនឹងទម្រង់រូបភាពរកស៊ីរបស់គ្រួសារបង បងបានជួយដោះស្រាយការងារធ្វើជូនយុវជន៥នាក់មានការងារធ្វើលំនឹងនៅភូមិភាគទៀតផង។

បងស្រីហ្វិញធីកឹមហុង អនុលេខាសម្ព័ន្ធយុវជនស្រុកមីស្វៀង បញ្ជាក់៖ " សមមិត្តងៀ ជាលេខាសម្ព័ន្ធយុវជនភូមិផ្នូរកំបុត គួរយកជាគំរូ ពីព្រោះបងមានទម្រង់រូបភាពរកស៊ីមានប្រសិទ្ធភាពជាច្រេីន បានបើកទូលាយដល់សមាជិកសម្ព័ន្ធយុវជននិងយុវជន។ ពីរឆ្នាំបន្តបន្ទាប់ (២០១៤-២០ ១៥) សមមិត្តងៀ បានគណៈកម្មាធិការប្រជាជនខេត្តជូនប័ណ្ណសរសើរ ជាយុវជនគំរូឆ្នើម និងស្នើមជ្ឈិមសម្ព័ន្ធយុវជនពិនិត្យជូនរង្វាន់លឿងឌិញកួរ ឆ្នាំ២០១៥សម្រាប់កសិករវ័យក្មេងឆ្នើម"៕

លីធាន - សុផល

ចែករំលែកអត្ថបទ

ពាក្យគន្លឹះ