សុខភាព - អប់រំ អប់រំ

17/03/2015 - 16:37

សិក្សាអប់រំនៅឃុំថើយដុងមានការអភិវឌ្ឍន៍

ថើយដុងជាឃុំដំបូងរបស់ស្រុកកើ-ដ ក្រុងកឹងធើ ដែលមានមូលដ្ឋាន សម្ភារៈ អគារសិក្សាត្រូវបានកសាងសព្វគ្រប់។ អាស្រ័យហេតុដូច្នោះ គុណភាពអប់រំនៅឃុំតំបន់ជ្រៅនេះ ត្រូវបានកែលំអជាបណ្តើរៗ។

អ្នកគ្រូនិងកុមារសាលាមតេ្តយ្យថើយដុង២ ក្នុងម៉ោងរៀនក្រៅថ្នាក់។

លោកត្រឹងង៉ុកង៉ី ប្រធានការិយាល័យអប់រំ និងបណ្តោះបណ្តាលស្រុកកើ-ដ បានមានប្រសាសន៍ថា ដោយបានការយកចិត្តទុកដាក់របស់រដ្ឋ សម្រាប់ឃុំថើយដុង បានជាគុណភាពអប់រំនៅទីនេះមានការល្អឡើង។ មុននេះ ឃុំថើយដុង ខ្វះហេដ្ឋារចនាសម្ព័ន្ធសំខាន់ៗ ស្ទើរតែទាំងអស់ អគារសិក្សាកសាងមិនបានត្រឹមត្រូវផ្លូវគមនាគមន៍ភក់ជ្រាំ គ្មានដំណាក់សុខាភិបាល គ្មានអគ្គិសនី ទឹកស្អាតប្រើប្រាស់។ល។ ហេតុនោះ សិស្សសាលាបឋមសិក្សា មធ្យមសិក្សាមូលដ្ឋាន បោះបង់ការសិក្សាយ៉ាងច្រើននៅរដូវភ្លៀង។ លោកផាងថាញត្វៀង អនុប្រធានគណៈកម្មាធិការប្រជាជនឃុំថើយដុង ឲ្យដឹង៖" សិស្សកម្រិតមធ្យមសិក្សាចំណេះទូទៅ លើភូមិសាស្រ្តឃុំមានចំនួនតិច ពីព្រោះរៀនដល់ថ្នាក់ទី១០ ប្អូនៗត្រូវទៅរៀនដល់ទីរួមស្រុកកើ-ដឯណោះ ហើយខ្លះទៀតបោះបង់ការសិក្សា ពីព្រោះលំបាកខាងផ្លូវថ្នល់ ប្អូនៗទៅរៀនដោយទូកដ មានការខាតបង់ប្រាក់ច្រើន"។ យោងប្រសាសន៍លោកង៉ី ចាប់ពីពេលឃុំថើយដុង ត្រូវបានជម្រើសចូលក្នុងកម្មវិធី១៣៥ ផ្នែកសិក្សាអប់រំបានម្ចាស់ការកសាង និងអភិវឌ្ឍអប់រំមត្តេយ្យ ធ្វើជាមូលដ្ឋាន ដើម្បីលើកកម្ពស់គុណភាពអប់រំ។ សាលាមតេ្តយ្យថើយដុង១ត្រូវបានកសាង ពីនោះដោយផ្ដោតទៅតាមទិសដៅសម្រេចបទដ្ឋានជាតិ។ បន្ទាប់ពីនោះគឺ កម្រិតបឋមសិក្សា មធ្យមសិក្សាមូលដ្ឋាន។ ទន្ទឹមនឹងគោលនយោបាយអាទិភាពរបស់រដ្ឋ សម្រាប់គ្រូបង្រៀនតាមកម្មវិធី១៣៥ (ឧបត្ថម្ភបៀវត្សរ៍បន្ថែម) ផ្នែកសិក្សា អប់រំ ក៏បានចលនាសប្បុរសជនសង់ផ្ទះបេសកកម្ម ដើម្បីគ្រូបង្រៀននឹងនរចិត្តក្នុងការរស់នៅនិងសកម្មភាព។

ពេលឃុំថើយដុង ចាកចេញពីកម្មវិធី១៣៥ ក៏ជាពេលប្រព័ន្ធអគារសិក្សារបស់ឃុំត្រូវបានកសាងគ្រប់សព្វ ចាប់ពីសាលាមត្តេយ្យរហូតដល់សាលាមធ្យមសិក្សាមូលដ្ឋាន។ សាលាមតេ្តយ្យថើយដុង១ គឺជាសាលាមត្តេយ្យទីពីររបស់ស្រុកកើ-ដ សម្រេចបទដ្ឋានជាតិ។ លោកង៉ី ឲ្យដឹងដោយក្តីរីករាយ៖" សព្វថ្ងៃរឿងរៀនសូត្រនៅថើយដុង មានលំនឹងខ្លាំងណាស់ សាលាមត្តេយ្យថើយដុង១ សាលាមតេ្តយ្យថើយដុង និងបឋមសិក្សាថើយដុងសុទ្ធតែសម្រេចបទដ្ឋានជាតិ។ ដោយឡែកសាលាមធ្យមសិក្សាមូលដ្ឋានថើយដុង ក្រោយពីចែកឃុំថើយដុងជាពីរ គឺឃុំថើយដុងនិងឃុំថើយស្វឹង សាលានេះបានប្តូរទៅឃុំថើយស្វឹង។ ផ្នែកសិក្សាអប់រំកំពុងសហការជាមួយនឹងគណៈដឹកនាំឃុំថើយដុង កសាងផែនការបង្កើតសាលាមធ្យមសិក្សាមូលដ្ឋានថ្មី។ ប្រការគួរឲ្យរីករាយគឺ ជាង១០ឆ្នាំកសាងនិងអភិវឌ្ឍឃុំថើយដុង សព្វថ្ងៃនៅភូមិភាគមានអ្នកជាច្រើនបានមកបម្រើការងារនៅគណៈកម្មាធិការប្រជាជនឃុំ សាលាមតេ្តយ្យបឋមសិក្សា។ល។ "អាស្រ័យដោយការយកចិត្តទុកដាក់របស់រដ្ឋ និងការខ្នះខ្នែងរបស់ភូមិភាគ ការងារអប់រំនៅឃុំថើយដុង ជំនះបាន ការលំបាកនិងមានការអភិវឌ្ឍន៍លើគ្រប់វិស័យ៕

ហាថាញ់-សឺនម៉ាល័យ

ចែករំលែកអត្ថបទ

ពាក្យគន្លឹះ