20/11/2026 - 08:43

វិនិច្ឆ័យ​ម៉ឺង​ម៉ាត់​ចំ​ពោះ​ទង្វើ​បោះ​បង់​ការ​ប្រ​កួត​ដោយ​ចិត្ត​ឯង​នៅ​មហា​សន្និ​បាត​កី​ឡា​ទូ​ទាំង​ប្រ​ទេស​ 

-អនុ​គណៈ​កម្ម​ការ​ជំ​នាញ​បច្ចេក​ទេ​សម​ហា​សន្និ​បាត​កី​ឡា​ទូ​ទាំង​ប្រ​ទេស លើក​ទី ១០ ឆ្នាំ ២០២៦ បាន​តម្រូវ​ឱ្យ​ក្រុម​កី​ឡា​ទាំង​ឡាយ​អនុ​វត្ត​ម៉ឺង​ម៉ាត់​នូវ​បទ​បញ្ជា​នៃ​ការ​ប្រ​កួត ក្នុង​នោះ វិនិច្ឆ័យ​យ៉ាង​ម៉ឺង​ម៉ាត់​លើ​ករ​ណី​ដែល​កី​ឡា​ករ​-កី​ឡា​កា​រិនី បោះ​បង់​ការ​ប្រ​កួត​ដោយ​ចិត្ត​ឯង​ដោយ​គ្មាន​ហេតុ​ផល​សម​ស្រប។

យោង​តាម​សារ​លិ​ខិត​លេខ ២៦៣​/CMKT ចុះ​ថ្ងៃ​ទី ៥ ខែ​វិច្ឆិ​កា ឆ្នាំ ២០២៦ ដែល​លោក​ង្វៀង​ហុង​មិញ អនុ​ប្រ​ធាន​នា​យក​ដ្ឋាន​កី​ឡា​អប់​រំ​កាយ​វៀត​ណាម ប្រ​ធាន​អនុ​គណៈ​កម្ម​ការ​ជំ​នាញ​បច្ចេក​ទេ​សម​ហា​សន្និ​បាត បាន​ចុះ​ហត្ថ​លេខា​ប្រ​កាស​ជា​ផ្លូវ​ការ កី​ឡា​ករ​-កី​ឡា​ការិនី ដែល​បាន​ចុះ​ឈ្មោះ​រួច​ហើយ ប៉ុន្តែ​ស្នើ​សុំ​ដក​ខ្លួន​ចេញ​ពី​ការ​ប្រ​កួត ត្រូវ​មាន​លិ​ខិត​បក​ស្រាយ​ជាក់​ស្តែង បាន​ប្រ​ធាន​ក្រុម​កី​ឡា ឬ​គ្រូ​បង្វឹក​នៃ​ប្រ​ភេទ​កី​ឡា​នោះ​បញ្ជាក់។ ប្រ​សិន​បើ​ដក​ខ្លួន​ដោយ​សារ​រង​របួស ឬ​បញ្ហា​សុខ​ភាព​មិន​ធា​នា ត្រូវ​មាន​ការ​បញ្ជាក់​ពី​វេជ្ជ​បណ្ឌិត ឬ​ផ្នែក​សុខា​ភិបាល​ដែល​គណៈ​ចាត់​តាំង​មហា​សន្និ​បាត​បាន​កំ​ណត់។

ករ​ណី​បោះ​បង់​ការ​ប្រ​កួត​ចិត្ត​ឯង​ដោយ​គ្មាន​ហេ​តុ​ផល​សម​ស្រប ឬ​មិន​បាន​ផ្តល់​ឯក​សារ​ភស្តុ​តាង​ស្រប​ច្បាប់ នឹង​ត្រូវ​លុប​ចោល​លទ្ធ​ផល​ប្រ​កួត​ទាំង​ស្រុង​នៅ​ក្នុង​ខ្លឹម​សារ​នោះ ព្រម​ទាំង​ដក​ហូត​សិទ្ធិ​និង​ផល​ប្រ​យោជន៍​ដែល​ពាក់​ព័ន្ធ (ប្រ​សិន​បើ​មាន)។ អា​ស្រ័យ​លើ​កម្រិត​នៃ​បទ​ល្មើស គ្រូ​បង្វឹក កី​ឡា​ករ​-កី​ឡា​កា​រិនី និង​សមូហ​ភាព​ដែល​ពាក់​ព័ន្ធ អាច​នឹង​ត្រូវ​ដក​សិទ្ធិ​ដឹក​នាំ ដក​សិទ្ធិ​ប្រ​កួត និង​ជូន​ដំណឹង​ទៅ​កាន់​អង្គ​ភាព​គ្រប់​គ្រង​ផ្ទាល់។

ប្រ​ការ​គួរ​ឱ្យ​កត់​សម្គាល់ ចំ​ពោះ​ការ​ប្រ​ព្រឹត្ត​ល្មើស​ធ្ងន់​ធ្ងរ អនុ​គណៈ​កម្ម​ការ​ជំ​នាញ​បច្ចេក​ទេស​នឹង​ស្នើ​ទៅ​នា​យក​ដ្ឋាន​កី​ឡា​អប់​រំ​វៀត​ណាម ពិ​និត្យ​មិន​កោះ​ហៅ​ចំ​ពោះ​បុគ្គល​ដែល​ប្រ​ព្រឹត្ត​ល្មើស​ចូល​រួម​ក្រុម​ជម្រើស​ជាតិ និង​មិន​ចាត់​ឱ្យ​ទៅ​ចូល​រួម​ការ​ប្រ​កួត​កី​ឡា​អន្តរ​ជាតិ ក្នុង​ដំ​ណាក់​កាល​បន្ត​បន្ទាប់​ទៀត។

សារ​លិខិត​នេះ​ក៏​បាន​តម្រូវ​ឱ្យ​ក្រុម​កី​ឡា​ទាំង​ឡាយ​អនុ​វត្ត​ម៉ឺង ម៉ាត់​បទ​ប្បញ្ញត្តិ​បង្ការ ប្រ​ឆាំង​ការ​ប្រើ​ប្រាស់​សារ​ធា​តុ​ហាម​ឃាត់ Doping ទប់​ស្កាត់​ការ​ក្លែង​បន្លំ សម្រួល​ពិន្ទុ និង​ការ​រៀប​ចំ​លទ្ធ​ផល​ទុក​ជា​មុន រួម​ចំ​ណែក​ធា​នា​នូវ​ភាព​យុត្តិ​ធម៌ ស្មោះ​ត្រង់ និង​វិន័យ​នៅ​ក្នុង​មហា​សន្និ​បាត៕

                                                ង្វៀង​មិញ - លី​សៀ​

ចែករំលែកអត្ថបទ