មហាសាមគ្គីជនជាតិ ភូមិស្រុកផ្លាស់ថ្មី

12/11/2026 - 14:58

ជំរុញការផ្លាស់ប្តូរឌីជីថលក្នុងការងារបក្ស

ដោយកំណត់ច្បាស់ការផ្លាស់ប្តូរឌីជីថលគឺជាភារកិច្ចសំខាន់មួយ សំដៅផ្លាស់ថ្មីវិធីសាស្ត្រដឹកនាំ លើកកម្ពស់គុណភាពសកម្មភាពអង្គការបក្សនៅមូលដ្ឋាន គណៈកម្មាធិការបក្សឃុំតឹងថាញ់ ទីក្រុងកឹងធើ បាននិងកំពុងសកម្មអនុវត្តនូវដំណោះស្រាយជាច្រើនក្នុងការអនុវត្តបច្ចេកវិទ្យាក្នុងការងារកសាងបក្ស។ ក្នុងនោះ ការដាក់ឱ្យដំណើរការកម្មវិធី “សៀវភៅដៃបក្ខជនអេឡិចត្រូនិច” នាំមកនូវប្រសិទ្ធភាពជាក់ស្តែងជាបណ្តើរៗ រួមចំណែកផ្លាស់ថ្មីវិធីសាស្ត្រប្រជុំសាខាបក្ស លើកកម្ពស់ការយល់ដឹង និងបំណិនឌីជីថលជូនកងជួរកម្មាភិបាលនិងបក្ខជន។

ការដាក់ឱ្យប្រើប្រាស់កម្មវិធី “សៀវភៅដៃបក្ខជនអេឡិចត្រូនិច” មិនត្រឹមតែជាការនាំយកឧបករណ៍បច្ចេកវិទ្យាមួយចូលទៅក្នុងសកម្មភាពរបស់អង្គការបក្សប៉ុណ្ណោះទេ ថែមទាំងរួមចំណែកផ្លាស់ថ្មីវិធីសាស្ត្រទទួលព័ត៌មាន ស្រាវជ្រាវឯកសារ និងចូលរួមប្រជុំរបស់បក្ខជនម្នាក់ៗទៀតផង។ តាមរយៈកម្មវិធីនេះ កម្មាភិបាលនិងបក្ខជនអាចងាយស្រួលទទួលបាននូវគោលការណ៍ សេចក្តីសម្រេចចិត្ត បទបញ្ជា និងលិខិតចង្អុលការរបស់បក្ស ព្រមទាំងម្ចាស់ការស្រាវជ្រាវខ្លឹមសារប្រជុំតាមកាលកំណត់ ប្រជុំប្រធានបទ ត្រៀមបម្រុងមតិយោបល់ចូលរួមកសាងសាខាបក្ស។

សកម្មភាពបក្ខជនប្រើប្រាស់កម្មវិធី “សៀវភៅដៃបក្ខជនអេឡិចត្រូនិច” និងបង់កម្រៃបក្សនៅលើសេវាកម្មរដ្ឋរបស់បក្ស។

នៅសាខាបក្សភូមិតឹងគ្វី A ចំណុះគណៈកម្មាធិការបក្សឃុំតឹងថាញ់ ការដាក់បញ្ចូលកម្មវិធីជាបណ្តើរៗទៅក្នុងការប្រជុំ បានបង្កការវិវឌ្ឍក្នុងស្មារតីយល់ដឹង និងទម្លាប់ធ្វើការរបស់កម្មាភិបាល និងបក្ខជន។ ជំនួសឱ្យការគ្រាន់តែទទួលព័ត៌មានតាមរយៈកិច្ចប្រជុំផ្ទាល់ បក្ខជនអាចម្ចាស់ការស្វែងរកឯកសារ និងធ្វើបច្ចុប្បន្នភាពខ្លឹមសារថ្មីៗនៅលើទូរស័ព្ទស្មាតហ្វូនផ្ទាល់តែម្តង។ អាស្រ័យហេតុនេះ ការចូលរួមប្រជុំសាខាបក្សកាន់តែមានភាពម្ចាស់ការ ជាក់ស្តែង និងមានគុណភាពជាងមុន។ លោកថាយថាញ់ហ្វាយ លេខាសាខាបក្ស ប្រធានគណៈប្រជាជនភូមិតឹងគ្វី A បានឱ្យដឹង៖ “ការដាក់ឱ្យដំណើរការកម្មវិធីបានបង្កលក្ខណៈងាយស្រួលសម្រាប់បក្ខជនវ័យចាស់ ដែលមិនទាន់ចេះស្ទាត់ជំនាញបច្ចេកវិទ្យាព័ត៌មាន ទទួលបានការណែនាំ និងការជួយគាំទ្រកៀកជិតនឹងទម្រង់ឌីជីថល រួមចំណែកក្លាយជាកម្លាំងស្នូលដ៏សកម្មក្នុងការផ្សព្វផ្សាយ និងចលនាប្រជាជនឱ្យចូលរួមក្នុងការផ្លាស់ប្ដូរឌីជីថលក្នុងសហគមន៍”។ ក្រៅពីនេះ ការប្រើប្រាស់បច្ចេកវិទ្យាឌីជីថលក៏ជួយសម្រួលដល់ថ្នាក់ដឹកនាំគណៈកម្មាធិការបក្សក្នុងការគ្រប់គ្រង ដឹកនាំ និងរៀបចំប្រជុំសាខាបក្សផងដែរ។ ខ្លឹមសារស្តីពីការពិនិត្យវត្តមាន ឯកសារ មតិយោបល់ចូលរួមក្នុងការប្រជុំ សេចក្តីសន្និដ្ឋាន និងកំណត់ហេតុប្រជុំត្រូវបានធ្វើបច្ចុប្បន្នភាព និងរក្សាទុកនៅលើបរិស្ថានអេឡិចត្រូនិច ដែលបង្កើតភាពងាយស្រួលសម្រាប់ការតាមដាន គ្រប់គ្រង និងអនុវត្តសេចក្តីសម្រេចចិត្តរបស់សាខាបក្ស។ មិនត្រឹមតែផ្តោតសំខាន់លើការដាក់ឱ្យដំណើរការ "សៀវភៅដៃបក្ខជនអេឡិចត្រូនិច" ប៉ុណ្ណោះទេ គណៈកម្មាធិការបក្សឃុំតឹងថាញ់ ក៏យកចិត្តទុកដាក់ជំរុញការអនុវត្តបច្ចេកវិទ្យាព័ត៌មានក្នុងកិច្ចការដឹកនាំ ចង្អុលការ គ្រប់គ្រង និងដឹកនាំផងដែរ។ វេទិកាបណ្ដាញសង្គមដូចជា Facebook និង Zalo ត្រូវបានយកមកប្រើប្រាស់ ដើម្បីផ្សព្វផ្សាយឱ្យបានទាន់ពេលនូវគោលការណ៍ គោលមាគ៌ារបស់បក្ស គោលនយោបាយ និងច្បាប់របស់រដ្ឋ ព័ត៌មានស្តីពីសកម្មភាពរបស់ភូមិភាគជូនដល់កម្មាភិបាល បក្ខជន និងប្រជាជន ក្លាយជាស្ពានតភ្ជាប់រវាងរដ្ឋអំណាច និងអង្គការបក្សជាមួយប្រជាជនក្នុងការអនុវត្តភារកិច្ចអភិវឌ្ឍន៍សេដ្ឋកិច្ច - សង្គមនៅភូមិភាគ។

ថ្នាក់ដឹកនាំឃុំតឹងថាញ់ សហការរៀបចំវគ្គបំប៉នបំណិនឌីជីថលជូនដល់កម្មាភិបាល និងបក្ខជននៅលើភូមិឋានឃុំ។

លោកស្រី ង្វៀងធីកេវលិញ លេខាគណៈកម្មាធិការបក្ស និងជាប្រធានក្រុមប្រឹក្សាប្រជាជនឃុំតឹងថាញ់ បានបញ្ជាក់៖ “ដើម្បីឱ្យការផ្លាស់ប្តូរឌីជីថលក្នុងការងារបក្សទទួលបានប្រសិទ្ធភាព គណៈកម្មាធិការបក្សឃុំផ្ដោតសំខាន់លើការវិនិយោគហេដ្ឋារចនាសម្ព័ន្ធបច្ចេកវិទ្យា លើកកម្ពស់ជំនាញឌីជីថលសម្រាប់កម្មាភិបាល និងបក្ខជន ជាពិសេសគឺលេខាសាខាបក្ស និងសមាជិកគណៈកម្មាធិការបក្ស។ ទន្ទឹមនឹងនោះ ជំរុញការប្រើប្រាស់កម្មវិធី “សៀវភៅដៃបក្ខជនអេឡិចត្រូនិច” ឌីជីថលឧបនីយកម្មសំណុំឯកសារ ផ្លាស់ថ្មីវិធីសាស្ត្រដឹកនាំ និងពង្រីកតួនាទីឈានមុខ គំរូរបស់កម្មាភិបាល និងបក្ខជនក្នុងការសាយភាយការផ្លាស់ប្តូរឌីជីថលដល់ប្រជាជន”។

តាមរយៈវិធានការព្រមៗគ្នា និងមានលក្ខណៈជាក់ស្តែង ការផ្លាស់ប្តូរឌីជីថលក្នុងការងារបក្សនៅឃុំតឹងថាញ់បានរំពឹងថា នឹងបង្កការវិវឌ្ឍជាវិជ្ជមានក្នុងវិធីសាស្ត្រសកម្មភាពរបស់អង្គការបក្សនៅមូលដ្ឋាន រួមចំណែកលើកកម្ពស់សមត្ថភាពដឹកនាំ កម្លាំងប្រយុទ្ធរបស់អង្គការបក្ស និងកសាងគណៈកម្មាធិការបក្សឱ្យកាន់តែស្អាតស្អំនិងរឹងមាំ ឆ្លើយតបនឹងតម្រូវការភារកិច្ចក្នុងស្ថានភាពថ្មី៕

ថាញ់វ៉ាង – ថាច់ធី

ចែករំលែកអត្ថបទ

ពាក្យគន្លឹះ