កីឡា - ទេសចរណ៍ ទេសចរណ៍

29/09/2026 - 06:13

ស្វែងយល់ពីភូមិរទេសចរណ៍សហគមន៍ញីហ្វា

ភូមិទេសចរណ៍សហគមន៍ញីហ្វា ឃុំញីឡុង ខេត្តវិញឡុង បាននាំមកការឆ្លងពិសោធន៍យ៉ាងជិតដិតនឹងការរស់នៅនៃតំបន់ព្រែកទន្លេសម្រាប់ភ្ញៀវទេសចរ។ចាប់ពីសួនចម្ការ ម្ហូបអាហារជនបទរហូតដល់ការជិះទូកកម្សាន្ត យប់ស្នាក់នៅផ្ទះសំណាក់សហគមន៍ (homestay) ក្បែរព្រែក ទីតាំងនីមួយៗសុទ្ធតែបង្ហាញពីលក្ខណៈសាមញ្ញានៃភូមិស្រុក។

ខ្លោងទ្វារភូមិទេសចរណ៍សហគមន៍ញីហ្វា បង្កចំណាប់អារម្មណ៍ដល់ភ្ញៀវទេសចរដោយសារដើមដូងបែបធម្មជាតិ។

ពេលឈានចូលដល់ខ្លោងទ្វារ ភ្ញៀវទេសចរងាយនឹងប្រទះឃើញខ្លោងទ្វារធ្វើពីដើមដូងចាស់ៗ មានរូបរាងបែបធម្មជាតិនិងសិទ្ធស្នាល។ ឈានចូលផុតពីខ្លោងទ្វារគឺលំហរបៃតងនៃផ្ទះសំណាក់និងចម្ការផ្លែឈើ។ ផ្លាកណែនាំធ្វើពីឈើ ឧទ្ទេសនាមអំពីទីតាំងទស្សនា ហូបចុក សម្រាកលម្ហែកាយនិងលេងកម្សាន្ត ដើម្បីភ្ញៀវជ្រើសរើស។ ភ្ញៀវទេសចរអាចឆៀងចូលទស្សនាគ្រួសារនីមួយៗដែលចូលរួមក្នុងការធ្វើទេសចរណ៍សហគមន៍ ស្វែងយល់ពីការងារប្រចាំថ្ងៃនិងស្តាប់ម្ចាស់ផ្ទះរៀបរាប់ពីបរិវេណចម្ការរបស់ខ្លួន។ ផ្ទះនីមួយៗមានរបៀបទទួលភ្ញៀវ មានរឿងរ៉ាវនិងមុខម្ហូបដោយឡែកៗដិតដាមដោយរសជាតិភូមិស្រុក។ ការសំណេះសំណាលជួយឱ្យភ្ញៀវកាន់តែយល់ច្បាស់អំពីតំបន់ដីដែលខ្លួនមកទស្សនា ព្រមទាំងបង្កបាននូវចំណាប់អារម្មណ៍ដ៏ស្និទស្នាលដូចមកលេងផ្ទះញាតិសន្តាន។

សួនចម្ការជាទីតាំងលម្ហែកាយសមស្របសម្រាប់អ្នកចងឃ្លាតពីបរិយាកាសអ៊ូអរនៅទីក្រុង។ ដើរកម្សាន្តក្រោមម្លប់ដើមឈើ ភ្ញៀវទេសចរអាចទស្សនាពីរបៀបប្រជាជនធ្វើចម្ការ ស្តាប់ការចែករំលែកអំពីការផលិតនិងឆ្លៀតពេលជួបជុំគ្រួសារនិងមិត្តភក្តិ។ជាងនេះទៅទៀត សម្រាប់អ្នកដែលស្រឡាញ់ចូលចិត្តបរិយាកាសព្រែកទន្លេ អាចជិះទូកដដើម្បីទស្សនាទេសភាពតាមដងព្រែក។ នៅលើទូកដសម្លឹងទៅច្រាំងឃើញទិដ្ឋភាពជួរដើមឈើនិងផ្ទះស្រស់ស្អាត ធ្វើឱ្យដំណើរស្វែងយល់កាន់តែមានភាពទាក់ទាញ។ ដំណើរកម្សាន្តក៏ជាឱកាសដើម្បីភ្ញៀវបានយល់ពីចង្វាក់នៃការរស់នៅនៃតំបន់ជនបទ ព្រែកទន្លេផ្សារភ្ជាប់នឹងជីវភាពប្រចាំថ្ងៃរបស់ប្រជាជន។

ក្រៅពីនោះ នៅតាមទីតាំងស្វែងយល់ពីរបរប្រពៃណី ក៏បានរួមចំណែកធ្វើផលិតផលទេសចរណ៍នៅញីហ្វាកាន់តែសម្បូរបែប។ តាមរយៈការសង្កេតមើលពីរបៀបប្រជាជនផលិតនូវផលិតផលសិប្បកម្ម ភ្ញៀវទេសចរអាចឃើញពីភាពប៉ុនប្រសប់ ភាពអត់ធ្មត់ក្នុងដំណាក់ការនីមួយៗ។ ចំពោះអ្នកវ័យចាស់ រូបភាពទាំងនោះអាចរំលឹកនូវអនុស្សាវរីយ៍មួយគ្រា ចំពោះកុមារ នោះគឺជាឱកាសដើម្បីស្វែងយល់បន្ថែមអំពីកិច្ចការនិងសម្ភារៈផ្សារភ្ជាប់នឹងជីវភាពជីដូនជីតានិងឪពុកម្តាយ។ ការឆ្លងពិសោធន៍ទាំងនោះ ជួយឱ្យរឿងរ៉ាវអំពីភូមិស្រុកបានរៀបរាប់យ៉ាងសាមញ្ញ តាមរយៈប្រជាជននិងកិច្ចការរបស់ពួកគាត់ធ្វើជារៀងរាល់ថ្ងៃ។

ភ្ញៀវទេសចរកម្សាន្តនៅភូមិទេសចរណ៍សហគមន៍ញីហ្វា។

បន្ទាប់ពីដើរកម្សាន្ត ស្ពកបាយជាមួយមុខម្ហូបស្រុកស្រែដែលចម្អិនឡើងដោយប្រជាជនដិតដាមដោយរសជាតិនៃតំបន់ព្រែកទន្លេវិញឡុង។ ភ្ញៀវទេសចរនៅទាំងបានភ្លក់រសជាតិនំប្រពៃណី លេងល្បែងប្រជាប្រិយនិងសកម្មភាពលេងកម្សាន្តលើផ្ទៃទឹក។ សម្រាប់អ្នកវ័យចាស់មានឱកាសរំលឹកឡើងវិញនូវល្បែងដែលផ្សារភ្ជាប់នឹងវ័យកុមារ ចំណែកក្មេងៗបានទទួលបទពិសោធន៍មួយគ្រួសារនៅទីវាលខាងក្រៅ។តាំងពីការទស្សនាអ្នកចម្ការ ជិះទូកដគយគន់ទេសភាព រហូតដល់ភ្លក់រសជាតិម្ហូបអាហារនិងលេងកម្សាន្ត ម្នាក់ៗអាចជ្រើសរើសសកម្មភាពសមស្របតាមចំណូលចិត្តរៀងៗខ្លួន។

ភ្ញៀវទេសចរត្រៀមចុះទូកកម្សាន្តតំបន់ព្រែកទន្លេញីហ្វា។

លោកទ្រីវ៉ាំងងេប នាយកក្រុមហ៊ុនទេសចរណ៍វិញប៊ិញ ម្ចាស់homestay នៅញីហ្វា ឱ្យដឹង៖ ភូមិទេសចរណ៍សហគមន៍ទទួលទាំងភ្ញៀវជាតិនិងអន្តរជាតិ។ ភ្ញៀវទេសចរអន្តរជាតិជាច្រើនមកស្វែងយល់ពីវប្បធម៌និងជីវភាពតំបន់ព្រែកទន្លេ។ បើសិនចង់ស្នាក់នៅយូរ ភ្ញៀវអាចស្នាក់នៅផ្ទះសំណាក់សហគមន៍ក្បែរព្រែក ភ្លក់រសជាតិមុខម្ហូបក្នុងតំបន់និងឆ្លៀតពេលឆ្លងបទពិសោធន៍ជាមួយប្រជាជននៅតំបន់នេះ។ ការចាត់តាំងទីតាំងកម្សាន្តនៅតាមផ្ទះប្រជាជនគឺបើកឱកាសដើម្បីគ្រួសារនីមួយៗបានឧទ្ទេសនាមពីផ្នត់រស់នៅ មុខម្ហូបនិងកិច្ចការរបស់ខ្លួនដល់ភ្ញៀវមកពីចម្ងាយ។

ចាកចេញពីញីហ្វា ភ្ញៀវទេសចរនឹងចងចាំមិនភ្លេចខ្លោងទ្វារដើមដូង ជិះទូកកម្សាន្តតាមដងព្រែក មុខម្ហូបឆ្ងាញ់ពិសារឬពាក្យទទួលស្វាគមន៍យ៉ាងស្និទ្ធស្នាលពីម្ចាស់ផ្ទះ។គ្រួសារនីមួយៗរួមចំណែកមួយផ្នែកក្នុងដំណើរកម្សាន្តរួម ដើម្បីភ្ញៀវស្វែងយល់ពីភូមិទេសចរណ៍ តាមរយៈទីតាំងទេសចរណ៍និងរឿងរ៉ាវជាច្រើន។ ភាពសាមញ្ញទាំងនោះ បង្កឱ្យមានភាពទាក់ទាញនៃភូមិទេសចរណ៍សហគមន៍ញីហ្វានៅតំបន់ព្រែកទន្លេវិញឡុង៕

ទីទុយ-មុនី

ចែករំលែកអត្ថបទ

ពាក្យគន្លឹះ