សន្តិសុខ - ការពារប្រទេស សន្តិសុខ

19/09/2026 - 09:03

គោលនយោបាយថ្មីសម្រាប់អ្នកមានប្រិយភាព

អ្នកមានប្រិយភាពក្នុងសហគមន៍ជនជាតិភាគតិច ជាបុគ្គលគំរូឆ្នើម ឈានមុខរាល់ការចលនារបស់ភូមិភាគ ជាស្ពានតភ្ជាប់ដ៏សំខាន់រវាងរដ្ឋអំណាចគ្រប់លំដាប់ថ្នាក់ ប្រព័ន្ធនយោបាយនៅមូលដ្ឋាននិងជនជាតិភាគតិច។

លោកឧត្តមសេនីយ៍ឯក ង្វៀងទ្រុងង៉ៀ សមាជិកការិយាល័យនយោបាយ លេខាមជ្ឈិមបក្ស សមាជិកអចិន្ត្រៃយ៍គណៈកម្មាធិការបក្សយោធាមជ្ឈិម ប្រធានអគ្គនាយកដ្ឋាននយោបាយកងទ័ពប្រជាជនវៀតណាម ជូនអំណោយដល់អ្នកតំណាងទាំងឡាយ។ រូបថត៖ កៀងក្វឹក

បទប្បញ្ញត្តិថ្មីស្តីពីការជ្រើសរើសអ្នកមានប្រិយភាព

ចាប់ពីថ្ងៃទី២០ ខែកញ្ញា ឆ្នាំ២០២៦ អនុក្រឹត្យលេខ ៣០៧/២០២៦/NĐ-CP របស់រដ្ឋាភិបាលបានកំណត់អំពីការជ្រើសរើស ការទទួលស្គាល់និងគោលនយោបាយសម្រាប់អ្នកមានប្រិយភាពក្នុងតំបន់ជនជាតិភាគតិច ព្រមទាំងគោលនយោបាយទៅសួរសុខទុក្ខ ជូនពរ ជូនអំណោយ លើកទឹកចិត្ត ជួបជុំ ស្ងើចសរសើរចំពោះអង្គការនិងបុគ្គលមួយចំនួនជាជនជាតិភាគតិច (ហៅកាត់ថា អនុក្រឹត្យលេខ ៣០៧) មានសុពលភាពជាផ្លូវការ។

នាពេលខាងមុខ ពេលអនុក្រឹត្យលេខ ៣០៧ មាន សុពលភាព បទប្បញ្ញត្តិស្តីពីការជ្រើសរើសអ្នកមានប្រិយភាពនឹងមានការផ្លាស់ប្តូរ។ ជាក់ស្តែងត្រង់មាត្រា ៥ នៃអនុក្រឹត្យលេខ ៣០៧ បានកំណត់អំពីការជ្រើស រើសមុខសញ្ញាអ្នកមានប្រិយភាព ដូចជា៖ ចាស់ព្រឹទ្ធាចារ្យក្នុងភូមិ ប្រធានវង្សត្រកូល បុគ្គលតែងបានជនជាតិភាគតិចអញ្ជើញមកអនុវត្តពិធីកិច្ចប្រពៃណីឬពិធី ជំនឿល្អប្រសើរអ្នកមុខអ្នកការសាសនា អ្នកបួសក្នុងអង្គការសាសនាដែលបានរដ្ឋទទួលស្គាល់។

ទន្ទឹមនឹងនោះ អ្នកមានប្រិយភាពក៏បានជ្រើសរើសពីមុខសញ្ញា ដូចជា៖ លេខាសាខាបក្ស; ប្រធានភូមិ; ប្រធានគណៈការងាររណសិរ្សភូមិ; ប្រធានក្រុមការពារសន្តិសុខសណ្តាប់ធ្នាប់; មេកងជីវពលភូមិ; បញ្ញវន្ត; អាជីវករ; កសិករ; នារី; យុវជនគំរូ ដែលបានមាមីងជនជាតិភាគតិចទំនុកចិត្ត..។

គោលនយោបាយឧបត្ថម្ភជាក់ស្តែងជាច្រើន

ជាក់ស្តែង ត្រង់មាត្រា ១០ នៃអនុក្រឹត្យលេខ ៣០៧ បានកំណត់៖ គណៈកម្មាធិការប្រជាជនថ្នាក់ ខេត្ត ចង្អុលការ ចាត់តាំងអនុវត្តគោលនយោបាយឧបត្ថម្ភសម្ភារៈ លើកទឹកចិត្តអ្នកមានប្រិយភាព ដូចជា៖ ទៅសួរសុខទុក្ខនិងជូនអំណោយក្នុងឱកាសបុណ្យចូលឆ្នាំវៀតណាម បុណ្យទានផ្សេងៗរបស់ជនជាតិភាគតិច ច្រើនបំផុតម្នាក់ ៣ លើកក្នុងមួយឆ្នាំ កម្រិតចំណាយម្នាក់ ១ លានដុងក្នុងមួយលើក។

អញ្ជើញទៅសួរសុខទុក្ខនិងឧបត្ថម្ភទាន់ពេលដល់គ្រួសារអ្នកមានប្រិយភាព ដែលជួបការលំបាកដោយចៃដន្យ មកអំពីឧបទ្ទវហេតុ គ្រោះធម្មជាតិ អគ្គិភ័យ ធ្វើឱ្យបាត់បង់អាយុជីវិត បានឧបត្ថម្ភដោយទឹកប្រាក់ ៥លានដុងក្នុងម្នាក់ រងការខូចខាតទ្រព្យសម្បត្តិ បានគណៈកម្មាធិការប្រជាជនថ្នាក់ឃុំកន្លែងស្នាក់នៅ បញ្ជាក់ កំណត់កម្រិតខូចខាត បានឧបត្ថម្ភ យោងទៅតាមភាពជាក់ស្តែង ខ្ពស់បំផុត ៥ លានដុងមួយគ្រួសារក្នុងមួយលើក (មិនលើស១០ លានដុងក្នុងមួយគ្រួសារក្នុងមួយឆ្នាំ)។

ចំពោះថ្នាក់ដឹកនាំស្នូល ថ្នាក់ដឹកនាំជាន់ខ្ពស់របស់បក្ស រដ្ឋ រណសិរ្សមាតុភូមិវៀតណាម ក្រុមការងារក្រុមប្រឹក្សាជនជាតិនៃរដ្ឋសភាក្រសួងជនជាតិនិងសាសនាទៅសួរសុខទុក្ខនិងធ្វើការនៅភូមិភាគនានា៖ សួរសុខទុក្ខ ជូនពរ ជូនអំណោយមានតម្លៃមិនលើស ១ លានដុងសម្រាប់អ្នកមានប្រិយភាពម្នាក់។ ទៅសួរសុខទុក្ខ ឧបត្ថម្ភអ្នកមានប្រិយភាពពេលឈឺថ្កាត់ គ្រួសារជួបការលំបាកដោយចៃដន្យមកពីឧបទ្ទវហេតុ គ្រោះធម្មជាតិ អគ្គិភ័យ ធ្វើឱ្យបាត់បង់អាយុជីវិតនិងរងការខូចខាតទ្រព្យសម្បត្តិ មានសាច់ញាតិក្នុងគ្រួសារស្លាប់ បានឧបត្ថម្ភទឹកប្រាក់ ៥ លានដុងក្នុងមួយករណី។

យោងតាមមាត្រា ១៣ នៃអនុក្រឹត្យលេខ ៣០៧ បានកំណត់អំពីគោលនយោបាយសួរសុខទុក្ខ ជូនពរ ជូនអំណោយ លើកទឹកចិត្ត ជួបជុំ ស្ងើចសរសើរចំពោះអង្គការនិងបុគ្គលមួយចំនួនជាជនជាតិភាគ តិចក៏បានយកចិត្តទុកដាក់ផងដែរ។

ជាក់ស្តែង ក្នុងការជូនពរនិងជូនអំណោយក្នុងឱកាសបុណ្យចូលឆ្នាំវៀតណាម បុណ្យទានផ្សេងៗ របស់ជនជាតិភាគតិច ក្នុងឱកាសថ្នាក់ដឹកនាំស្នូល ថ្នាក់ដឹកនាំជាន់ខ្ពស់របស់បក្ស រដ្ឋ រណសិរ្សមាតុភូមិ វៀតណាម ក្រុមការងារក្រុមប្រឹក្សាជនជាតិនៃរដ្ឋសភា ក្រសួងជនជាតិនិងសាសនាទៅសួរសុខទុក្ខនិងធ្វើ ការនៅភូមិភាគនានាចំពោះលេខាសាខាបក្ស ចាស់ ព្រឹទ្ធាចារ្យក្នុងភូមិ ប្រធានភូមិ ប្រធានគណៈការងារ រណសិរ្សភូមិ កសិករផលិតពូកែ អ្នកមុខអ្នកការសាសនាជាជនជាតិភាគតិច (កម្រិតចំណាយខ្ពស់បំផុត ១ លានដុងក្នុងម្នាក់ក្នុងមួយលើក មិនលើស ៣ លានដុងម្នាក់ក្នុងមួយឆ្នាំ)។

អញ្ជើញទៅសួរសុខទុក្ខ លើកទឹកចិត្ត ជូនអំណោយ ចំពោះមាមីងជនជាតិភាគតិច គ្រួសារជនជាតិភាគ តិច គ្រួសារជនជាតិភាគតិចនៅតំបន់ជនជាតិភាគ តិច មានអ្នកបាត់បង់អាយុជីវិត ឬរងការខូចខាតទ្រព្យសម្បត្តិដោយសាគ្រោះធម្មជាតិ រោគរាតត្បាត អគ្គិភ័យ (កម្រិតចំណាយខ្ពស់បំផុតម្នាក់ ១ លានដុង ក្នុងមួយលើក មិនលើស ៣ លានដុងម្នាក់ក្នុងមួយឆ្នាំ)។ ករណីមានអ្នកបាត់បង់អាយុជីវិត បានឧបត្ថម្ភទឹកប្រាក់ម្នាក់ ៥ លានដុង រងការខូចខាតទ្រព្យសម្បត្តិ បានគណៈកម្មាធិការប្រជាជនថ្នាក់ឃុំកន្លែងស្នាក់នៅ បញ្ជាក់កំណត់កម្រិតខូចខាតគឺបានឧបត្ថម្ភយោងតាមភាពជាក់ស្តែងខ្ពស់បំផុត ៥ លានដុងមួយគ្រួសារក្នុងមួយលើក (មួយឆ្នាំមិនលើស ១០ លានដុង ក្នុងមួយគ្រួសារ)...៕

យោង៖dangcongsan.org.vn-មុនី

ចែករំលែកអត្ថបទ

ពាក្យគន្លឹះ