សុខភាព - អប់រំ សុខភាព

15/09/2026 - 22:06

នាំយកសេវាពិនិត្យព្យាបាលជំងឺខិតជិតប្រជាជន

ដើម្បីឆ្ពោះដល់គោលដៅប្រជាជនគ្រប់រូបសុទ្ធតែបានខិតជិតសេវាកម្មសុខាភិបាលមានគុណភាព និងម្ចាស់ការគ្រប់គ្រងសុខភាពខ្លួនឯង បណ្តាដំណាក់សុខាភិបាលនៅលើភូមិឋានទីក្រុងកឹងធើ បានសហការជាមួយបណ្តាសុខាភិបាលទីក្រុង ចាត់តាំងការចេញទ័ពពិនិត្យសុខភាពតាមកាលកំណត់ ដោយឥតគិតថ្លៃ និងបង្កើតសៀវភៅសុខភាពអេឡិចត្រូនិចជូនដល់ប្រជាជននាឆ្នាំ ២០២៦។

បណ្តាថ្ងៃនេះ នៅដំណាក់សុខាភិបាលឃុំតាយវ៉ាំង គណៈកម្មាធិការប្រជាជនឃុំតាយវ៉ាំង សហការជាមួយមន្ទីរពេទ្យហ្វាងទ្វឹង ទីក្រុងកឹងធើ ចាត់តាំងការពិនិត្យសុខភាពតាមកាលកំណត់ ដោយឥតគិតថ្លៃ និងបង្កើតសៀវភៅសុខភាពអេឡិចត្រូនិចជូនដល់ប្រជាជននៅលើភូមិឋានឃុំនាឆ្នាំ ២០២៦។ នៅទីនេះ ប្រជាជនបានគ្រូពេទ្យ វេជ្ជបណ្ឌិតពិនិត្យសុខភាពទូទៅ វាស់សម្ពាធឈាម ផ្តល់ប្រឹក្សាថែទាំសុខភាព ពិនិត្យស្រាវជ្រាវជំងឺដែលជួបប្រទះជាញឹកញាប់ ណែនាំរបបបំប៉ន ការប្រជុំជីវភាពសមស្រប និងជូនថ្នាំដោយឥតគិតថ្លៃ...។

កម្មាភិបាលសុខាភិបាលឃុំតាយវ៉ាំង សកម្មពិនិត្យជំងឺជូនប្រជាជនភូមិភាគ។

អ្នកមីង លូវ ធីយ៉េន ប្រជាជនមកពិនិត្យសុខភាព បានឱ្យដឹង៖ “កាលពីមុន ខ្ញុំធ្លាប់វះកាត់គ្រួសក្នុងតម្រងនោម ហើយក្រោយមកតែងតែឈឺពោះជាញឹកញាប់។ រាល់លើកដែលទៅពិនិត្យ គឺត្រូវទៅដល់មន្ទីរពេទ្យពហុព្យាបាលសុកត្រាំង ទោះបីជាចំណាយលើការពិនិត្យមិនខ្ពស់ ប៉ុន្តែក៏បង់ថ្លៃធ្វើដំណើរដែរ។ ប៉ុន្មានថ្ងៃនេះ បានពិនិត្យដោយឥតគិតថ្លៃនៅដំណាក់សុខាភិបាលឃុំ ខ្ញុំសប្បាយចិត្តណាស់ ខ្ញុំសង្ឃឹមថាទៅថ្ងៃមុខ នឹងមានលើកពិនិត្យបែបនេះជាច្រើនទៀត ដើម្បីឱ្យខ្ញុំក៏ដូចជាប្រជាជនភូមិភាគ បានពិនិត្យសុខភាពជាទៀងទាត់”។ ក៏ដូចជាអ្នកមីង យ៉េន ដែរ ប្រជាជនរាប់រយនាក់ដែលមកពិនិត្យ សុទ្ធតែបានសម្តែងក្តីសប្បាយរីករាយ នៅពេលបានចូលរួមពិនិត្យសុខភាពតាមកាលកំណត់ដោយឥតគិតថ្លៃ បានផ្តល់ប្រឹក្សាថែទាំសុខភាព រកឃើញទាន់ពេលនូវហានិភ័យជំងឺ និងបច្ចុប្បន្នភាពព័ត៌មានសុខភាពបុគ្គល។

ប្រជាជនឃុំវិញធ្វឹងដុងបានកម្មាភិបាលសុខាភិបាលអស់ពីចិត្តពិនិត្យសុខភាពនិងផ្តល់ប្រឹក្សាពីវិធីសាស្ត្រថែទាំសុខភាព។

រីឯដំណាក់សុខាភិបាលឃុំវិញធ្វឹងដុង ក៏កំពុងសកម្មសហការជាមួយមន្ទីរពេទ្យយោធា ១២១ ទីក្រុងកឹងធើ ចាត់តាំងការចេញទ័ពពិនិត្យសុខភាពតាមកាលកំណត់ ឆ្នាំ ២០២៦ ជូនដល់ប្រជាជនទាំង ១២ ភូមិនៅលើភូមិឋានឃុំ នៅតាមបណ្ដុំសុខាភិបាល; ខិតខំសម្រេច ១០០% នៃចំនួនប្រជាជនដែលកំពុងរស់នៅលើភូមិឋានឃុំ បានពិនិត្យសុខភាព និងពិនិត្យសុខភាពតាមកាលកំណត់ ដោយសម្រេចមុនថ្ងៃទី ៣០/៩/២០២៦; ក្នុងនោះ អាទិភាពចំពោះអ្នកដែលមិនទាន់បានចូលរួមពិនិត្យ អ្នកពិការ មនុស្សចាស់ និងករណីណាដែលលំបាកខិតជិត។

ជាមួយកងជួរគ្រូពេទ្យ វេជ្ជបណ្ឌិតដែលបានបង្កើនជាមួយនឹងឧបករណ៍ទំនើបៗ...។ បានជួយឱ្យប្រជាជនបានខិតជិតបណ្តាសេវាកម្មបច្ចេកទេស ភ្លាមៗនៅនឹងមូលដ្ឋាន។ ការងារឃោសនាផ្សព្វផ្សាយបានចាត់តាំងអនុវត្តតាមច្រើនទម្រង់ ផ្ដើមពីនោះ រួមចំណែកលើកកម្ពស់ការយល់ដឹងរបស់ប្រជាជនអំពីអត្ថន័យនៃការពិនិត្យសុខភាពតាមកាលកំណត់ រកឃើញទាន់ពេលនូវហានិភ័យជំងឺ ...។ “ដើម្បីសម្រេចបានគោលដៅទូទាំងប្រជាជនបានពិនិត្យសុខភាពតាមកាលកំណត់ តម្រូវការដាក់ចេញមិនត្រឹមតែជាល្បឿននៃការអនុវត្តប៉ុណ្ណោះទេ នៅទាំងជាលក្ខណៈក្នុងការចាត់តាំងប្រព័ន្ធ ប្រសិទ្ធភាពក្នុងការសម្របសម្រួល និងសមត្ថភាពអនុវត្តបច្ចេកវិទ្យាក្នុងការគ្រប់គ្រងទិន្នន័យសុខភាព” - លោក ផាង វ៉ាំងហាយ នាយកដំណាក់សុខាភិបាលឃុំវិញធ្វឹងដុង បានឱ្យដឹងដូច្នេះ។

កម្មវិធីពិនិត្យសុខភាពតាមពេលកំណត់ គឺជាសកម្មភាពជាក់ស្តែង រួមចំណែកលើកកម្ពស់ការយល់ដឹងរបស់ប្រជាជនអំពីការថែទាំសុខភាព; ជំរុញទឹកចិត្តប្រជាជនម្ចាស់ការពិនិត្យសុខភាពតាមកាលកំណត់ រកឃើញជំងឺទាន់ពេល ដើម្បីបានផ្តល់ប្រឹក្សា តាមដាន និងព្យាបាលទាន់ពេល។ តាមរយៈនោះ ជួយបន្ថយថ្លៃចំណាយព្យាបាល លើកកម្ពស់គុណភាពការរស់នៅជូនប្រជាជនភូមិភាគ៕

ថាញ វ៉ាង - មេងលី

ចែករំលែកអត្ថបទ

ពាក្យគន្លឹះ