មហាសាមគ្គីជនជាតិ ភូមិស្រុកផ្លាស់ថ្មី

08/09/2026 - 09:45

ទម្រង់"គ្រួសារឌីជីថល" រួមចំណែកជំរុញការផ្លាស់ប្តូរឌីជីថលនៅភូមិភាគ

ពង្រីកតួនាទីរបស់អង្គការសមាគមក្នុងការរួមដំណើរជាមួយសមាជិកានារីបន្ស៊ាំ នឹងនិន្នាការអភិវឌ្ឍនៃសម័យបច្ចេកវិទ្យាឌីជីថល រយៈពេលកន្លង សមាគមសហព័ន្ធនារីគ្រប់លំដាប់ថ្នាក់របស់ទីក្រុងកឹងធើ បានផ្សព្វផ្សាយទម្រង់ "គ្រួសារឌីជីថល" យ៉ាងសកម្ម។ ផ្តើមពីនោះ ជួយលើកកម្ពស់ការយល់ដឹង បំណិនឌីជីថលដល់សមាជិកានារីនិងសមាជិកក្នុងគ្រួសារ រួមចំណែកកសាងពលរដ្ឋឌីជីថល សង្គមឌីជីថល ជាជំហានៗនាំយកបច្ចេកវិទ្យាទៅក្នុងជីវភាពជាក់ស្តែង។

កំណត់ច្បាស់ការផ្លាស់ប្តូរឌីជីថលមិនត្រឹមជាភារកិច្ចរបស់ស្ថាប័ន អង្គភាពប៉ុណ្ណោះទេ ថែមទាំងមានការចូលរួមយ៉ាងសកម្មពីសំណាក់ប្រជាជនគ្រប់រូប និងគ្រប់គ្រួសារទាំងអស់។ ហេតុនេះតាំងពីដើមឆ្នាំ សមាគមសហព័ន្ធនារីឃុំវិញធ្វឹងដុង បានខ្នះខ្នែងកសាងផែនការផ្សព្វផ្សាយទម្រង់"ក្រុមនារីគ្រួសារឌីជីថល"ដល់គ្រប់សាខាសមាគមនារី ជ្រើសរើសគ្រួសារសមាជិកានារីឆ្នើមដើម្បីចូលរួមអនុវត្តទម្រង់គំរូ ដោយចាត់ទុកថានេះជាភារកិច្ចដ៏សំខាន់ ដើម្បីផ្លាស់ថ្មីខ្លឹមសារ បែបបទសកម្មភាពរបស់សមាគម ភ្ជាប់នឹងការអនុវត្តចលនាប្រឡងប្រណាំងនិងបណ្តាភារកិច្ចអភិវឌ្ឍសេដ្ឋកិច្ច-សង្គមរបស់ភូមិភាគ។

សមាគមសហព័ន្ធនារីឃុំវិញធ្វឹងដុង បង្ហាញ់មុខទម្រង់"ក្រុមនារីគ្រួសារឌីជីថល"។

ទម្រង់"ក្រុមនារីគ្រួសារឌីជីថល" បានបង្កើតនៅដើមខែឧសភា មានសមាជិក៧នាក់ ជាមួយអត្ថន័យលើកកម្ពស់ការយល់ដឹងដល់កម្មាភិបាល សមាជិកានិងប្រជាជនអំពីអត្ថន័យនិងសារសំខាន់នៃការផ្លាស់ប្តូរឌីជីថលក្នុងដំណាក់កាលបច្ចុប្បន្ន។ ចែករំលែកពីខ្លឹមសារនិងរបៀបផ្សព្វផ្សាយពីទម្រង់ អ្នកស្រី ត្រឹងង្វៀងធូហាយ ប្រធានសមាគមសហព័ន្ធនារីឃុំវិញធ្វឹងដុង ឱ្យដឹង៖ "ការងារផ្សព្វផ្សាយទម្រង់បានអនុវត្តដោយទម្រង់រូបភាពជាច្រើន តាមរយៈការប្រជុំសាខាសាមាគម ការប្រជុំក្រុមនារីនៅរាល់លើក ការផ្សាយតាមវិទ្យុនៅមូលដ្ឋាន ក្រុម Zalo របស់សមាគម ទំព័រ Facebook របស់សមាគមសហព័ន្ធនារីឃុំនិងបណ្តាសកម្មភាពផ្សព្វផ្សាយសហគមន៍។ ខ្លឹមសារផ្សព្វផ្សាយផ្តោតសំខាន់លើផលប្រយោជន៍ជាក់ស្តែងនៃការផ្លាស់ប្តូរឌីជីថលក្នុងជីវភាពប្រចាំថ្ងៃ មានដូច៖ ការទូទាត់មិនប្រើប្រាក់មុខ ការប្រើសេវាកម្មរដ្ឋតាមប្រព័ន្ធអនឡាញ អនុវត្តបច្ចេកវិទ្យាក្នុងការផលិតនិងធ្វើអាជីវកម្ម ការលក់ដូរទំនិញ បង្ខិតជិតព័ត៌មានជាផ្លូវការនិងធានាសុវត្ថិភាពលើបណ្តាញអ៊ីនធឺណិត"។

ដូច្នោះដែរ ដើម្បីទម្រង់"គ្រួសារឌីជីថល"សម្រេចប្រសិទ្ធភាពនិងជ្រួតជ្រាបទៅក្នុងជីវភាពជាក់ស្តែង សមាគមសហព័ន្ធនារីឃុំតឹងហ្វា បានចាត់តាំងការណែនាំនិងហ្វឹកហាត់បំណិនឌីជីថលជាច្រើនលើក ដល់សមាជិកានារី។ ពិសេសគឺនៅរាល់ពេលប្រជុំក្រុមនារី សមាជិកាបានណែនាំពីរបៀបប្រើប្រាស់ទូរស័ព្ទឆ្លាតវៃ របៀបដំឡើងនិងប្រើកម្មវិធីឌីជីថលជាចាំបាច់ ដូចជា៖ VNeID កម្មវិធីធនាគារអេឡិចត្រូនិក ការទូទាត់តាមប្រព័ន្ធអនឡាញ ធានារ៉ាប់រងសង្គមឌីជីថល សេវាកម្មរដ្ឋតាមប្រព័ន្ធអនឡាញ។ចំពោះសមាជិកដែលមានវ័យចាស់ តិចមានលក្ខណៈបង្ខិតជិតបច្ចេកវិទ្យា កម្មាភិបាលសមាគមនិងសមាជិកាក្រុមបច្ចេកវិទ្យាឌីជីថលសហគមន៍ជួយណែនាំផ្ទាល់អនុវត្តមួយជំហានម្តង តាំងពីការបង្កើតគណនី របៀបចូលប្រើកម្មវិធី រហូតដល់របៀបអនុវត្តការដោះដូរជាមូលដ្ឋានលើបរិស្ថានឌីជីថល។ តាមរយៈនោះ ជួយឱ្យសមាជិកានារីមោះមុតក្នុងការបង្ខិតជិតបច្ចេកវិទ្យា ជាជំហានៗបំបាត់ភាពញញើតពេលប្រើប្រាស់ប្រព័ន្ធឌីជីថល។ បងស្រី ហ្វិញធីប៊ិតធ្វីអែម នៅឃុំតឹងហ្វា ឱ្យដឹង៖ "តាមរយៈទម្រង់ "គ្រួសារឌីជីថល" ខ្ញុំនិងបងប្អូននារីជាច្រើនបានម្ចាស់ការអនុវត្តបច្ចេកវិទ្យាឌីជីថលទៅក្នុងសកម្មភាពប្រចាំថ្ងៃ ដូចជា៖ ទូទាត់ថ្លៃអគ្គិសនី ថ្លៃទឹក និងការទិញទំនិញបានអនុវត្តឆាប់រហ័សតាមរយៈទូរស័ព្ទឆ្លាតវៃ មិនបាច់ប្រើប្រាក់មុខ"។

កម្មាភិបាលសមាគមនារីឃុំតឹងហ្វា សកម្មផ្សព្វផ្សាយខ្លឹមសារទម្រង់"គ្រួសារឌីជីថល"ដល់សមាជិកានារី។

ទន្ទឹមនឹងការជួយលើកកម្ពស់សមត្ថភាពបង្ខិតជិតព័ត៌មាន ទម្រង់នេះ នៅទាំងជួយសមាជិកាធ្វើបច្ចុប្បន្នភាពចំណេះដឹងអំពីការផលិត ចិញ្ចឹមសត្វ ដាំដុះ ថែទាំសុខភាពកូនចៅតាមរយៈប្រព័ន្ធអ៊ីនធឺណិត។ ព្រមទាំងផ្សព្វផ្សាយ ឧទ្ទេសនាមផលិតផលអាស្រ័យគ្រួសារផលិតឬផលិតផល OCOP របស់ភូមិភាគដល់អតិថិជនបានទូលំទូលាយ។ ប្រការនេះ រួមចំណែកបង្កើនប្រាក់ចំណូលដល់គ្រួសារ ថែមទាំងជំរុញការអភិវឌ្ឍសេដ្ឋកិច្ចភូមិភាគតាមទិសដៅសម័យទំនើប។ "ទម្រង់"គ្រួសារឌីជីថល"បានបង្កើតឡើងនៅខែមីនា ឆ្នាំ២០២៦ ដោយមានសមាជិកចូលរួម២០នាក់។ ដើម្បីពង្រីកបានប្រសិទ្ធភាព នាពេលខាងមុខ សមាគមសហព័ន្ធនារីឃុំតឹងហ្វា បន្តជំរុញការផ្សព្វផ្សាយ ពង្រីកវិសាលភាពទម្រង់ បង្កើនកិច្ចសហការចាត់តាំងបើកវគ្គហ្វឹកហាត់ បំប៉នបំណិនឌីជីថលដល់សមាជិក ឧបត្ថម្ភនារីអនុវត្តបច្ចេកវិទ្យាក្នុងការអភិវឌ្ឍសេដ្ឋកិច្ចគ្រួសារ រួមចំណែកអនុវត្តជោគជ័យកម្មវិធីផ្លាស់ប្តូរឌីជីថលជាតិ កសាងគ្រួសារសម្បូរសប្បាយ ជឿនលឿន សុភមង្គល ស៊ីវិល័យនិងអភិវឌ្ឍដោយចីរភាព"។ អ្នកស្រី ប៊ូយធីហុងថើម ប្រធានសមាគមសហព័ន្ធនារីឃុំតឹងហ្វា បានផ្តល់ព័ត៌មានដូច្នេះ។

អាចនិយាយថា ទម្រង់ "គ្រួសារឌីជីថល" មិនត្រឹមតែរួមចំណែកលើកកម្ពស់គុណភាពជីវភាពរបស់សមាជិកានារីប៉ុណ្ណោះទេ ថែមទាំងបញ្ជាក់ពីតួនាទីរបស់អង្គការសមាគមក្នុងការផ្សព្វផ្សាយ ចលនាប្រជាជនចូលរួមការផ្លាស់ប្តូរឌីជីថល។ នេះក៏ជាដំណោះស្រាយមួយក្នុងចំណោមដំណោះស្រាយសំខាន់ៗអនុវត្តមានប្រសិទ្ធភាពនូវទិសដៅកសាងរដ្ឋាភិបាលឌីជីថល សេដ្ឋកិច្ចឌីជីថលនិងសង្គមឌីជីថលនៅភូមិភាគ៕

ថាញវ៉ាង-មុនី

ចែករំលែកអត្ថបទ

ពាក្យគន្លឹះ