ព្រឹត្តិការណ៍ - នយោបាយ ព្រឹត្តិការណ៍

24/07/2026 - 20:48

ឡុងភូសម្ពោធស្ពានយុវជន កសាងសំណង់ "បំភ្លឺផ្លូវជនបទ ផ្លូវទង់ជាតិ"

ព្រឹកថ្ងៃទី ២៤ ខែកក្ដដា គណៈកម្មាធិការរណសិរ្សមាតុភូមិវៀតណាមឃុំឡុងភូ សហការជាមួយ Agribank សាខាសុកត្រាំង ចាត់តាំងពិធីសម្ពោធសំណង់យុវជន “បំភ្លឺផ្លូវជនបទ - ផ្លូវទង់ជាតិ” នៅភូមិបឹងឡុង ព្រមទាំងចលនាកម្មវិធីយុវជនស្ម័គ្រចិត្តរដូវក្ដៅឆ្នាំ ២០២៦។

ទិដ្ឋភាពអ្នកតំណាងចូលរួមពិធីសម្ពោធស្ពានយុវជន។

ជូនអាហារូបករណ៍ដល់សិស្សក្រីក្រ។

អញ្ជើញចូលរួមមានសមមិត្ត យឿងថាញ់ត្វង អនុលេខាប្រចាំការគណៈកម្មាធិការបក្សឃុំ ប្រធានគណៈកម្មាធិការត្រួតពិនិត្យបក្សឃុំ; សមមិត្ត ត្រឹងធីថាញហាំង សមាជិកគណៈអចិន្រ្តៃយ៍នៃគណៈកម្មាធិការបក្សឃុំ ប្រធានគណៈកម្មាធិការរណសិរ្សមាតុភូមិវៀតណាមឃុំឡុងភូ; តំណាង Agribank សាខាសុកត្រាំង Agribank សាខាឡុងភូ ការិយាល័យសន្តិសុខសេដ្ឋកិច្ចនគរបាលទីក្រុងកឹងធើ សប្បុរសជន សមាជិកសម្ព័ន្ធយុវជន និងប្រជាជនភូមិភាគច្រើនកុះករ។

សំណង់ “បំភ្លឺផ្លូវជនបទ - ផ្លូវទង់ជាតិ” បាន Agribank សាខាសុកត្រាំងធ្វើហិរញ្ញប្បទាន រួមចំណែកសម្រេចហេដ្ឋារចនាសម្ព័ន្ធជនបទ លើកកម្ពស់គុណភាពអុជបំភ្លឺ ធានាសន្តិសុខសណ្ដាប់ធ្នាប់ សុវត្ថិភាពចរាចរណ៍ និងបង្កើតជាចំណុចសំខាន់នៃសោភ័ណភាពជាមួយដងផ្លូវទង់ជាតិព្រមៗគ្នា ស្អាតបាត។ នេះជាសកម្មភាពមានអត្ថន័យជាក់ស្តែង រួមចំណែកកសាងជនបទថ្មី និងរីកសាយភាយស្មារតីសាមគ្គី ការទទួលខុសត្រូវដើម្បីសហគមន៍។

ក្នុងក្របខណ្ឌនៃកម្មវិធី គណៈចាត់តាំងបានប្រគល់ផ្លាកសញ្ញាតំណាងសំណង់ជូនភូមិភាគ; ជូនអាហារូបករណ៍ចំនួន ២០ ចំណែកដល់សិស្សដែលមានជីវភាពលំបាក; ជូនអំណោយ ៣០ ចំណែកដល់គ្រួសារដែលមានជីវភាពលំបាកនៅភូមិបឹងឡុង និងសៀវភៅសរសេរ ១.០០០ ក្បាលជូនសិស្សសាលាបឋមសិក្សាឡុងភូ C។ ទាំងនេះគឺជាអំណោយជាក់ស្តែង រួមចំណែកចែករំលែកការលំបាក លើកទឹកចិត្តគ្រួសារ និងផ្តល់កម្លាំងចលករបន្ថែមដើម្បីប្អូនៗសិស្សានុសិស្សឈានឡើងក្នុងការរៀនសូត្រ។

ក្នុងឱកាសនេះ អ្នកតំណាងទាំងឡាយបានប្រារព្ធពិធីកាត់ខ្សែបូសម្ពោធ ដាក់ឱ្យប្រើប្រាស់សំណង់ជាផ្លូវការ រួមចំណែកលើកកម្ពស់គុណភាពរស់នៅរបស់ប្រជាជន កសាងទិដ្ឋភាពជនបទឱ្យកាន់តែភ្លឺ បៃតង ជ្រះ ស្អាត និងស៊ីវិល័យ។

សុកកា - លីសៀ

ចែករំលែកអត្ថបទ

ពាក្យគន្លឹះ