មហាសាមគ្គីជនជាតិ ភូមិស្រុកផ្លាស់ថ្មី

15/07/2026 - 07:47

ភាពផ្លាស់ថ្មីនៅឃុំថាញ់ថើយអាង

បន្ទាប់ពីអនុវត្តកម្មវិធី គម្រោងវិនិយោគជាច្រើនរបស់មជ្ឈិមនិងទីក្រុង ព្រមទាំងស្មារតីឈានឡើងរបស់ប្រជាជន ឃើញថាជីវភាពសម្ភារៈនិងស្មារតីរបស់មាមីងនៅឃុំថាញ់ថើយអាង ទីក្រុងកឹងធើ បានលើកកម្ពស់ជាបណ្តើរៗ ហេដ្ឋារចនាសម្ព័ន្ធគមនាគមន៍ជនបទ ផលិតកសិកម្មកាន់តែមានភាពងាយស្រួលជាងទៀត។

ផ្លូវជនបទនៅឃុំថាញ់ថើយអាង បានក្រាលកៅស៊ូ រថយន្តនិងម៉ូតូបើកបរ
មានភាពងាយស្រួល។

ជាច្រើនឆ្នាំកន្លង ឃុំថាញ់ថើយអាង បានទទួលផលពីកម្មវិធីទិសដៅជាតិ បច្ចុប្បន្ន កម្មវិធីទិសដៅជាតិចំនួន ៣ រួមមាន៖ កសាងជនបទថ្មី បន្ថយភាពក្រីក្រដោយចីរភាព អភិវឌ្ឍសេដ្ឋកិច្ច - សង្គមនៅតំបន់ជនជាតិភាគតិចនិងតំបន់ភ្នំ បានរួមបញ្ចូលទៅជាកម្មវិធីទិសដៅជាតិតែមួយ និងគោលនយោបាយមួយចំនួនទៀតសម្រាប់គ្រួសារខ្មែរអភិវឌ្ឍសេដ្ឋកិច្ច ជួយជនរួមជាតិលំនឹងជីវភាព។ អំពីបណ្តាញផ្លូវគមនាគមន៍ចាប់ពីមជ្ឈមណ្ឌលឃុំរហូតដល់ភូមិនានា បានក្រាលបេតុងតភ្ជាប់ពីភូមិមួយទៅភូមិមួយ ម៉ូតូអាចបើកបរបានទាំងប្រាំងវស្សា; ប្រព័ន្ធធារាសាស្ត្របានវិនិយោគស្ទើរទាំងស្រុង ធានាប្រភពទឹកសាបសម្រាប់ប្រជាជនផលិតទាំងប្រាំងវស្សា; សាលារៀនចាប់ពីថ្នាក់មត្តេយ្យរហូតដល់អនុវិទ្យាល័យ ដំណាក់សុខាភិបាល និងស្ថានីយផ្គត់ផ្គង់ទឹកស្អាត ។ល។ បានវិនិយោគកសាងសមរម្យ។ មកទល់ពេលនេះ ទូទាំងឃុំគ្រួសារមានទឹកស្អាតប្រើប្រាស់ជាង ៨៣,៣% គ្រួសារមានអគ្គិសនីប្រើប្រាស់ ៩៩,៩%។ ពិសេស គ្រួសារជនជាតិភាគតិចទាំងអស់ បានផ្តល់ជូនប័ណ្ណធានារ៉ាប់រងសុខាភិបាលដោយឥតគិតថ្លៃ។

មិនត្រឹមតែអភិវឌ្ឍសេដ្ឋកិច្ចប៉ុណ្ណោះទេ ឃុំថាញ់ថើយអាង នៅទាំងយកចិត្តទុកដាក់អភិរក្ស និងពង្រីកវប្បធម៌របស់ជនរួមជាតិខ្មែរ។ ពិធីបុណ្យប្រពៃណី វត្តអារាមខ្មែរ និងតម្លៃវប្បធម៌ដ៏ផូរផង់បានអភិរក្ស រួមចំណែកធ្វើឱ្យសម្បូរបែបជីវភាពស្មារតីរបស់ប្រជាជន។ សកម្មភាពសុខុមាលភាពសង្គម ក៏បានយកចិត្តទុកដាក់ បង្កលក្ខណៈដើម្បីប្រជាជនមានជីវភាពលំនឹងជាងមុន។ បញ្ជាក់ពីការផ្លាស់ថ្មីដ៏សំខាន់របស់ឃុំថាញ់ថើយអាង បង្ហាញពីប្រសិទ្ធភាពរបស់គោលនយោបាយអភិវឌ្ឍសេដ្ឋកិច្ច-សង្គម និងស្មារតីសាមគ្គី ខិតខំឈានឡើងរបស់ប្រជាជននៅភូមិភាគ។

ជាមួយនឹងការខិតខំប្រឹងប្រែងដោយឥតឈប់ឈរ ក្នុងទូទាំងប្រព័ន្ធនយោបាយ និងការខិតខំឈានឡើងរបស់ប្រជាជន ទើបអត្រាគ្រួសារក្រីក្របានថយចុះជារៀងរាល់ឆ្នាំនៅចុងឆ្នាំ ២០២៥ តាមរយៈការត្រួតពិនិត្យដំបូង គ្រួសារក្រីក្រនៅតែ ២៨ គ្រួសារ ស្រូបអត្រា ០,៤២% និងគ្រួសារក្បែរក្រចំនួន ១៣២ គ្រួសារ ស្រូបអត្រា ១,៩៧%។ ពូឡឹមថើម នៅភូមិថាញ់ញ៉ាង ឱ្យដឹង៖ “ពីមុន ដោយសារគ្រួសារក្រីក្រគ្មានដីផលិត ប្តីប្រពន្ធខ្ញុំដឹងតែធ្វើការឈ្នួលដើម្បីចិញ្ចឹមជីវិត។ ប៉ុន្មានឆ្នាំមកនេះ ដោយសារបានរដ្ឋឧបត្ថម្ភឱ្យបុលធ្វើការរកស៊ី ម្ល៉ោះហើយទើបជីវភាពគ្រួសារខ្ញុំបានលំនឹងជាបណ្តើរៗ។ ចំណែកជីវភាពមាមីងក៏បានធូរធារ ដោយសាររដ្ឋបានវិនិយោគកសាងផ្លូវតភ្ជាប់ភូមិ និងជីកស្តារប្រឡាយដើម្បីបម្រើដល់ការផលិតកសិកម្មរបស់មាមីង”។

តាមប្រសាសន៍លោក ឡេទ្រុងត្វឹង អនុប្រធានគណៈកម្មាធិការប្រជាជនឃុំថាញ់ថើយអាង ជាច្រើនឆ្នាំមកនេះ ដោយសាររដ្ឋមានគោលនយោបាយវិនិយោគដល់តំបន់ជនរួមជាតិខ្មែរ និងផ្គួបបញ្ចូលរបស់គម្រោង កម្មវិធីផ្សេងៗទៀត ទើបជីវភាពប្រជាជនបានលើកកម្ពស់ ជនបទក៏បានផ្លាស់ថ្មីតាមទិសដៅបទដ្ឋានជនបទថ្មី។ បច្ចុប្បន្ន សរុបការជាប់បំណុលកម្ចីឥណទានពីធនាគារគោលនយោបាយ-សង្គម ទូទាំងឃុំជាង ១២៨ ពាន់លានដុង ភាគច្រើនវិនិយោគលើការចិញ្ចឹមសត្វ ដាំដុះ ដើម្បីគ្រួសារក្រីក្រ ក្បែរក្រ និងគ្រួសារជនជាតិភាគតិចបានកៀកជិតប្រភពទុន។ ពេលខាងមុខ ឃុំនឹងបន្តឧបត្ថម្ភអភិវឌ្ឍផលិតដល់ប្រជាជន ធ្វើឱ្យសុក្រឹតប្រព័ន្ធហេដ្ឋារចនាសម្ព័ន្ធជនបទ និងពិនិត្យឱ្យគ្រួសារក្រីក្រ ក្បែរក្រ និងគ្រួសារជនជាតិភាគតិចបុលទុនដើម្បីចិញ្ចឹមសត្វ អភិវឌ្ឍផលិត។ ទន្ទឹមនឹងនោះ ចាត់តាំងបណ្តុះបណ្តាលរបរ និងឧទ្ទេសនាមការងារធ្វើដល់ពលករជនបទ រួមចំណែកបន្ថយភាពក្រីក្រដោយចីរភាពនៅលើភូមិឋានឃុំ៕

ដាលីន - វិមាន

ចែករំលែកអត្ថបទ

ពាក្យគន្លឹះ