ព្រឹត្តិការណ៍ - នយោបាយ ព្រឹត្តិការណ៍

09/03/2026 - 15:55

នាយករដ្ឋមន្ត្រី ផាមមិញជិញ៖

ផ្តុំកម្លាំងត្រៀមបម្រុង ធ្វើឱ្យសុក្រឹតខ្លឹមសាររបាយការណ៍ទាក់ទងនឹងអនុសាសន៍ និងដកការព្រមាន "កាតលឿង" របស់ EC

នាយករដ្ឋមន្ត្រី ផាមមិញជិញ និងឧបនាយក រដ្ឋមន្ត្រី ត្រឹងហុងហា ប្រធានគណៈចង្អុលការជាតិ ស្តីពីប្រឆាំងការទាញយកផលសមុទ្រខុសច្បាប់ មិនរាយការណ៍ និងមិនអនុវត្តតាមសេចក្តីកំណត់ (IUU) បានដឹកនាំសម័យប្រជុំអនឡាញទូទាំង ប្រទេស (លើកទី ៣២) ជាមួយក្រសួង គណៈ ផ្នែកមជ្ឈិមនិងខេត្ត ក្រុងដែលជាប់សមុទ្រ អំពីការត្រៀមទទួលនិងធ្វើការជាមួយគណៈប្រតិភូអធិការកិច្ចរបស់ EC (ចាប់ពីថ្ងៃទី ៩ ដល់ថ្ងៃទី ១៩ ខែមីនា ឆ្នាំ ២០២៦) ទាក់ទងនឹងអនុសាសន៍ និងការប្តេជ្ញាចិត្តដកការព្រមាន “កាតលឿង” របស់គណៈកម្មការអឺរ៉ុប EC។

ថ្នាក់ដឹកនាំទីក្រុងកឹងធើ ចូលរួមកិច្ចប្រជុំនៅទីតាំងតភ្ជាប់អនឡាញនៃគណៈកម្មាធិការប្រជាជនទីក្រុងកឹងធើ។

លោកត្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ និងលោកត្រឹងជីហុង អនុប្រធានគណៈកម្មាធិការប្រជាជនទីក្រុងកឹងធើ រួមជាមួយថ្នាក់ដឹកនាំមន្ទីរ គណៈ ផ្នែកជាប់ពាក់ព័ន្ធចូលរួម សម័យប្រជុំនៅទីតាំងតភ្ជាប់អនឡាញរបស់ទីក្រុងកឹងធើ។

ក្នុងសម័យប្រជុំនេះ នាយករដ្ឋមន្ត្រី ផាមមិញជិញ បានវាយតម្លៃខ្ពស់ចំពោះការខិតខំប្រឹងប្រែងរបស់ក្រសួង គណៈ ផ្នែកមជ្ឈិមនិងភូមិភាគដែលជាប់សមុទ្រ អំពីអនុវត្តអនុសាសន៍របស់ EC ប្រឆាំងការទាញយកផលសមុទ្រខុសច្បាប់ IUU។ នាយករដ្ឋមន្ត្រី បានមានប្រសាសន៍ នេះជាការត្រួតពិនិត្យលើកទី៥ របស់ EC ទាក់ទងនឹងអនុសាសន៍ និងព្រមាន “កាតលឿង” ចំពោះប្រភេទទំនិញជលផលនាំចេញ។ ទូទាំងប្រទេសអនុវត្តអនុសាសន៍ខាងលើដោយទិសដៅខ្ពស់បំផុត គឺធានាអភិវឌ្ឍជលផល និងផលសមុទ្រដោយចីរភាពផង រួមចំណែកលើកកម្ពស់កិត្យានុភាព និងផលប្រយោជន៍ស្របច្បាប់របស់ប្រជាជនផង ទន្ទឹមនឹងនោះ ប្តេជ្ញាចិត្តដកការព្រមាន “កាតលឿង” របស់ EC។

ជាមួយនឹងស្មារតីខាងលើ នាយករដ្ឋមន្ត្រី សំណូមពរបណ្តាក្រសួង គណៈ ផ្នែកមជ្ឈិម និងភូមិភាគនានា ចាត់ទុកការប្រឆាំងនឹងការទាញយកផល សមុទ្រខុសច្បាប់ IUU ជាភារកិច្ចចម្បង នយោបាយរបស់អង្គភាពនីមួយៗ។ អង្គភាពទាំងឡាយ គប្បីត្រៀមឱ្យបានហ្មត់ចត់ ឯកភាពនិងផ្ទិតផ្ចង់នូវខ្លឹមសារបម្រើគណៈប្រតិភូអធិការកិច្ចរបស់ EC ។ ក្នុងនោះ ផ្តុំកម្លាំងកសាងរបាយការណ៍សង្ខេបខ្លី សព្វគ្រប់តួលេខ សមហេតុផល បកស្រាយបានបញ្ហា និងធានាភាពស៊ីសង្វាក់គ្នាជាមួយមូលដ្ឋាន ទិន្នន័យជាតិ Vnfishbase និងមូលដ្ឋានទិន្នន័យផ្សេងទៀត។ រៀបចំឯកសារប្រកបដោយវិទ្យាសាស្ត្រ ងាយស្រួលស្វែងរក; ត្រៀមជាស្រេចទាំងច្បាប់ក្រដាស និងទិន្នន័យអេឡិចត្រូនិក ដើម្បីផ្តល់ជូននិងបកស្រាយពេលគណៈប្រតិភូអធិការ កិច្ចសំណូមពរ; ចាត់ថ្នាក់ដឹកនាំភូមិភាគចង្អុលការដោយផ្ទាល់ និងចាត់តាំងកម្មាភិបាលមានជំនាញ ជ្រៅជ្រះ ក្តាប់ច្បាស់នូវតួលេខដើម្បីធ្វើការបកស្រាយ នៅពេលគណៈប្រតិភូអធិការកិច្ចរបស់ EC មកធ្វើការ។ ចាត់តាំងប្រចាំការ ២៤/៧ ក្នុងអំឡុងពេលគណៈប្រតិភូអធិការកិច្ចរបស់ EC ធ្វើការនៅប្រទេសវៀតណាម; ទន្ទឹមនឹងនោះ ម្ចាស់ការសហប្រតិបត្តិការជាមួយកងកម្លាំង (កងទ័ពការពារព្រំដែន នគរបាល រដ្ឋអំណាចភូមិភាគ) ដើម្បីបកស្រាយផ្តល់ជូនសំណុំរឿង ឯកសារតាមសំណូមពរ; បង្កើនការត្រួតពិនិត្យ ឃ្លាំមើលនិងគ្រប់គ្រងការទាញយកផលសមុទ្រតាមសេចក្តីកំណត់។ល។ ដើម្បីធានាសម្រេចទិសដៅពីរ គឺដកការព្រមាន”កាតលឿង”ផងនិងអភិវឌ្ឍន៍ជលផលចីរភាពទៅអនាគតផង។ នាយករដ្ឋមន្ត្រី សំណូមពរដល់ក្រសួង គណៈ ផ្នែកមជ្ឈិមនិងភូមិភាគនានាជាប់សមុទ្របន្តអនុវត្តល្អនូវអនុសាសន៍ ៥យ៉ាងរបស់ EC ដើម្បីទិសដៅអភិវឌ្ឍន៍ជលផល ដោយចីរភាព បន្ថយការធ្វើនេសាទនៅឆ្ងាយឆ្នេរ សមុទ្របង្កើនវារីវប្បកម្មគុណភាពខ្ពស់ ដើម្បីផលប្រយោជន៍របស់ប្រជាជន។

បច្ចុប្បន្ន ក្រសួងកសិកម្មនិងបរិស្ថាន បានបូកសរុបនិងធ្វើឱ្យសុក្រឹតរបាយការណ៍បកស្រាយនូវខ្លឹមសារដែល EC យកចិត្តទុកដាក់ តាមចង្អុលការរបស់នាយករដ្ឋមន្ត្រីនៃរដ្ឋាភិបាល និងឧបនាយករដ្ឋមន្ត្រី។ បច្ចុប្បន្ន ទូទាំងប្រទេសមាននាវានេសាទ ៨០.៣២៤ គ្រឿង បានចុះបញ្ជីនិងអាប់ដេតនៅលើ Vnfishbase សម្រេច ១០០%។ ភូមិភាគនានា និងអង្គភាពមុខងារកំពុងគ្រប់គ្រងក្រុម នាវាយ៉ាងតឹងរ៉ឹង បង្កើតបញ្ជីជាក់ស្តែងអំពីនាវាដែលបានចុះបញ្ជី ត្រួតពិនិត្យលក្ខណៈបច្ចេកទេស និងនាវាមិនគ្រប់លក្ខណៈសកម្មភាពជាដើម។ ការងារគ្រប់គ្រង ត្រួតពិនិត្យការចេញចូលកំពង់ផែ និងតភ្ជាប់ដំណើរការទាញយកផល អនុវត្តយ៉ាងម៉ឺងម៉ាត់ ត្រឹមត្រូវនិងមានប្រសិទ្ធភាព។ ក្នុងសប្តាហ៍ (ពីថ្ងៃទី ២៤ ខែកុម្ភៈ ដល់ថ្ងៃទី ៣ ខែមីនា) ទូទាំងប្រទេសគ្មាននាវានេសាទបំពានក្នុងការទាញយកផលសមុទ្រឡើយ។

នៅទីក្រុងកឹងធើ គណៈកម្មាធិការប្រជាជនទីក្រុង បានធ្វើឱ្យសុក្រឹតខ្លឹមសារធ្វើការទាក់ទងដល់អនុសាសន៍ ៥ របស់ EC; អនុវត្តភារកិច្ច និងវិធានការប្រឆាំងការទាញយកផលសមុទ្រខុសច្បាប់ IUU លទ្ធផលបានសម្រេចភារកិច្ចទាំង ១៩។ បច្ចុប្បន្ន ទូទាំងទីក្រុងមាននាវានេសាទ ៧៨៥ គ្រឿង បានចុះបញ្ជី និងអាប់ដេតនៅលើ Vnfishbase សម្រេច ១០០%។ ក្នុងសប្តាហ៍ មាននាវាចេញចូលកំពង់ផែ ១៦.០៩៥ គ្រឿង; បរិមាណទាញយកជលផលឡើងគោកនៅកំពង់ផែ៨៥.៩៥០តោន; ប្រមូលសៀវភៅកំណត់ហេតុ ទាញយកជលផលបាន ៤.៦១៧ ក្បាល ធានា១០០%ជលផលនាំចេញមានប្រភពត្រឹមត្រូវ…៕

ហាវុាំង - ញ៉ឹកតឹង-វិមាន

ចែករំលែកអត្ថបទ

ពាក្យគន្លឹះ