ចែករំលែកជាមួយកាសែតនិងវិទ្យុ ទូរទស្សន៍កឹងធើនាដើមឆ្នាំ ២០២៦ លោកត្រឿងកាញ់ត្វៀង អនុលេខាគណៈកម្មាធិការបក្សទីក្រុង ប្រធានគណៈកម្មាធិការប្រជាជនទីក្រុងកឹងធើ មានប្រសាសន៍៖
នាយករដ្ឋមន្ត្រី ផាមមិញជិញ និងថ្នាក់ដឹកនាំទីក្រុងកឹងធើ ចុះត្រួតពិនិត្យសំណង់សំខាន់ៗនៅទីក្រុងកឹងធើ។
- រមិលមកដំណើរការកន្លង ទីក្រុងកឹងធើ បានទទួលរងផលប៉ះពាល់យ៉ាងច្រើន ដោយសារស្ថានការណ៍សេដ្ឋកិច្ច - នយោបាយពិភពលោក មានការប្រែប្រួលយ៉ាងឆាប់រហ័ស ស្មុគស្មាញ និងពិបាកប៉ាន់ស្មាន។ ពិសេស មានបម្រែបម្រួលច្រើនដែលមិនធ្លាប់មានពីមុន ហួសពីសមត្ថភាពព្យាករណ៍ បង្កការលំបាក និងសម្ពាធធំលើសមត្ថភាពវិភាគ បូកសរុបនិងការងារគ្រប់គ្រងដឹកនាំ។ ជាពិសេស គឺការធ្លាក់ចុះសេដ្ឋកិច្ចពិភពលោក ការប្រកួតប្រជែងយុទ្ធសាស្ត្ររវាងប្រទេសមហាអំណាចមានភាពស្មុគស្មាញ; ការកើនឡើងអតិផរណា ប្រទេសនានាបានរឹតបន្តឹងគោលនយោបាយហិរញ្ញវត្ថុដែលនាំឱ្យកំណើនសេដ្ឋកិច្ចថយចុះ។
មិនត្រឹមតែប៉ុណ្ណោះទេ ជំងឺរាតត្បាត COVID-19 បានបន្សល់ទុកនូវផលប៉ះពាល់ជាច្រើន ជះឥទ្ធិពលអវិជ្ជមានលើវិស័យជាច្រើននៃជីវភាពសេដ្ឋកិច្ច - សង្គម ដែលកំពុងស្ថិតក្នុងដំណាក់ការស្ដារឡើវិញ; តម្លៃវត្ថុធាតុដើមនិងឥន្ធនៈសម្រាប់ការផលិតកើនឡើងខ្ពស់។ល។ ជះឥទ្ធិពលអវិជ្ជមានដល់ដំណាក់ការស្ដារឡើងវិញរបស់វិស័យនិងមុខរបរមួយចំនួន។ ក្នុងបរិការណ៍នោះ អាស្រ័យដោយសារការចូលរួមយ៉ាងប្ដូរផ្ដាច់របស់ទូទាំងប្រព័ន្ធនយោបាយ ការផ្ដុំកម្លាំងអនុវត្តព្រមៗគ្នាទើបធ្វើឱ្យគោលដៅ ភារកិច្ចនៃផែនការអភិវឌ្ឍរយៈពេល ៥ ឆ្នាំ (២០២១-២០២៥) សម្រេចបានលទ្ធផលគ្រប់ជ្រុងជ្រោយ។
តាមរយៈនោះ កំណើនសេដ្ឋកិច្ចរបស់ទីក្រុងកឹងធើទទួលបានលទ្ធផលល្អប្រសើរ ជាមធ្យមក្នុងដំណាក់កាល ២០២១-២០២៥ សម្រេចអត្រាកំណើន ៦,៨៦% ក្នុងមួយឆ្នាំ។ ក្នុងនោះ វិស័យកសិកម្ម រុក្ខកម្មនិងជលផល កើនឡើង ៣,៦២% ក្នុងមួយឆ្នាំ; វិស័យឧស្សាហកម្មនិងសំណង់កើនឡើង ៩,១៧% ក្នុងមួយឆ្នាំ (ដោយឡែកវិស័យឧស្សាហកម្មកើន ៩,២៦% ក្នុងមួយឆ្នាំ); វិស័យសេវាកម្មតាមការប៉ាន់ស្មានកើន ៧,៨៩% ក្នុងមួយឆ្នាំ។ ទំហំខឿនសេដ្ឋកិច្ចបន្តបានបើកទូលាយផលិតផលក្នុងស្រុកសរុប (GRDP) តាមតម្លៃបច្ចុប្បន្ន តាមការប៉ាន់ស្មាន ឆ្នាំ ២០២៥ សម្រេចបាន ៣០៦.១៧០ ពាន់លានដុង។ GRDP មធ្យមលើមនុស្សម្នាក់កើនឡើងពី ៥៩,៦៤ លានដុងលើមនុស្សម្នាក់ ឆ្នាំ ២០២១ កើនឡើង ៩៤,៩៤ លានដុងលើមនុស្សម្នាក់នៅឆ្នាំ ២០២៥; ផលិតផលកម្មករ កើនពី ១២៣,៧៩ លានដុងលើកម្មករម្នាក់ នៅឆ្នាំ ២០២១ ឡើង ១៨២,៩៣ លានដុងលើកម្មករម្នាក់នៅឆ្នាំ ២០២៥។
ប្រព័ន្ធហេដ្ឋារចនាសម្ព័ន្ធសេដ្ឋកិច្ច - សង្គម សំខាន់ គឺហេដ្ឋារចនាសម្ព័ន្ធដឹកជញ្ជូននៅលើភូមិឋានទីក្រុង បានយកចិត្តទុកដាក់វិនិយោគ។ ការងាររៀបចំផែនការ ការគ្រប់គ្រងនិងអភិវឌ្ឍទីក្រុងភ្ជាប់ជាមួយការរៀបចំតំបន់តាំងទីលំនៅឡើងវិញ មានការផ្លាស់ប្តូរច្រើននិងផ្សព្វផ្សាយអនុវត្តព្រមៗគ្នា។ គុណភាពទីក្រុង បានលើកកម្ពស់ប្រព័ន្ធទីក្រុងអភិវឌ្ឍន៍បន្តិចម្តងៗក្លាយជាកម្លាំងជំរុញ និងរួមចំណែកយ៉ាងសំខាន់ដល់ការអភិវឌ្ឍសេដ្ឋកិច្ច-សង្គម។ ការតភ្ជាប់ និងសហការរវាងមូលដ្ឋាននានា ទាំងនៅក្នុងនិងក្រៅតំបន់វាលរាបទន្លេគឺវឡុង នៅដំណាក់កាលដំបូង សម្រេចបានលទ្ធផលគួរជាទីមោទនៈ។
ការងារកែទម្រង់រដ្ឋបាលនិងការកែលម្អបរិយាកាសវិនិយោគមានការផ្លាស់ប្តូរដ៏សំខាន់ តាមទិសដៅបម្រើប្រជាជន លើកកម្ពស់ប្រសិទ្ធភាពអភិបាលកិច្ច កសាងរដ្ឋអំណាចគ្រប់ថ្នាក់ស្អាតស្អំ រឹងមាំ។ល។ ជាមួយគ្នានេះដែរ វិស័យវប្បធម៌- សង្គម មានការរីកចម្រើនច្រើន ជីវភាពសម្ភារៈនិងស្មារតីរបស់ប្រជាជនបានកែលម្អ និងលើកកម្ពស់ឡើងជាបន្តបន្ទាប់។ ការពារប្រទេសសន្តិសុខមានស្ថិរភាព សណ្តាប់ធ្នាប់និងសុវត្ថិភាពសង្គមបានធានា។
* ជម្រាបប្រសាសន៍លោក អាចនិយាយបានថា ក្នុងបរិការណ៍ដែលពោរពេញដោយបញ្ហាប្រឈមពិបាកព្យាករណ៍ កឹងធើបានបញ្ចប់ឆ្នាំ ២០២៥ ជាមួយលទ្ធផលគួរជាទីមោទនៈយ៉ាងខ្លាំងក្លា។ ដូច្នេះ សមិទ្ធផលស្នូលណាខ្លះ ដែលជាតួនាទី “ទម្របាញ់” ឱ្យទីក្រុងបង្កមូលដ្ឋានគ្រឹះផ្លោះទៅមុខ ចាប់តាំងពីឆ្នាំដំបូងអនុវត្តសេចក្តីសម្រេចមហាសន្និបាតបក្ខភាគទីក្រុង អាណត្តិកាល ២០២៥ - ២០៣០ ?
– ឆ្នាំ ២០២៥ កំណើនសេដ្ឋកិច្ចសម្រេចបានលទ្ធផលល្អ គ្រប់វិស័យទាំងអស់មានកម្រិតកំណើនជាវិជ្ជមាន បើប្រៀបធៀបនឹងរយៈពេលដូចគ្នានៃឆ្នាំមុន។ ផលិតឧស្សាហកម្មបានស្ដារឡើងវិញ បន្តរក្សាបានសន្ទស្សន៍ផលិត កើនឡើងប្រហែល ១០%; គម្រោងហេដ្ឋារចនាសម្ព័ន្ធគមនាគមន៍ជាច្រើន និងទីក្រុងធំបានជំរុញល្បឿនអនុវត្ត ដូចជា ផ្លូវល្បឿនលឿនចូវដុក- កឹងធើ-សុកត្រាំង បណ្តាញផ្លូវខេត្ត ចំណុចប្រសព្វផ្លូវគមនាគមន៍សំខាន់ៗ ហេដ្ឋារចនាសម្ព័ន្ធតំបន់ឧស្សាហកម្ម និងគម្រោងហេដ្ឋារចនាសម្ព័ន្ធថាមពលជាច្រើនទៀត។
វិស័យពាណិជ្ជកម្ម-សេវាកម្ម មានកំណើនល្អ ត្រឹមត្រូវតាមផែនការដែលបានដាក់ចេញ។ ការផលិតកសិកម្មមានស្ថិរភាព បរិមាណផលស្រូវសម្រេច ៤,៧ លានតោន ជលផលសម្រេច ៧៨៣.០០០ តោន; មានតំបន់ផលិតប្រមូលផ្តុំជាច្រើន VietGAP និង GlobalGAP បានពង្រីក; ការអនុវត្តបច្ចេកវិទ្យាខ្ពស់ និងការផ្លាស់ប្តូររចនាសម្ព័ន្ធដំណាំ បានអនុវត្តយ៉ាងមានប្រសិទ្ធភាព។
ទន្ទឹមនឹងនោះ ទីក្រុងកឹងធើ បានអនុវត្តព្រមៗគ្នា និងម៉ឺងម៉ាត់នូវដំណោះស្រាយនានា ក្នុងការកៀរគរ គ្រប់គ្រងនិងប្រើប្រាស់មានប្រសិទ្ធភាពនូវប្រភពធនធាន ជាជំហានៗបង្កើតបានជាមូលដ្ឋានគ្រឹះដ៏ល្អសម្រាប់កំណើនសេដ្ឋកិច្ច បន្តរក្សាស្ថិរភាពថវិកា; ម្ចាស់ការផ្សព្វផ្សាយអនុវត្តនូវភារកិច្ចអំពីការអភិវឌ្ឍវិទ្យាសាស្ត្រ បច្ចេកវិទ្យា ការផ្លាស់ថ្មីច្នៃប្រតិដ្ឋនិងផ្លាស់ប្ដូរឌីជីថល ក្នុងនោះ មានភារកិច្ចនិងផ្នែកការងារជាច្រើនបានអនុវត្តសម្រេចលទ្ធផលលើសផែនការកំណត់។
គោលនយោបាយសន្តិសុខសង្គម បានយកចិត្តទុកដាក់អនុវត្ត; ទីក្រុងបានអនុវត្តល្អការដោះស្រាយការងារធ្វើ បណ្តុះបណ្តាលវិជ្ជាជីវៈ ផ្ដោតការយកចិត្តទុកដាក់លើការថែទាំសុខភាពសហគមន៍។ គោលនយោបាយឧបត្ថម្ភអ្នកក្រ មុខសញ្ញាងាយរងគ្រោះ តំបន់ជនជាតិភាគតិច បានអនុវត្តព្រមៗគ្នានិងទាន់ពេលវេលា។ ការចលនា “ព្រួតដៃបំបាត់ផ្ទះបណ្តោះអាសន្ន ផ្ទះទ្រុឌទ្រោម នៅលើភូមិឋានទីក្រុង” បានអនុវត្តសម្រេចលទ្ធផល លើសផែនការកំណត់។ សកម្មភាពវប្បធម៌ កីឡា ព័ត៌មាន-ផ្សព្វផ្សាយ ការផ្លាស់ប្ដូរឌីជីថល និងការងារជនជាតិ សាសនា សម្រេចបានលទ្ធផលវិជ្ជមានជាច្រើន រួមចំណែកលើកកម្ពស់ជីវភាពសម្ភារៈនិងស្មារតីរបស់ប្រជាជន។
* ជម្រាបប្រសាសន៍លោក ស្លាកស្នាមប្រវត្តិសាស្ត្រ ឆ្នាំ ២០២៥ គឺការរួមបញ្ចូល ដើម្បីបង្កជាទីក្រុងកឹងធើថ្មីមួយ ដែលមានទំហំធំនិងតួនាទីខុសប្លែកទាំងស្រុង។ រមិលមើលពីដំណើរការឆ្នាំកន្លង តើលោកវាយតម្លៃយ៉ាងណាដែរ ចំពោះការផ្លាស់ប្ដូររបស់អង្គភាពរដ្ឋបាល បន្ទាប់ពីរួមបញ្ចូល?
- ថ្មីៗបន្ទាប់ពីរួមបញ្ចូលទីក្រុងកឹងធើបានរៀបចំប្រព័ន្ធចាត់តាំងអង្គភាពរដ្ឋបាល រៀបចំរដ្ឋអំណាចមូលដ្ឋាន ២ ថ្នាក់។ សម្រាប់ថ្នាក់ទីក្រុង គណៈកម្មាធិការប្រជាជនទីក្រុង បានដាក់សំណើទៅក្រុមប្រឹក្សាប្រជាជន អនុម័តការបង្កើតអង្គភាពជំនាញថ្មីចំនួន ១៤; ប្រគល់ក្របខណ្ឌបុគ្គលិក អនុម័តចំនួនអ្នកធ្វើ ការសម្រាប់ឆ្នាំ ២០២៥។ ទន្ទឹមនឹងនោះ បានធ្វើសេនាធិការដាក់ជូននាយករដ្ឋមន្ត្រី សម្រេចបង្កើតគណៈគ្រប់គ្រងតំបន់កែច្នៃនាំចេញនិងឧស្សាហកម្មកឹងធើ។ បច្ចុប្បន្ន ទីក្រុងកឹងធើ មានអង្គភាពជំនាញចំនួន ១៤ និងអង្គការរដ្ឋបាល ១។ ការប្រកាសដាក់ចេញបទបញ្ជាកំណត់អំពីមុខងារភារកិច្ចរបស់អង្គភាពជំនាញទាំងនេះ ត្រូវបានបញ្ចប់រួចរាល់។
បច្ចុប្បន្ន ទីក្រុងមានអង្គភាពបុព្វហេតុរដ្ឋចំនួន ១.៤៤០ (ក្នុងនោះ អង្គភាពបុព្វហេតុរដ្ឋថ្នាក់ទីក្រុង ចំនួន ៣៥៤ និងអង្គភាពបុព្វហេតុរដ្ឋថ្នាក់ឃុំ សង្កាត់ ចំនួន ១.០៨៦)។ ព្រមជាមួយនោះ ទីក្រុងបានប្រកាសដាក់ចេញគម្រោងរៀបចំរចនាសម្ព័ន្ធអង្គការខាងក្នុងនៃស្ថាប័នរដ្ឋបាល អង្គភាពបុព្វហេតុរដ្ឋ និងសហគ្រាសរដ្ឋនៅលើភូមិឋានទីក្រុងកឹងធើ។
ចំពោះថ្នាក់ឃុំ សង្កាត់ រហូតមកទល់បច្ចុប្បន្ន ១០០% នៃគណៈកម្មាធិការប្រជាជនឃុំ សង្កាត់ បានចេញសេចក្តីសម្រេចកំណត់មុខងារភារកិច្ច សិទ្ធិអំណាច និងរចនាសម្ព័ន្ធអង្គការរបស់អង្គភាពជំនាញ និងមជ្ឈមណ្ឌលបម្រើសេវារដ្ឋបាលរដ្ឋ។ បន្ទាប់ពីការរៀបចំអង្គភាពរដ្ឋបាលតាមរចនាសម្ព័ន្ធ ២ ថ្នាក់ ទីក្រុងកឹងធើ បានពិនិត្យនិងវាយតម្លៃស្ថានភាពការបែងចែកកម្មាភិបាល បុគ្គលិក អ្នករដ្ឋការនៅគណៈកម្មាធិការប្រជាជនឃុំ សង្កាត់ ដើម្បីកសាងគម្រោងចាត់បញ្ជូន បង្កើនកម្លាំងកម្មាភិបាល បុគ្គលិក អ្នករដ្ឋការពីក្រសួង ស្ថាប័ននិងផ្នែកនានា មកបំពេញការងារនៅគណៈកម្មាធិការប្រជាជនឃុំ សង្កាត់ ដើម្បីធានាគោលការណ៍របស់មជ្ឈិមអំពីការបង្កើនកម្លាំងកម្មាភិបាល បុគ្គលិក អ្នករដ្ឋការថ្នាក់ខេត្តចុះមូលដ្ឋាន ដើម្បីរួមចំណែកពង្រឹងធនធានមនុស្ស លើកកម្ពស់ប្រសិទ្ធភាពអភិបាលកិច្ចនៅមូលដ្ឋាន។
ទីក្រុងកឹងធើ បានរៀបចំកម្មាភិបាល បុគ្គលិក អ្នករដ្ឋការចំនួន ៤៨០ នាក់ ដែលមានកម្រិតវប្បធម៌និងសមត្ថភាពថ្នាក់ទីក្រុង ចុះទៅបំពេញការងារនៅឃុំ សង្កាត់ តាមមុខតំណែងដែលកំពុងខ្វះ ឬនៅទំនេរ ដើម្បីជួយរដ្ឋអំណាចឃុំ សង្កាត់ ដំណើរការបានរលូន មានប្រសិទ្ធភាព។ ទន្ទឹមនឹងនោះ ធ្វើការកែសម្រួលនិងបំពេញបន្ថែមមុខតំណែង អនុប្រធានក្រុមប្រឹក្សាប្រជាជន និងអនុប្រធានគណៈកម្មាធិការប្រជាជនឃុំ សង្កាត់ អនុវត្តគ្រប់១០០%។ ក្នុងនោះ មាន ១០៣/១០៣ អនុប្រធានក្រុមប្រឹក្សាប្រជាជន និង២០៧/២០៧ អនុប្រធានគណៈកម្មាធិការប្រជាជន បានរៀបចំបំពេញតួនាទី (មានឃុំមួយចំនួន មិនបង្កើតការិយាល័យជំនាញចំណុះគណៈកម្មាធិការប្រជាជនឃុំ ទើបត្រូវបានរៀបចំឱ្យមានអនុប្រធានគណៈកម្មាធិការប្រជាជនឃុំ ចំនួន ៣ នាក់)។
* ជាមួយនឹងស្មារតីសកម្មនិងមហិច្ឆតាឈានឡើង តើដំណោះស្រាយស្នូលណាខ្លះ ដែលទីក្រុងកឹងធើ នឹងអនុវត្តក្នុងឆ្នាំ ២០២៦ ដើម្បីផ្លាស់ប្តូរសក្តានុពលជាអតិបរិមា បន្ទាប់ពីការរួមបញ្ចូលឱ្យក្លាយជាកម្លាំងជាក់ស្តែង បង្កើនភាពលោតផ្លោះសម្រាប់ដំណាក់កាលអភិវឌ្ឍន៍ថ្មី ជម្រាបប្រសាសន៍លោក ?
- ឆ្នាំ២០២៦ ទីក្រុងបានដាក់ចេញសូចនាករ ចំ នួន ២៥ ក្នុងការអភិវឌ្ឍសេដ្ឋកិច្ច-សង្គម និងកំណត់គោលដៅអត្រាកំណើន GRDP ឱ្យសម្រេចចាប់ពី ១០-១០,៥% ឡើងទៅ។ ទីក្រុងនឹងបន្តផ្តុំកម្លាំងរក្សា ស្ថិរភាពរចនាសម្ព័ន្ធអង្គការរដ្ឋបាលបន្ទាប់ពីរួមបញ្ចូលអង្គភាពរដ្ឋបាលថ្នាក់ខេត្តធានារដ្ឋអំណាចមូលដ្ឋាន ២ ថ្នាក់ ដំណើរការបានរលូន។ ជាមួយគ្នានេះដែរ នឹងជំរុញការកែទម្រង់រដ្ឋបាល កែលម្អបរិយាកាស វិនិយោគ អាជីវកម្មនិងអភិវឌ្ឍសេដ្ឋកិច្ចឯកជន។
ទីក្រុងកឹងធើ ផ្តុំកម្លាំងដោះស្រាយការលំបាកនិងបើកទូលាយកម្លាំងជំរុញកំណើនសេដ្ឋកិច្ច; អនុវត្តប្រកបដោយប្រសិទ្ធភាពនូវដំណោះស្រាយឈានមុខសម្រាប់ការអភិវឌ្ឍវិទ្យាសាស្ត្រ បច្ចេកវិទ្យា ការផ្លាស់ថ្មីច្នៃប្រតិដ្ឋនិងផ្លាស់ប្ដូរឌីជីថល។ ទន្ទឹមនឹងនោះ ផ្តោតសំខាន់លើការអភិវឌ្ឍវិស័យវប្បធម៌ សុខុមាលភាពសង្គម លើកកម្ពស់ជីវភាពសម្ភារៈនិងស្មារតីរបស់ប្រជាជន។ ការគ្រប់គ្រងធនធានធម្មជាតិ ការការពារបរិស្ថាន បន្សាំនឹងការប្រែប្រួលអាកាសធាតុ និងរក្សាខ្ជាប់ការការពារប្រទេស សន្តិសុខសណ្តាប់ធ្នាប់ សុវត្ថិភាពសង្គម បានអនុវត្តយ៉ាងម៉ឺងម៉ាត់ ដើម្បីបង្កមូលដ្ឋានគ្រឹះដ៏រឹងមាំសម្រាប់ការអភិវឌ្ឍសេដ្ឋកិច្ច-សង្គមយ៉ាងឆាប់រហ័សនិងចីរភាព ក្នុងឆ្នាំ ២០២៦ និងឆ្នាំបន្តបន្ទាប់។
* សូមអរគុណយ៉ាងជ្រាលជ្រៅចំពោះការចែករំលែកដោយអស់ពីចិត្ត។ ជាមួយនឹងចក្ខុវិស័យជាយុទ្ធសាស្ត្រ និងការប្តេជ្ញាចិត្តនយោបាយខ្ពស់ ជឿជាក់ថា ទីក្រុងកឹងធើនឹងផ្លាស់ស្ថានភាពជាឱកាសថ្មី ក្លាយជាសមិទ្ធផលថ្មីៗដ៏អស្ចារ្យ!៕
ហាវុាំង - ពេជ្រសឿន
ពាក្យគន្លឹះ
នាយក៖ ហ្វិញហ្វាងម៉េន
លិខិតអនុញាតលេខ ៧៨៩/GP- BTTTTអាស្រ័យក្រសួងព័ត៌មាននិងសារគមនាគមន៍ផ្តល់នូវថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ សង្កាត់និញកេវ ក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម: quangcao@baocantho.com.vn
សរសេរច្បាស់ប្រភព "សារព័ត៌មានអេឡិចត្រូនិកកឹងធើ" នៅពេលផ្សាយបន្តពី websiteនេះ។
អភិវឌ្ឍន៍ដោយ:
