មហាសាមគ្គីជនជាតិ ភូមិស្រុកផ្លាស់ថ្មី

19/11/2025 - 09:17

ទិដ្ឋភាពថ្មីនៅតំបន់ជនបទហូដាក់កៀង

បច្ចុប្បន្ន បើបានមកកាន់ឃុំហូដាក់កៀង ទីក្រុងកឹងធើ នឹងបានឃើញច្បាស់ពីភាព “ទិដ្ឋភាពផ្លាស់ថ្មី” នៃតំបន់ជនបទជំនាញផលិតកសិកម្ម។ ហេដ្ឋារចនាសម្ព័ន្ធនៅទីនេះ បានវិនិយោគព្រមៗគ្នា។ ពិសេស ផ្លូវគមនាគមន៍បានចាក់បេតុង កៅស៊ូ តភ្ជាប់ភូមិទៅនឹងមជ្ឈមណ្ឌលឃុំ បង្កលក្ខណៈងាយស្រួលសម្រាប់ការផលិតកសិកម្ម ជួញដូរ និងការរស់នៅរបស់ប្រជាជន។

ទិដ្ឋភាពជនបទនៅភូមិឫស្សីស្កាប A ឃុំហូដាក់កៀង ទីក្រុងកឹងធើ។

ជាច្រើនឆ្នាំកន្លង នៅពេលផ្សព្វផ្សាយអនុវត្តកម្មវិធីគោលដៅជាតិស្តីពីការកសាងជនបទថ្មី ឃុំបានបត់បែនរួមបញ្ចូលប្រភពទុនជាច្រើនពីកម្មវិធីគោលដៅជាតិស្តីពីការបន្ថយភាពក្រីក្រ កម្មវិធីគោលដៅជាតិអំពីការអភិវឌ្ឍសេដ្ឋកិច្ចតំបន់ជនជាតិភាគតិច និងកម្មវិធី គម្រោងផ្សេងៗទៀត។ មកទល់បច្ចុប្បន្ន ប្រព័ន្ធគមនាគមន៍ជនបទនិងប្រព័ន្ធធារាសាស្រ្តនៅលើភូមិឋាន ជាសារវន្តឆ្លើយតបបានតម្រូវការបង្កបង្កើនផលនិងការរស់នៅរបស់ប្រជាជន។ ផ្ដើមពីនោះ ប្រជាជនមិនរារែកក្នុងការផ្លាស់ប្តូរផលិត អនុវត្តវិទ្យាសាស្ត្រ បច្ចេកទេសក្នុងការដាំដុះ ចិញ្ចឹមសត្វ បាននាំមកប្រសិទ្ធភាព រួមចំណែកបង្កើនប្រាក់ចំណូល បន្ថយភាពក្រីក្រដោយចីរភាព។

បងឡឹមថា នៅភូមិឫស្សីស្កាប A ឃុំហូដាក់កៀង ឱ្យដឹង៖ “អាស្រ័យអនុវត្តគោលនយោបាយ គាំទ្រជាច្រើនរបស់រដ្ឋ ទើបជីវភាពសេដ្ឋកិច្ច និងវប្បធម៌របស់មាមីងខ្មែរមានការផ្លាស់ប្ដូរយ៉ាងសកម្ម។ ផ្លូវគមនាគមន៍ជនបទ អគ្គិសនី ទឹកស្អាតប្រើប្រាស់ បានយកចិត្តទុកដាក់វិនិយោគ មាមីងជនរួមជាតិខ្មែរថែមទាំងចេះអនុវត្តវិទ្យាសាស្ត្រ បច្ចេកទេសក្នុងការធ្វើស្រែ ដាំដំណាំ ជួយឱ្យជីវភាពសេដ្ឋកិច្ចរបស់ប្រជាជនមានភាពកែលម្អ”។

ផ្លូវជនបទនៅឃុំហូដាក់កៀង ទីក្រុងកឹងធើ បានវិនិយោគកសាងយ៉ាងសមរម្យ។

សមមិត្ត ង្វៀងវុាំងមី ប្រធានគណៈកម្មាធិការប្រជាជនឃុំហូដាក់កៀង ទីក្រុងកឹងធើ មានប្រសាសន៍៖ “ឃុំបន្តពង្រឹងគណៈចង្អុលការកម្មវិធីគោលដៅជាតិ ដើម្បីលំនឹងអង្គការចាតតាំង និងបង្កើនប្រសិទ្ធភាព។ ទន្ទឹងនឹងនោះ ក៏បានបែងចែកការងារច្បាស់លាស់នូវដើមទងទទួលបន្ទុកកម្មវិធីនីមួយៗដើម្បីបង្កើនកិច្ចសហការ ធានាផ្ដល់ព័ត៌មានយ៉ាងរលូននិងអនុវត្តភារកិច្ចសម្រេចប្រសិទ្ធភាព។ ដោយផ្អែកលើមូលដ្ឋាននៃការពិនិត្យ ផ្ទៀងផ្ទាត់ ឃុំបានកំណត់ច្បាស់ជាក្រុមទី II ដាក់គោលដៅខិតខំឱ្យសម្រេចបទដ្ឋានជនបទថ្មីនៅឆ្នាំ ២០៣០ ឆ្ពោះទៅកាន់ជនបទថ្មីទំនើបដំណាក់កាល ២០២៦-២០៣៥។ ទន្ទឹមនឹងនោះ ភូមិភាគបានដាក់សំណើបញ្ជីដើមទុនវិនិយោគសាធារណៈ ដំណាក់កាល ២០២៦-២០៣០ ដើម្បីបម្រើដល់ការផ្សព្វផ្សាយអនុវត្តកម្មវិធី”។

ដោយការប្តេជ្ញាចិត្តនិងការខិតខំប្រឹងប្រែងរបស់គណៈកម្មាធិការបក្ស រដ្ឋអំណាចអង្គការនយោបាយនិងការស្រុះស្រួលរបស់ប្រជាជន បានរួមគ្នាកសាងមាតុភូមិកាន់តែរីកចម្រើនពីមួយថ្ងៃទៅមួយថ្ងៃ។ មិនត្រឹមតែ “ទិដ្ឋភាពផ្លាស់ថ្មី” អំពីហេដ្ឋារចនាសម្ព័ន្ធបានវិនិយោគព្រមៗគ្នាប៉ុណ្ណោះទេ ជីវភាពសម្ភារៈ និងស្មារតីរបស់ប្រជាជនក្នុងឃុំពីមួយថ្ងៃទៅតែបានលើកកម្ពស់ផងដែរ៕

ដាលីន-មេងលី

ចែករំលែកអត្ថបទ

ពាក្យគន្លឹះ