មហាសាមគ្គីជនជាតិ ភូមិស្រុកផ្លាស់ថ្មី

14/07/2025 - 10:00

តំបន់ជនបទឈោងឈានឡើង

បច្ចុប្បន្ន នៅតាមភូមិស្រុកដែលមានជនរួមជាតិខ្មែររស់នៅកុះកររបស់ខេត្តកាម៉ាវមានភាពវិវឌ្ឍន៍ មុខមាត់ជនបទមានភាពស្រស់បំព្រង ជឿនលឿនមិនខុសពីទីក្រុងឡើយ។

ផ្លូវគមនាគមន៍ជនបទតំបន់ជនរួមជាតិខ្មែរខេត្តកាម៉ាវ ត្រូវបានវិនិយោគកសាងរឹងមាំ។

ហឹងហោយ ជាឃុំលំបាកខ្លាំង ដែលមានជនរួមជាតិខ្មែររស់នៅកុះករ មានភាព “ផ្លាស់ថ្មី” ។ ផ្តើមពីជនបទក្រីក្រ អន់ថយ ក្លាយជាតំបន់ពោរពេញដោយថាមពលជីវិត គួរឱ្យកត់សម្គាល់។

លោកថាច់កឹង អ្នកមានប្រជាប្រិយក្នុងជនរួមជាតិខ្មែរនៅឃុំហឹងហោយ ឱ្យដឹង៖ “ពីមុន ទីនេះ ក្រណាស់! តាំងពីមានគោលនយោបាយអាទិភាពរបស់រដ្ឋ និងកម្មវិធីទិសដៅជាតិអំពីការកសាងជនបទថ្មី កម្មវិធីកាត់បន្ថយភាពក្រីក្រ ត្រូវបានរដ្ឋអំណាចមូលដ្ឋានវិនិយោគកសាងផ្លូវគមនាគមន៍ជនបទ តភ្ជាប់អគ្គិសនី ទឹកស្អាត ជីកស្តារ ប្រឡាយបម្រើការផលិត។ល។ ទន្ទឹមនឹងនោះ ឧបត្ថម្ភដើមទុនអាទិភាពដល់គ្រួសារក្រីក្រ គ្រួសារប្រកៀកបន្ទាត់ក្រ ម៉្លោះហើយ គ្រួសារមាមីងខ្មែរមានលក្ខណៈបង្កបង្កើនផល ចិញ្ចឹមសត្វ ដាំដុះ ជួញដូរ។ល។ រកបានប្រាក់ចំណូលគិតគូរឱ្យកូនចៅរៀនសូត្រ។ ពិសេស នៅភូមិកៃយ៉ា មានគ្រួសារខ្មែររស់នៅជិត ១០០% ពីមុនជាភូមិលំបាកខ្លាំង ឥឡូវក្លាយជាភូមិជឿនលឿន មានកម្រិតប្រជាបញ្ញាខ្ពស់បំផុតរបស់ឃុំ។

កសិករខ្មែរខេត្តកាម៉ាវ ម្ចាស់ការអនុវត្តវិទ្យាសាស្ត្រ បច្ចេកទេសក្នុងការបង្កបង្កើនផល ដើម្បីបង្កើនទាំងទិន្នផលនិងប្រាក់ចំណូលលំនឹងជីវភាព។

ចំណែកលោកសើុងតាយ អ្នកមានប្រជាប្រិយក្នុងជនរួមជាតិខ្មែរនៅសង្កាត់ហ៊ីបថាញ់ ខេត្តកាម៉ាវ ឱ្យដឹង៖ “យល់ច្បាស់ពីគោលដៅនៃការកសាងជនបទថ្មី គឺបម្រើតម្រូវការប្រជាជន ដូច្នេះ មាមីងខ្មែរត្រៀមព្រួតដៃជាមួយរដ្ឋអំណាច ដើម្បីបរិច្ចាគដីកសាងបានត្រឹមត្រូវសំណង់ជនបទ។ បច្ចុប្បន្ន ស្ពាននិងផ្លូវគមនាគមន៍ជនបទ អគារសិក្សា ដំណាក់សុខាភិបាល ប្រព័ន្ធធារាសាស្ត្រ មូលដ្ឋានសម្ភារៈវប្បធម៌ ត្រូវបានវិនិយោគកសាងយ៉ាងរឹងមាំ។ល។ ដើម្បីបម្រើតម្រូវការបង្កបង្កើនផលនិងការប្រជុំជីវភាពរបស់ប្រជាជនបានល្អ។ ទន្ទឹមនឹងនោះ រដ្ឋនៅទាំងឧបត្ថម្ភបុលទុនអាទិភាព ជំនួយឧបករណ៍ផលិតកម្ម សាងសង់ផ្ទះជូនគ្រួសារក្រីក្រ។ល។ ម៉្លោះហើយ មាមីងខ្មែរភាគច្រើនមានលក្ខណៈពង្រីកសេដ្ឋកិច្ច រកបានប្រាក់ចំណូល ជីវភាពកាន់តែប្រសើរឡើងពីមួយថ្ងៃទៅមួយថ្ងៃ។ ឥឡូវ ភូមិស្រុកភ្លឺ បៃតង ជ្រះ ស្អាត ផ្ទះឥដ្ឋសមរម្យជំនួសឱ្យផ្ទះស្លឹក កូនចៅ ជនរួមជាតិខ្មែរបានរៀនសូត្រគ្រប់ៗគ្នា”។

យោងតាមថេរដីកាព្រះឧបជ្ឈាយ៍ តាំងសាវង្ស ព្រះចៅអធិការវត្តបុប្ផារាមខ្វែងបបែលចាស់ ឃុំហឹងហោយ ខេត្តកាម៉ាវ ការផ្លាស់ប្តូរនៃតំបន់ជនបទ បញ្ជាក់ឱ្យឃើញថា គោលការណ៍ សេចក្តីសម្រេចរបស់បក្ស គោលនយោបាយរបស់រដ្ឋសម្រាប់ជនរួមជាតិខ្មែរ ត្រូវបានភូមិភាគផ្សព្វផ្សាយ អនុវត្តល្អ ដោយទទួលបានការគាំទ្រយ៉ាងពេញទំហឹងពីសំណាក់មាមីងពុទ្ធបរិស័ទ។ អាស្រ័យហេតុនេះ មានគ្រួសារជនរួមជាតិខ្មែរជាច្រើន នៅលើភូមិសាស្ត្រមានលក្ខណសម្បត្តិពង្រីកសេដ្ឋកិច្ចគ្រួសារ ឈានឡើងធ្វើមាន៕

យ្វីអាញ-មុនី

ចែករំលែកអត្ថបទ

ពាក្យគន្លឹះ