វប្បធម៌-សិល្បៈ វប្បធម៌

02/06/2025 - 10:35

បុណ្យប្រពៃណីរបស់ជនរួមជាតិខ្មែរបានអភិរក្សនិងពង្រីក

បច្ចុប្បន្ន ខេត្តសុកត្រាំង បានយកចិត្តទុកដាក់យ៉ាងខ្លាំងដល់ការអភិរក្សនិងពង្រីកបុណ្យវប្បធម៌ ប្រពៃណីរបស់ជនរួមជាតិខ្មែរ។

ប្រជាជនមកសែនថ្វាយនៅសាលាធាក់គងយ៉ាងច្រើនកុះករ។

តាមមន្ទីរវប្បធម៌ កីឡានិងទេសចរណ៍ ខេត្តសុកត្រាំង ក្នុងចំណោមបេតិកភណ្ឌវប្បធម៌អរូបីថ្នាក់ជាតិទាំង ៩ របស់ខេត្ត មានបេតិកភណ្ឌរបស់ជនរួមជាតិខ្មែរចំនួន ៦ រួមមាន៖ ពិធីប្រណាំងទូក-ង សិល្បៈល្ខោនយូរកេរ សិល្បៈ ប្រជាប្រិយរាំវង់ ប្រគំភ្លេងពិណពាទ្យ សិល្បៈរបាំ និងបុណ្យជ្រោយរំចេក (ឬហៅថា បុណ្យសមុទ្រ)។ បច្ចុប្បន្ន បុណ្យធាក់គង កំពុងស្នើទៅក្រសួងវប្បធម៌ កីឡានិងទេសចរណ៍ ដើម្បីទទួលស្គាល់ជាបេតិកភណ្ឌវប្បធម៌អរូបីថ្នាក់ជាតិ។ នេះជាបុណ្យមានលក្ខណៈពិសេសដោយឡែករបស់ជនរួមជាតិខ្មែរ បានទាក់ទាញមនុស្សម្នារាប់សែននាក់ទាំងក្នុងនិងក្រៅខេត្តចូលរួមសែនថ្វាយ។

 ក្រុមសិល្បៈរាំបម្រើប្រជាជនក្នុងបុណ្យជ្រោយរំចេក។

រៀងរាល់ឆ្នាំ បុណ្យធាក់គង ត្រូវបានប្រារព្ធឡើងក្នុងអំឡុងពេល ៣ ថ្ងៃ ៣ យប់ ចាប់ពីថ្ងៃពេញបូណ៌មីខែចេត្រ ដល់ថ្ងៃ ២ រោចខែចេត្រ នៅសាលាទានធាក់គង នៅឃុំអាងហ៊ីបស្រុកចូវថាញ់។ បុណ្យធាក់គង ក៏ជាពិធីកិច្ចមួយបួងសួងសុំសេចក្តីសុខរបស់សហគមន៍ជនរួមជាតិខ្មែរនៅណាមបូ ជាមួយនឹងតង្វាយប្រកបដោយលក្ខណៈពិសេសរបស់ភូមិស្រុក ដូចជា៖ ស្លាម្លូ ផ្កាឈូក និងផ្លែដូង។ ផ្លែដូងខ្ចីត្រូវបានអ្នកភូមិយកមកតាក់តែងស្អិតស្អាងលម្អដោយស្លាម្ហូ ផ្កាឈូក ហៅថាស្លាធម៌ដូង។

លោកយ័ញប៊ុង ប្រធានគណៈកម្មការសាលាទានធាក់គង ឱ្យដឹង៖ “ពាក្យថាធាក់គង ជាពាក្យដែលអ្នកភូមិក្នុងតំបន់និយមហៅ។ ហើយបុណ្យធាក់គងនេះ នៅទាំងបានប្រជាជនខ្មែរហៅថា បុណ្យសែនដូង ពីព្រោះអ្នកភូមិភាគច្រើនដែលមកចូលរួមក្នុងពិធីបុណ្យនេះជាសំខាន់គឺថ្វាយស្លាធម៌ដូង (ធ្វើពីផ្លែដូងខ្ចី)។ ពិធីកិច្ចទាំងអស់ក្នុងពិធីបុណ្យ ឆ្លុះបញ្ចាំងពីជំនឿដាច់ខាតរបស់អ្នកភូមិនៅតំបន់ដីមាន “គងមាស” ក្នុងរឿងព្រេងចំពោះនិមិត្តរូបវប្បធម៌តែមួយគត់។ ការរៀបចំបុណ្យធាក់គងនេះ ដើម្បីបួងសួងសុំឱ្យភ្លៀងខ្យល់ធ្លាក់ស្មើ រកស៊ីកាក់កប ដោយផ្ញើក្តីជំនឿជាដាច់ខាតទៅលើគ្រូគង ឬលោកគង។

បុណ្យជ្រោយរំចេក (បុណ្យសមុទ្រ) នៅសង្កាត់ ២ ទីរួមខេត្តវិញចូវ បានរៀបចំឡើងជារៀងរាល់ឆ្នាំ ចាប់ពីថ្ងៃ ១៤, ១៥ កើតនិងថ្ងៃ ១ រោច ខែផល្គុន។ បុណ្យនេះ ទើបបានចុះបញ្ជីបេតិកភណ្ឌ វប្បធម៌អរូបីថ្នាក់ជាតិ។ តាមប្រសាសន៍លោក លីថេន ប្រធានគណៈកម្មការវត្តសិរីក្រសាំង តាំងពីកកើតវត្តមក បុណ្យជ្រោយរំចេកក៏កើតមាននៅតំបន់ដីនេះដែរ។ បុណ្យជ្រោយរំចេក ដើម្បីបង្ហាញពីការដឹងគុណចំពោះបុព្វការីជនដែលបានកាប់ឆ្ការរានទឹករានដី ដឹងគុណមហាសាគរផ្តល់ផលបង្គា ត្រី និងភ្លៀងខ្យល់ធ្លាក់ស្មើ ដំណាំដាំដុះអំណោយផល។

តាមប្រសាសន៍លោក សើុងប៉ូ នាយករងមន្ទីរវប្បធម៌ កីឡានិងទេសចរណ៍ខេត្តបុណ្យជ្រោយរំចេកនិងបុណ្យធាក់គង ជាបុណ្យពិសេសដោយឡែករបស់ជនរួមជាតិខ្មែរ រៀងរាល់ឆ្នាំបានទាក់ទាញមនុស្សម្នាទាំងក្នុងនិងក្រៅខេត្តរាប់សែននាក់មកកម្សាន្ត សែនថ្វាយ។ ក្រៅពីពិធីកិច្ច ភូមិភាគនានានៅទាំងរៀបចំនូវសកម្មភាពវប្បធម៌កីឡា ដូចជា៖ ក្រុមល្ខោនយូរកេរមហាជនសម្តែង ក្រុមឆៃយុាំ ភ្លេងពិណពាទ្យ ប្រឡងបាល់ទះ ទាញព្រ័ត្រផ្នែកបុរស លោតបាវបុរស-នារី។ល។ ព្រោះហេតុនោះ មកចូលរួមបុណ្យនេះ ក្រៅពីបួងសួង សុំសេចក្តីសុខ ប្រជាជននៅទាំងទទួលបាននូវអារម្មណ៍ដ៏ស្រស់ស្រាយនៃខឿនវប្បធម៌ដែលដិតដាមដោយអត្តសញ្ញាណជាតិទៀតផង៕

យីអាញ-វិមាន

ចែករំលែកអត្ថបទ

ពាក្យគន្លឹះ