សុខភាព - អប់រំ អប់រំ

22/04/2025 - 08:29

សកម្មភាពឆ្លងកាត់ពិសោធន៍ តម្រង់ទិសវិជ្ជាជីវៈជួយឱ្យសិស្សកាន់តែមានភាពជឿជាក់

លោកគ្រូ គឹមច័ន្ទតាណា នាយកវិទ្យាល័យជនជាតិអន្តេវាសិកខេត្តត្រាវិញ ឱ្យដឹង៖ “សកម្មភាពឆ្លងកាត់ពិសោធន៍ តម្រង់ទិសវិជ្ជាជីវៈនៅកម្រិតវិទ្យាល័យ ជួយឱ្យសិស្សអភិវឌ្ឍនូវអត្តចរិត សមត្ថភាព និងលទ្ធភាពសម្របជាមួយនឹងលក្ខណៈរស់នៅរៀនសូត្រនិងធ្វើការ។ ផ្តើមពីនោះ សិស្ស អភិវឌ្ឍចំណូលចិត្តវិជ្ជាជីវៈ និងសម្រេចចិត្តជ្រើសរើសបាននូវវិជ្ជាជីវៈសម្រាប់អនាគត ឆ្លើយតបតម្រូវការវិជ្ជាជីវៈ និងក្លាយជាពលរដ្ឋមានប្រយោជន៍។

គ្រូនិងសិស្សវិទ្យាល័យជនជាតិអន្តេវាសិកខេត្តត្រាវិញ ថតរូបអនុស្សាវរីយ៍នៅសាលាយ៉ុកថាញ - កេរដំណែលប្រវត្តិសាស្រ្តខេត្តប៊ិញធ្វឹង។

ឆ្នាំសិក្សា ២០២៤-២០២៥ វិទ្យាល័យជនជាតិអន្តេវាសិកខេត្តត្រាវិញ បានរៀបចំដំណើរសកម្មភាពឆ្លងកាត់ពិសោធន៍ និងពិគ្រោះតម្រង់ទិសវិជ្ជាជីវៈនៅសាកលវិទ្យាល័យ បច្ចេកវិទ្យាក្រុងហូជីមិញ និងវិលមករកប្រភពនៅសាលាយ៉ុកថាញ ក្រុងផាងធៀក ខេត្តប៊ិញធ្វឹង។ ក្រៅពីនោះ សាលានៅទាំងរៀបចំជូនប្អូនៗ ទៅបំពេញសកម្មភាពក្រៅម៉ោងសិក្សានៅបូជនីយដ្ឋានអ៊ំហូ ឃុំឡុងឌឹក ក្រុងត្រាវិញ និងរៀនសូត្រឆ្លងកាត់ពិសោធន៍នៅតាមបន្ទប់ប្រពៃណីរបស់សាលាជាដើម។

គ្រូនិងសិស្សវិទ្យាល័យជនជាតិអន្តេវាសិកខេត្តត្រាវិញ ថតរូបអនុស្សាវរីយ៍នៅ HUTECH- សាកលវិទ្យាល័យបច្ចេកវិទ្យាក្រុងហូជីមិញ។

ប្អូនថាច់ង៉ុកក្វាង សិស្សថ្នាក់ទី ១២C របស់សាលា ឱ្យដឹង៖ “ពេលឮដំណឹងថា សាលារៀបចំដំណើរសកម្មភាពឆ្លងកាត់ពិសោធន៍ និងពិគ្រោះតម្រង់ទិសវិជ្ជាជីវៈនៅសាកលវិទ្យាល័យបច្ចេកវិទ្យាក្រុងហូជីមិញ និងវិលមករកប្រភពនៅសាលាយ៉ុកថាញ នៅក្រុងផាងធៀក ខេត្តប៊ិញធ្វឹង ប្អូនបានសូមគ្រួសារចុះឈ្មោះទៅចូលរួម។ មុនពេលចេញដំណើរ ប្អូនបានត្រៀមស្មារតីជាស្រេច ដើម្បីកម្សាន្តផងនិងរៀនសូត្រផង។ ប្អូនមានចំណេះដឹងថ្មីៗបន្ថែម បានពិគ្រោះតម្រង់ទិសវិជ្ជាជីវៈ ហេតុនោះ ប្អូននឹងចុះឈ្មោះមុខជំនាញសិក្សាឱ្យបានសមស្របនឹងសមត្ថភាព និងបំណិនរបស់ប្អូន”។ ប្អូនត្រឹងធីមីក្វៀង សិស្សថ្នាក់ ទី ១២C សិក្សានៅសាលាជាមួយនឹងប្អូនក្វាង ឱ្យដឹង៖ “ពីមុន កាលមិនទាន់ចូលរួមដំណើរ សកម្មភាពឆ្លងកាត់ពិសោធន៍ និងពិគ្រោះតម្រង់ទិសវិជ្ជាជីវៈដែលសាលារៀបចំឡើង ប្អូនមានភាព “ញញើតញញើម” មិនសូវមានមិត្តភ័ក្តិ។ បន្ទាប់ពីបានចូលរួមក្នុងដំណើរសកម្មភាពឆ្លងកាត់ពិសោធន៍ និងពិគ្រោះតម្រង់ទិសវិជ្ជាជីវៈដែលសាលារៀបចំឡើង ប្អូនបានស្គាល់មិត្តភ័ក្តិច្រើន និងស្គាល់ប្អូនៗថ្នាក់តូចជាច្រើនទៀត។ ប្អូនចូលចិត្តឆ្លងកាត់ពិសោធន៍ និងពិគ្រោះតម្រង់ទិសវិជ្ជាជីវៈណាស់ ពីព្រោះឃើញនឹងភ្នែកនូវមិត្តភ័ក្តិរៀនសូត្រ និងលោកគ្រូ អ្នកគ្រូបង្រៀនធ្វើការ”។

វិទ្យាល័យជនជាតិអន្តេវាសិកខេត្តត្រាវិញ បានវិនិយោគនូវមូលដ្ឋានសម្ភារៈយ៉ាងសមរម្យ មានបណ្ណាល័យអន្តេវាសិកដ្ឋាន អាហារដ្ឋានសមូហភាព មណ្ឌលកីឡា។ល។ ឆ្លើយតបនឹងតម្រូវការបង្រៀននិងរៀន។ បច្ចុប្បន្ន សាលាមានកម្មាភិបាល បុគ្គលិក គ្រូបង្រៀន ៥១ នាក់ និងសិស្ស ៤១៦ នាក់ ក្នុងនោះ សិស្សស្នាក់នៅអន្តេវាសិកដ្ឋាន ២៥៧ នាក់ សិក្សាពីថ្នាក់ទី ១០ ទី ១១ និងថ្នាក់ទី ១២៕

សើុងម៉ាល័យ-វិមាន

ចែករំលែកអត្ថបទ

ពាក្យគន្លឹះ