ប៉ុន្មានឆ្នាំជិតៗនេះ មានយុវជនខ្មែរជាច្រើនសម្រេចចិត្តជ្រើសរើស “វិជ្ជាជីវៈជាអាជីពយោធិន” សម្រាប់អនាគត។ ក្នុងបរិស្ថានកងទ័ព បងៗមិនត្រឹមតែខិតខំប្រឹងប្រែងសម្រេចភារកិច្ចបានល្អនិងឆ្នើមនោះទេ ថែមទាំងមានការច្នៃប្រតិដ្ឋជាច្រើន រួមចំណែកកសាងអង្គភាពរឹងមាំ។
អនុសេនីយ៍ឯក យ័ញមិញ (ឈរទី២ រាប់ពីស្ដាំ) ទទួលរង្វាន់លើកទឹកចិត្តសម្រាប់គំនិតច្នៃប្រតិដ្ឋ “ក្ដារខៀនហ្វឹកហ្វឺនពហុមុខងារ” ក្នុងពិធីប្រឡងត្រៀមលក្ខណៈហ្វឹកហ្វឺន ឆ្នាំ២០២៥។ រូបថតៈ ត្រឹងចៀង
១. ឆ្នាំ២០០៦ យ័ញមិញ បញ្ចប់ការសិក្សាកម្រិតធម្យមសិក្សាមូលដ្ឋាន បានជ្រើសចូលរៀនសាលាយុវសិស្សយោធិននៅសាលាយោធាយោធភូមិភាគ៩។ តាំងពីនោះ កុលបុត្តនៅឃុំថាញ់អៀង ស្រុកអ៊ូមិញទឿង (គៀងយ៉ាង) ទើបតែអាយុ ១៥ឆ្នាំ រៀនវប្បធម៌បណ្ដើរ ហ្វឹកហ្វឺនពីរបៀបរៀបរយរបស់កងទ័ពបណ្ដើរ។ រៀនចប់វិទ្យាល័យ យ័ញមិញ ត្រូវបានចូលសិក្សាមហាវិទ្យាល័យបម្រុងមួយឆ្នាំ នៅសាលានាយទាហានជើងគោកទី២ បន្ទាប់មកប្រឡងជាប់ចូលរៀនសាលានាយទាហានព័ត៌មានវិទ្យាយោធា។ ឆ្នាំ ២០១៥ យ័ញមិញ បញ្ចប់ការសិក្សា បានបំពាក់ឋានន្តរសក្ដិជាអនុសេនីយ៍ទោ ហើយត្រូវបានបញ្ជូនមកកងពលតូចផ្នែកព័ត៌មាន ២៩ (យោធភូមិភាគ៩) កាន់តួនាទីជាប្រធានកងអនុសេនាតូច អនុប្រធានកងអនុសេនាធំ និងប្រធានកងអនុសេនាធំលេខ ៣ កងវរសេនាតូច លេខ១។
ក្រោមការគ្រប់គ្រង ដឹកនាំរបស់អនុសេនីយ៍ឯក យ័ញមិញ ឆ្នាំ២០២៤ កងអនុសេនាធំលេខ ៣ អនុវត្តសម្រេចគ្រប់ភារកិច្ចត្រៀមប្រយុទ្ធ បង្កើតរបៀបរៀបរយនិងលត់ដំច្បាប់វិន័យ; ដោយឡែកការហ្វឹកហាត់ជំនាញផ្នែកព័ត៌មាន សមរភូមិក្រោយ បច្ចេកទេស តែងសម្រេចបានកម្រិតពូកែ។ បងមិញ ចែករំលែក៖ “កម្មាភិបាល យុទ្ធជន តែងចងចាំដំបូន្មានរបស់អ៊ំហូ “ការទំនាក់ទំនង គឺជាកិច្ចការមួយសំខាន់បំផុតក្នុងការងារបដិវត្តន៍ ព្រោះវាអាចសម្រេចបានការឯកភាពក្នុងការបញ្ជាការ បែងចែកកងកម្លាំងត្រង់ហ្នឹង ទើបធានាទទួលបានជ័យជំនះ” ដូច្នេះ ក្នុងការធានាព័ត៌មានប្រៃសណីយ៍យោធា យើងខ្ញុំរៀបចំដឹកជញ្ជូនជាប្រចាំ១.១៩៥ជើង ចម្ងាយផ្លូវ៩៨.១៩០គីឡូម៉ែត្រ និងដឹកជញ្ជូនជាបន្ទាន់៨ជើងចម្ងាយផ្លូវ២.២៨០ គីឡូម៉ែត្រ ដើម្បីប្រមូលចែកចាយឯកសារ ១៨០ តោន; ធានាទាន់ពេលច្បាស់លាស់ សម្ងាត់ សុវត្ថិភាព។ ពិសេស ពេលមានលិខិតបន្ទាន់ កំណត់ពេលវេលាត្រូវចេញដំណើរជាបន្ទាន់ មិនថាភ្លៀងក្ដៅ យប់ថ្ងៃ ធានាប្រគល់ជូនទាន់ពេល ត្រូវអាសយដ្ឋាន។ មានថ្ងៃខ្លះ យើងខ្ញុំត្រូវធ្វើដំណើរចម្ងាយផ្លូវ៤២០គីឡូម៉ែត្រ ទាំងទៅទាំងមកដើម្បីប្រគល់និងទទួលឯកសារប្រហែល៧០០ គីឡូក្រាម។ ឆ្លងកាត់ការលំបាកនោះ បងប្អូន បានលត់ដំស្មារតីកាន់តែម៉ឺងម៉ាត់ រឹងប៉ឹងជាងទៀត ដើម្បីបន្តការភ្ជាប់បណ្ដាញប្រអប់សំបុត្រ សុវត្ថិភាព រក្សាខ្ជាប់មធ្យោបាយព័ត៌មានប្រៃសណីយ៍យោធាសម្រេចភារកិច្ចពូកែ”។
អនុសេនីយ៍ឯកបម្រុង យ័ញមិញសើុង ចូលរួមក្នុងគណៈកម្មការមេប្រយោគ ត្រួតពិនិត្យសមត្ថភាពបំណិនវិជ្ជាជីវៈ បុគ្គលិកឯកទេសផ្នែកយានយន្ត ឆ្នាំ២០២៤។ រូបថតៈ ត្រឹងចៀង
ក្រៅពីអនុវត្តសម្រេចភារកិច្ចនយោបាយ ជាច្រើនលើកបានទទួលកិត្តិនាមយុទ្ធជនប្រឡងប្រណាំងមូលដ្ឋាន អនុសេនីយ៍ឯក យ័ញមិញ នៅទាំងស្រាវជ្រាវច្នៃប្រតិដ្ឋ “ក្ដារខៀនហ្វឹកហាត់ពហុមុខងារ” ទទួលបានរង្វាន់ លើកទឹកចិត្តក្នុងពិធីប្រឡងត្រៀមលក្ខណៈហ្វឹកហាត់ ឆ្នាំ ២០២៥ អាស្រ័យអង្គភាពកងពលតូចផ្នែកព័ត៌មាន២៩ រៀបចំឡើង។ ឧបករណ៍រួមមាន៖ ធុងបាសនិង treble ដើម្បីកែច្នៃសំឡេង; ប្រអប់បញ្ជាអង្គចងចាំ ៦៤G ។ល។ ។ល។ វរសេនីយ៍ត្រី ឡេជីហាយ ស្នងការនយោបាយរង ប្រធានកងវរសេនាតូច លេខ១ វាយតម្លៃ៖ “ច្នៃប្រតិដ្ឋ “ក្ដារខៀនហ្វឹកហាត់ពហុមុខងារ” អាស្រ័យដោយឧបករណ៍ បំប្លែងធ្វើឱ្យការហ្វឹកហ្វឺនមុខវិជ្ជាយោធាកាន់តែរស់រវើក និងជិតនឹងលក្ខណៈជាក់ស្ដែង; ដើម្បីធ្វើការផ្សព្វផ្សាយវប្បធម៌សិល្បៈ ក្នុងម៉ោងឈប់សម្រាក ឬការកម្សាន្តអារម្មណ៍ក្នុងឱកាសថ្ងៃឈប់សម្រាក។ ផលិតផលរចនាតូចល្មម ដំណើរការ និងប្រមូលទុកដាក់លឿន ងាយស្រួលក្នុងការប្រើប្រាស់ និងប្ដូរផ្លាស់ឧបករណ៍។ ជាពិសេស គឺប្រើប្រាស់មុខងារបញ្ចូលថ្មដោយអគ្គិសនីនិងអាគុយ ដូច្នេះ បើសិនជាដាច់ភ្លើងក៏ការហ្វឹកហ្វឺន នៅតែដំណើរការរលូនដែរ។ ប្រាក់ចំណាយបង្កើតផលិតផលមួយគឺប្រហែល២លានដុង”។
២-ពិធីប្រឡងត្រៀមលក្ខណៈហ្វឹកហ្វឺន ឆ្នាំ២០២៥ ច្នៃប្រតិដ្ឋ “ឧបករណ៍ផ្លាស់សំបកកង់រថយន្ត” របស់អនុសេនីយ៍ឯកបម្រុងយ័ញ មិញសើុង ជំនួយការរថយន្ត ការិយាល័យភ័ស្ដុភារ-បច្ចេកទេសត្រូវបានកងពលតូចពិនិត្យ ទទួលនិងផ្សព្វផ្សាយអនុវត្តជាក់ស្ដែង។ ម្ចាស់ផលិតផល ឱ្យដឹង៖ “សព្វថ្ងៃ អង្គភាពបានក្របខណ្ឌរថយន្តដឹកជញ្ជូនរថយន្តដឹកមនុស្សជាច្រើន ប្រភេទមានទំហំកង់ធំៗ ដូច្នេះ នៅពេលខូចម្ដងៗ ផ្លាស់ប្ដូរដោយឧបករណ៍ធម្មតាជួបការលំបាកខ្លាំង។ អាស្រ័យហេតុនេះ ក៏ផ្ដើមមានការច្នៃប្រតិដ្ឋដោយគ្រឿងបង្គុំ មានដូចជា ស្នូលត្រូវបានស៊កភ្ជាប់ជាមួយនឹងផ្នែករក្សាថាសកង់រថយន្ត ចំណែកគ្រោងដែកជុំវិញ ត្រូវបានពត់វាឱ្យមូល ទំហំសមស្រប ដើម្បីសង្កត់លើខ្នងសំបកកង់ ហើយប្រព័ន្ធដែកគាស់ ដងវែងប្រើដោយដៃ។ ផលិតផលនេះ ជួយឱ្យការដោះផ្លាស់សំបកកង់រថយន្តបានងាយស្រួល លឿនមិនបាច់យកទៅឱ្យជាងធ្វើ ហើយអាចធានាលក្ខណៈបច្ចេកទេស; ទន្ទឹមនឹងនោះ ប្រិតសំចៃបានពេលវេលា កម្លាំងនិងថវិកា”។
ក្នុងនាមជាលេខាសាខាសម្ព័ន្ធយុវជនប្លុកស្ថាប័ន អនុសេនីយ៍ឯកបម្រុងយ័ញមិញសើុង បានសិក្សាស្រាវជ្រាវ ឆ្នៃប្រតិដ្ឋចូលរួមក្នុងពិធីប្រឡងព័ត៌មានបិទផ្សាយលើជញ្ជាំង អំណរនិទាឃរដូវអឹកទី ឆ្នាំ២០២៥ ជាប់លេខ៣។ វរសេនីយ៍ ឯកបម្រុង ដាវស្វឹងត្រឿង ប្រធានផ្នែកនយោបាយ កងពលតូច ផ្នែកព័ត៌មាន២៩ វាយតម្លៃ៖ “ជាធម្មតា ផ្នែកព័ត៌មានបិទលើជញ្ជាំង តាមវិធីប្រពៃណី គឺគេសរសេរឬគូរទៅលើក្រដាស តែសមមិត្តមិញ សើុង ច្នៃប្រតិដ្ឋដោយការរៀបចំខ្លឹមសារនៅលើក្រដាសជារាងមូល ទុកល្ហមួយចំណែក ព្រមជាមួយនោះ ដាក់ស្នូលបង្វិល តភ្ជាប់ភ្លើងពណ៌ឱ្យល្អ មើលសំដៅងាយស្រួលក្នុងការទស្សនា។ ទន្ទឹមនឹងនោះ ដំណាក់កាល ២០២២-២០២៤ សមមិត្តសើុង បានខ្នះខ្នែងក្នុងការបំប៉ន ឧទ្ទេសនាម សម្ព័ន្ធយុវជនឆ្នើម៣រូប បានចូលក្នុងកងជួរបក្ស លើសភាគកម្រិតដែលបានដាក់ចេញ”។
និយាយពីមូលហេតុជ្រើសរើស អាជីពយោធិន អនុសេនីយ៍ឯកបម្រុង យ័ញមិញសើុង កើត ឆ្នាំ១៩៩៨ នៅឃុំហ្វាលូវ ក្រុងវីថាញ (ហូវយ៉ាង) រៀបរាប់៖ “តាំងពីតូចខ្ញុំចូលចិត្តពណ៌អាវកងទ័ព ដូច្នេះ ខ្ញុំប្ដេជ្ញាចិត្តខំរៀនឱ្យពូកែ ដើម្បីបំពេញក្ដីស្រមៃ។ ឆ្នាំ២០១៦ ខ្ញុំប្រឡងជាប់ចូលរៀនសាលាយោធាជំនាញបច្ចេកទេសយោធា។ រយៈពេល៥ឆ្នាំរៀនក្នុងសាលា ឆ្លងកាត់ភាពលំបាករបស់កងទ័ព ខ្ញុំកាន់តែគោរពឱ្យតម្លៃដល់វីរជនគ្រប់ជំនាន់ដែលមិនស្ដាយសាច់ស្រស់ឈាមស្រស់ក្នុងការដណ្ដើមឯករាជ្យសេរីភាព។ ហេតុនេះ ខ្ញុំរឹតតែខិតខំប្រឹងប្រែងលត់ដំ បញ្ចប់ការសិក្សាជាប់និទ្ទេសពូកែ ហើយបានបំពាក់ឋានន្តរសក្ដិជាអនុសេនីយ៍ទោ។ តាំងពីពេលមកបម្រើការក្នុងអង្គភាព ខ្ញុំតែងខិតខំដោយឥតឈប់ឈរ អនុវត្តសម្រេចភារកិច្ចដែលបានប្រគល់ឱ្យទៅតាមមុខតំណែងដែលទទួលបន្ទុក។ ប្រការដែលខ្ញុំរំពឹងគិតនៅពេលជ្រើសរើស “វិជ្ជាជីវៈជាអាជីពយោធិន” គឺមិនប្រៀបធៀបជាមួយនឹងមុខរបរផ្សេងៗឡើយ ព្រោះខ្ញុំគិតថា សេដ្ឋកិច្ចឈរក្រោយនយោបាយនិងភារកិច្ចការពារមាតុភូមិគឺជាកត្តាចម្បង”។
នោះមិនត្រឹមតែជាការបញ្ជាក់របស់អនុសេនីយ៍ឯកបម្រុង យ័ញមិញសើុង និងអនុសេនីយ៍ ឯកយ័ញមិញ ប៉ុណ្ណឹងទេ ទឹកចិត្តរបស់កម្មាភិបាលជាជនរួមជាតិខ្មែរគំរូ ច្នៃប្រតិដ្ឋ ដែលកំពុងបម្រើការងារនៅអង្គភាពកងពលតូចផ្នែកព័ត៌មាន២៩និយាយដោយឡែក និងកងកម្លាំងប្រដាប់អាវុធយោធភូមិភាគ៩និយាយរួម ក៏ដូចតែគ្នា។ ដ្បិតថា នៅពេលបងៗជ្រើសរើស “វិជ្ជាជីវៈជាអាជីពយោធិន” អាស្រ័យដោយការស្រឡាញ់កងទ័ព ហើយចង់បន្តប្រវេណីគ្រួសារ;យល់ដឹងច្បាស់ពីភារកិច្ចនយោបាយ - សង្គម ចំពោះមាតុភូមិប្រទេសជាតិ; ចួនកាលមានទាំងកត្តាសេដ្ឋកិច្ចនិងជីវភាព។ល។ ហើយជាក់ស្ដែង រាល់ការខិតខំប្រឹងប្រែងតែងបានអង្គភាព មិត្តរួមកងទទួលស្គាល់ ដើម្បីក្នុងឱកាសបុណ្យចូលឆ្នាំថ្មី បងៗនឹងសម្រេចបានស្នាដៃថ្មីៗ បន្ថែមទៀតសម្រាប់អំណរឆ្នាំថ្មី៕
ហូគៀងយ៉ាង
អគ្គនិពន្ធនាយក: ត្រឿងវ៉ាំងច្វៀន អគ្គនិពន្ធនាយករងទទួលបន្ទុកភាសាខ្មែរ: ង្វៀងថាញត្វឹង
លិខិតអនុញាតលេខ៧៨៩/GP-BTTTT អាស្រ័យក្រសួងពត៌មាននិងសារគមនាគមន៍ផ្តល់ថ្ងៃទី០២-១២-២០២១។លេខ២៤ ត្រឹងវ៉ាំងហ្វាយ ទីក្រុងកឹងធើ - ទូរស័ព្ទ: (០២៩២) ៣៨៣០០៩៨
ទូរសារ: (០២៩២) ៣៨៣០៥៦១។ អ៊ីម៉ែល: toasoan@baocantho.com.vn
ទំនាក់ទំនងផ្សាយពាណិជ្ជកម្ម : quangcao@baocantho.com.vn
សរសេរច្បាស់ប្រភព"សារព័ត៌មានអេឡិចត្រូនិកកឹងធើ" នៅពេលផ្សាយបន្តពីwebsite នេះ។
អភិវឌ្ឍន៍ដោយ:
ពាក្យគន្លឹះ