សុខភាព - អប់រំ អប់រំ

14/04/2025 - 17:46

អភិវឌ្ឍវិស័យអប់រំក្នុងតំបន់ជនជាតិភាគតិចនៅខេត្តកាម៉ាវ

ជាច្រើនឆ្នាំមកនេះ ខេត្តកាម៉ាវ បានខិតខំប្រឹងប្រែងក្នុងការអភិវឌ្ឍអប់រំតំបន់ជនជាតិភាគតិច ហើយមានជំហានវិវឌ្ឍន៍គួរឱ្យកត់សម្គាល់។

ម៉ោងបង្រៀននិងរៀនរបស់គ្រូនិងសិស្សសាលាចំណេះទូទៅជនជាតិអន្តេវាសិកខេត្តកាម៉ាវ។

តាមប្រសាសន៍លោក ង្វៀងថាញល្វឹង នាយកមន្ទីរអប់រំនិងបណ្ដុះបណ្ដាលខេត្តកាម៉ាវ៖ ពីមុននេះ អត្រាសិស្សជនជាតិភាគតិចបោះបង់ការរៀនសូត្រមានកម្រិតខ្ពស់បង្គួរ បំផុតគឺកម្រិតអនុវិទ្យាល័យដោយសារលក្ខណៈសេដ្ឋកិច្ចនៅលំបាក ខ្វះមធ្យោបាយធ្វើដំណើរទៅមក។ ចាប់ពីឆ្នាំ ២០២០ មកទល់បច្ចុប្បន្ន ខេត្តបានផ្សព្វផ្សាយគោលនយោបាយជាច្រើនសម្រាប់ឧបត្ថម្ភដល់ជនជាតិភាគតិច មានដូច៖ លើកលែងនិងកាត់បន្ថយបង់ថ្លៃសិក្សា ឧបត្ថម្ភសិក្ខូបករណ៍ សម្លៀកបំពាក់; ឧបត្ថម្ភប្រាក់ហូបចុក ប្រាក់ធ្វើដំណើរទៅមកសម្រាប់សិស្សានុសិស្សអឌ្ឍអន្តេវាសិក; បើកការសាងសង់សាលារៀននៅតាមឃុំមានលក្ខណៈសេដ្ឋកិច្ចលំបាក។

ចាប់ពីឆ្នាំ ២០២០ មកខេត្តបានវិនិយោគជាង ១៥០ ពាន់លានដុងសម្រាប់ជួសជុល សាងសង់បន្ទប់រៀនថ្មី អគារសមូហភាព និងផ្ទះបាយសម្រាប់សិស្សអឌ្ឍអន្តេវាសិក។ គ្រូបង្រៀនជនជាតិភាគតិច ក៏បានបណ្ដុះបណ្ដាលបំពាក់បំប៉ននិងរៀបចំបង្រៀននៅទីតាំងសាលាសមស្រប។ មកទល់បច្ចុប្បន្ន ខេត្តកាម៉ាវមានសាលាជនជាតិអន្តេវាសិកនិងអឌ្ឍអន្តេវាសិកចំនួន ៥ ធានាសម្រាប់សិស្សជនជាតិភាគតិចរាប់រយនាក់បានរៀនសូត្រ ស្នាក់នៅហូបចុកនិងប្រជុំជីវភាព។ មានសាលាបឋមសិក្សានិងអនុវិទ្យាល័យជាច្រើននៅតំបន់ជនជាតិភាគតិច បានបង្កើនកម្រិតមានភាពសមរម្យ សម្រេចតាមបទដ្ឋានជាតិ។

ក្រៅពីនោះ ចំណុចលេចធ្លោមួយក្នុងវិស័យអប់រំតំបន់ជនជាតិនៅខេត្តកាម៉ាវ គឺការគួបផ្សំ បង្រៀនឧភយភាសានិងរក្សាអត្តសញ្ញាណវប្បធម៌។ នៅតាមសាលារៀនតំបន់ជនរួមជាតិខ្មែរ គ្រូបង្រៀនបានបង្រៀនឆ្លាស់គ្នារវាងភាសាវៀតនិងភាសាខ្មែរជួយសិស្សងាយស្រួលទទួលយកនិងអភិរក្សភាសាជនជាតិកាន់តែល្អ។ ក្រៅពីកម្មវិធីសិក្សាផ្លូវការ សាលារៀននៅទាំងសហការរៀបចំបង្រៀនអក្សរខ្មែរក្នុងឱកាសវិស្សមកាល រៀបចំប្រឡងសិល្បៈប្រជាប្រិយ ប្រឡងនិទានរឿងជាភាសាខ្មែរ សមោសរសិល្បៈសម្ដែងចម្រៀងប្រជាប្រិយជាដើម។ ផ្ដើមពីនោះ សិស្សមិនត្រឹមតែចេះអក្សរប៉ុណ្ណោះទេ នៅថែមទាំងយល់ដឹងអំពីប្រភពទំនៀមទម្លាប់របស់ខ្លួនទៀតផង។

លោកង្វៀងថាញល្វឹង នាយកមន្ទីរអប់រំនិងបណ្ដុះបណ្ដាលខេត្តកាម៉ាវ បានយល់ឃើញ៖ អាស្រ័យការយកចិត្តទុកដាក់វិនិយោគមានវគ្គស្នើ ទើបវិស័យអប់រំនៅតំបន់ជនជាតិភាគតិចរបស់ខេត្តមានជំហានវិវឌ្ឍន៍។ រហូតដល់ឆ្នាំ ២០២៤ ឃុំទាំងអស់ដែលមានជនរួមជាតិភាគតិចរស់នៅកុះករបានសម្រេចឧត្ដានកម្មអប់រំបឋមសិក្សាត្រូវតាមកម្រិតអាយុ។ អត្រាសិស្សជនជាតិភាគតិចសម្រេចកម្មវិធីបឋមសិក្សាឡើងដល់ ៩៨,៣% ចំនួនសិស្សបន្តការសិក្សានៅកម្រិតអនុវិទ្យាល័យ កើនឡើងពីមួយថ្ងៃទៅមួយថ្ងៃ ស្ថានភាពសិស្សបោះបង់ការសិក្សាត្រូវបានកាត់បន្ថយយ៉ាងច្បាស់។ បច្ចុប្បន្ន ទូទាំងខេត្តមានសិស្សជនជាតិភាគតិចជាង ៣.៥០០ នាក់ កំពុងបន្តសិក្សាចាប់ពីបឋមសិក្សារហូតដល់វិទ្យាល័យ។

ដំណាក់កាល ២០២៥ - ២០៣០ ខេត្តកាម៉ាវ បានផ្សព្វផ្សាយវិធានការជាច្រើន សំដៅអភិវឌ្ឍអប់រំតំបន់ជនជាតិភាគតិច។ យោងតាមនោះ ខេត្តបន្តអាទិភាពប្រភពធនធានវិនិយោគសម្រាប់អប់រំតំបន់ជនជាតិភាគតិច។ ខេត្តបើកទូលាយទម្រង់សាលាអឌ្ឍអន្តេវាសិកកម្រិតអនុវិទ្យាល័យ និងវិទ្យាល័យ; បង្កើនការផ្សព្វផ្សាយ លើកកម្ពស់ស្មារតីភ្ញាក់រលឹករបស់សហគមន៍អំពីតួនាទីនៃការអប់រំ; ជំរុញការរៀនមុខរបរនិងតម្រង់ទិសវិជ្ជាជីវៈជូនសិស្សជនជាតិភាគតិចក្រោយពីបញ្ចប់អនុវិទ្យាល័យ៕

ថាញឡុង - ប្រែសម្រួល៖ ថាច់ធី

ចែករំលែកអត្ថបទ

ពាក្យគន្លឹះ