មហាសាមគ្គីជនជាតិ គំរូក្នុងសហគមន៍

03/02/2025 - 15:53

បក្ខជនជនជាតិភាគតិចឈានមុខ

ឃុំហូធីគី ស្រុកថើយប៊ិញ ខេត្តកាម៉ាវ មានជនរួមជាតិភាគតិចរស់នៅកុះករ។ រយៈពេលកន្លង មានបក្ខជនជាច្រើនជាជនជាតិភាគតិច បានពង្រីកល្អនូវតួនាទីឈានមុខ គំរូក្នុងការអនុវត្តនូវចលនារបស់ភូមិភាគអភិវឌ្ឍសេដ្ឋកិច្ចគ្រួសារ។

លោកឡេវ៉ាន់កុង ឆ្លៀតដាំបន្លែបង្ការលើផ្ទៃដីទំនេរជុំវិញផ្ទះ សម្រាប់ហូបចុកប្រចាំថ្ងៃ។

តួយ៉ាងដូចលោក ឡេវ៉ាន់កុង ជាជនជាតិខ្មែរមានអាយុបក្ស ៣០ ឆ្នាំ ប្រជុំជីវភាពបក្សនៅសាខាបក្សភូមិកៃខូ ជាបក្ខជនឈានមុខក្នុងចលនាប្រឡងប្រណាំងផលិតនិងធ្វើអាជីវកម្មពូកែ កសាងជនបទថ្មី និងរក្សាសន្តិសុខសណ្តាប់ធ្នាប់ ។ល។ ដោយឡែកអំពីអភិវឌ្ឍសេដ្ឋកិច្ចគ្រួសារ ជាមួយនឹងផ្ទៃដី ៣ ហិកតា គាត់តែងបន្តធ្វើស្រែលើដីចិញ្ចឹមបង្កង - ក្តាម គួបផ្សំនឹងការចិញ្ចឹមសត្វ ធាតុផ្សេងៗទៀត។ ដើម្បីការផលិតសម្រេចប្រសិទ្ធភាពខ្ពស់ គាត់ទ្រាំលំបាកសិក្សាស្រាវជ្រាវ និងចូលរួមវគ្គហ្វឹកហ្វឺន ដែលភូមិភាគរៀបចំឡើង និងមោះមុតបង្វែរពីការចិញ្ចឹមបង្កងវិបុលវប្បកម្មបែបប្រពៃណីមកចិញ្ចឹមបង្កង ២ ដំណាក់កាល។

បងស្រី ថាច់ធីសាតាណា មានប្រាក់ចំណូលលំនឹងពីការចិញ្ចឹម
បង្កង-ក្តាមគួបផ្សំលើផ្ទៃដី ៣ហិកតា។

លោក ឡេវ៉ាន់កុង ចែករំលែកបទពិសោធន៍៖ “គប្បីជ្រើសរើសកូនពូជមានសុខភាពមាំមួន ថែបំប៉នក្នុងស្រះពី ១៥-២០ ថ្ងៃ បន្ទាប់មក ទើបព្រលែងទៅក្នុងស្រះចិញ្ចឹមបង្កង-ក្តាមទំនិញ។ ស្រះ ថែបំប៉ននិងស្រះចិញ្ចឹម គប្បីកែប្រែធានាបច្ចេកទេស អនុវត្តហ្មត់ចត់ទៅតាមផ្នែកនីមួយៗ តាំងពីការកម្ចាត់ត្រីចម្រុះរហូតដល់យកទឹក វិនិច្ឆ័យទឹក ។ល។ ឱ្យចំណីបង្កងស៊ីម្តងក្នុងមួយថ្ងៃ និងវិនិច្ឆ័យអតិសុខុមប្រាណ លំនឹងបរិស្ថានចិញ្ចឹមតាមកាលកំណត់។ បង្កងចិញ្ចឹមក្នុងរយៈពេលពី ២-២,៥ ខែ គឺអាចប្រមូលផលបាន។ ចិញ្ចឹមបង្កង ២ ដំណាក់កាល កាត់បន្ថយហានិភ័យជំងឺឆ្លងរាលដាល និងកាត់បន្ថយពេលវេលាបង្កើនរដូវចិញ្ចឹមពី ៣-៤ រដូវក្នុងមួយឆ្នាំ រកបានប្រាក់ចំណេញពី ៤០ - ៥០ លានដុង/រដូវ។ ដោយសង្កេតឃើញមានប្រសិទ្ធភាពសេដ្ឋកិច្ចខ្ពស់ ខ្ញុំអស់ពីចិត្តណែនាំបច្ចេកទេសជូនមាមីងក្នុងភូមិធ្វើតាមដែរ។

ចំណែកបងស្រី ថាច់ធីសាតាណា ជាបក្ខជនជនជាតិខ្មែរ ប្រជុំជីវភាពបក្សនៅសាខាបក្សភូមិកៃខូ ក៏ជាគំរូក្នុងការអភិវឌ្ឍសេដ្ឋកិច្ច ចិញ្ចឹមអប់រំកូន និងកសាងគ្រួសារសុភមង្គល។ បច្ចុប្បន្ន គ្រួសារគាត់គឺជាគ្រួសារមួយធូរធារ មានប្រាក់ចំណូលនឹងពីការចិញ្ចឹមបង្កង ក្តាមលើផ្ទៃដីជាង ៣ ហិកតា និងគួបផ្សំនឹងដាំផ្កាអង្គាសីល ដាំដំណាំ ឈើហូបផ្លែនៅតាមភ្លឺស្រះ។

មិនត្រឹមតែឧស្សាហ៍ព្យាយាម និងទ្រាំលំបាកក្នុងការអភិវឌ្ឍសេដ្ឋកិច្ចគ្រួសារប៉ុណ្ណោះទេ បងស្រី សាតាណា នៅទាំងសកម្មពង្រីកតួនាទីជាបក្ខជន ក្តាប់ពីគោលបំណងរបស់ប្រជាជន និងចលនាថែរក្សា ពង្រីកអត្តសញ្ញាណវប្បធម៌ជនជាតិ លុបបំបាត់ទម្លាប់ឱនថយ; គោរពបានល្អនូវគោលការណ៍របស់បក្ស គោលនយោបាយច្បាប់របស់រដ្ឋទៀតផង។

លោក ង្វៀងវៀតបាក់ អនុប្រធានគណៈកម្មាធិការប្រជាជនឃុំហូធីគី ឱ្យដឹង៖ “ទូទាំងឃុំមានបក្ខជន ៥២៩ នាក់ ក្នុងនោះបក្ខជនជាជនជាតិភាគតិច ២៩ នាក់។ ច្រើនឆ្នាំកន្លង ជាមួយនឹងសកម្មភាពជាក់ស្តែង មានអត្ថន័យបក្ខជនថាច់ធីសាតាណា និងឡេវ៉ាន់កុង បានបង្ហាញពីតួនាទី “ដឹកនាំ” គំរូឈានមុខក្នុងការអភិវឌ្ឍសេដ្ឋកិច្ច ចែករំលែកបទពិសោធន៍ និងជួយគ្រួសារប្រជាជនជាច្រើនកាត់បន្ថយភាពក្រីក្រ រួមចំណែករក្សាលំនឹង និងលើកកម្ពស់គុណភាពលក្ខឋានជនបទថ្មីរបស់ភូមិភាគ៕

យោង៖ កាសែតកាម៉ាវ - វិមាន

ចែករំលែកអត្ថបទ

ពាក្យគន្លឹះ