វប្បធម៌-សិល្បៈ វប្បធម៌

23/12/2024 - 15:04

រួមជាមួយជនរួមជាតិខ្មែរអភិរក្សវប្បធម៌ប្រពៃណី

តាមថេរដីកាព្រះតេជព្រះគុណបណ្ឌិត លីហុង សមាជិកក្រុមប្រឹក្សាភិបាល អនុប្រធានគណៈអភិបាលមជ្ឈិមសមាគមពុទ្ធសាសនាវៀតណាម អនុប្រធានគណៈអភិបាលសមាគមពុទ្ធសាសនាវៀតណាម អនុប្រធានប្រចាំការសមាគមព្រះសង្ឃសាមគ្គីស្នេហាជាតិក្រុងកឹងធើ វិទ្យាធិការរងនៃវិទ្យាស្ថានពុទ្ធសាសនាខ្មែរ ការអភិរក្សវប្បធម៌ប្រពៃណីរបស់ជនរួមជាតិខ្មែរកំពុងបានក្រុងកឹងធើ ផ្សព្វផ្សាយអនុវត្តល្អ។

នារីជនជាតិខ្មែរនៅក្រុងកឹងធើ ចូលរួមពិធីប្រឡងធ្វើនំប្រពៃណី។

បច្ចុប្បន្ន ក្រុងកឹងធើមានវត្តខ្មែរ ១២ វត្ត វិទ្យាស្ថានពុទ្ធសាសនាខ្មែរ ០១ និងសមាគមព្រះសង្ឃសាមគ្គីស្នេហាជាតិក្រុងកឹងធើ។ ការងារថែរក្សា អភិរក្សនិងពង្រីកនូវតម្លៃបេតិកភណ្ឌ វប្បធម៌រូបីនិងអរូបីរបស់សហគមន៍ជនជាតិខ្មែរ ត្រូវបានសមាគមអនុវត្តល្អ។ រៀងរាល់ឆ្នាំ សមាគមបានសហការជាមួយក្រុងរៀបចំពិធីបុណ្យជាច្រើន ទៅតាមទំនៀមទម្លាប់ ជំនឿសាសនា ជំនឿប្រជាប្រិយ និងពិធីកិច្ចរបស់និកាយផ្សេងៗ។ ស្របក្នុងឱកាសនេះ មាមីងខ្មែររំភើបរីករាយចូលរួម ច្រៀងរាំសិល្បៈប្រជាប្រិយ ប្រគំភ្លេងប្រពៃណីនៅតាមវត្តអារាម ដាក់តាំងបង្ហាញនូវឧបករណ៍ប្រើប្រាស់មួយចំនួននិងឧបករណ៍ពលកម្ម ប្រជុំជីវភាព និងចំណីអាហារប្រពៃណីជាដើម។ ក្រៅពីនោះ ជនរួមជាតិខ្មែរក៏ព្រួតដៃជាមួយផ្នែកវប្បធម៌កឹងធើ ថែរក្សា អភិរក្សនិងពង្រីកបេតិកភណ្ឌវប្បធម៌ជនជាតិក្នុងឱកាសបុណ្យទាន ចូលរួមសម្ដែងបង្ហាញក្នុងពិធីបុណ្យ “សម្រស់និទាឃរដូវតំបន់ស្រែចម្ការ” នៅសារមន្ទីរកឹងធើនិងប្រគល់ជូនវត្ថុតាំង ឯកសាររូបភាពដល់សារមន្ទីរបម្រើការដាក់តាំងពិព័រណ៍។ល។

បងយ័ញតាយ មានក្ដីសោមន្សរីករាយក្រៃលែង ខណៈពេលបានក្លាយជាសមាជិក
ក្រុមកីឡាករទូក-ងខ្នាតតូចរបស់វិទ្យាស្ថានពុទ្ធសាសនាខ្មែរ។

ព្រះតេជព្រះគុណបណ្ឌិត លីហុង មានថេរដី កាបន្ថែម៖ “ដោយបានការយកចិត្តទុកដាក់របស់បក្សនិងរដ្ឋ ឆ្នាំកន្លង ក្រុងបានប្រគេនទូក-ង ១ គ្រឿងដល់វត្តសេតុត្តរ នៅស្រុកកើ-ដ និងទូក-ងខ្នាតតូច ៦ គ្រឿងដល់វត្តចំនួន ៥ និងវិទ្យាស្ថានពុទ្ធសាសនាខ្មែរ។ នេះជាប្រភពកម្លាំងដ៏សំខាន់ ដើម្បីស្ដារឡើងវិញ អភិរក្សនិងពង្រីកវិញ្ញាសាកីឡាប្រពៃណីប្រណាំងទូក-ងរបស់ភូមិភាគ រួមចំណែកអភិរក្ស និងពង្រីកពិធីបុណ្យអកអំបុករបស់ក្រុងកឹងធើ”។

ផ្ដើមពីការយកចិត្តទុកដាក់វិនិយោគរបស់ក្រុង សមាគមព្រះសង្ឃសាមគ្គីស្នេហាជាតិក្រុងកឹងធើ បានសហការរៀបចំពិធីប្រណាំងទូក-ងខ្នាត តូច២លើកនៅដងព្រែកអូរម៉ូង។ បងយ័ញតាយ នៅសង្កាត់ភឿកថើយ ខ័ណ្ឌអូរម៉ូង ឱ្យដឹង៖ “បងប្អូនក្នុងភូមិឃើញប្រណាំងទូក-ង គឺចូលចិត្តខ្លាំងណាស់ ប៉ុន្តែមិនទាន់មានឱកាសហាត់សមដើម្បីចូលរួមអុំប្រណាំង។ ចាប់តាំងពីបានក្រុងវិនិយោគទូក-ងខ្នាតតូច យើងខ្ញុំបានហ្វឹកហាត់យ៉ាងសប្បាយ រីករាយ ដោយសង្ឃឹមថា ផ្ដើមពីការប្រណាំងទូក-ង ខ្នាតតូចបែបនេះ យើងអាចប្រមូលផ្ដុំគ្នាជាក្រុមធំ ដើម្បីចូលរួមក្នុងពិធីប្រណាំងថ្នាក់តំបន់។ ខ្ញុំគិតថា នេះក៏ជាវិធីសម្រាប់ខ្ញុំរួមចំណែកអភិរក្សវប្បធម៌ខ្មែរផងដែរ”៕

ហាថាញ - ថាច់ធី

ចែករំលែកអត្ថបទ

ពាក្យគន្លឹះ