គោលនយោបាយ -ការរស់នៅ គោលនយោបាយ

03/12/2024 - 09:53

ទិវាបុណ្យមហាសាមគ្គីប្រកបដោយភាពសប្បាយរីករាយនិងកក់ក្ដៅ

ឃុំទ្រុងថាញ់ ស្រុកវ៉ុងលីម ខេត្តវិញឡុង ទើបរៀបចំជោគជ័យទិវាបុណ្យមហាសាមគ្គីទូទាំងជនជាតិនៅមណ្ឌលតាំងទីលំនៅភូមិទ្រុងត្រាច ស្របក្នុងឱកាសខួបអនុស្សាវរីយ៍ទិវាប្រពៃណីរណសិរ្សមាតុភូមិវៀតណាម (ថ្ងៃ១៨ ខែវិច្ឆិកា)។

 សកម្មភាពជូនរង្វាន់ និងសម្ដែងសិល្បៈអំណរទិវាបុណ្យ។

ទិវាបុណ្យមហាសាមគ្គីទូទាំងជនជាតិនៅមណ្ឌលតាំងទីលំនៅភូមិទ្រុងត្រាច (ហៅកាត់ថា ទិវាបុណ្យ) បានទាក់ទាញប្រជាជនលើភូមិសាស្រ្តចូលរួមយ៉ាងច្រើនកុះករ។ តាមប្រសាសន៍លោកស្រី ត្រឹងធូជុង ប្រធានគណៈកម្មាធិការរណសិរ្សមាតុភូមិវៀតណាមឃុំទ្រុងថាញ់ ទិវាបុណ្យសំដៅពង្រីកកម្លាំងមហាសាមគ្គី ពង្រឹងទំនុកចិត្តក្នុងប្រជាជនគ្រប់ជាន់ស្រទាប់។ ផ្អែកលើមូលដ្ឋានឯកសារណែនាំរបស់មជ្ឈិម និងគណៈប្រចាំការនៃគណៈកម្មាធិការរណសិរ្សមាតុភូមិ គ្រប់លំដាប់ថ្នាក់ក្នុងខេត្ត ទិវាបុណ្យបានរៀបចំឡើងស្របជាមួយនឹងលក្ខណៈជាក់ស្តែងនៅភូមិភាគ បង្កបរិយាកាសសប្បាយរីករាយក្នុងប្រជាជន។ នេះគឺជាព្រឹត្តិការណ៍មានអត្ថន័យដ៏សំខាន់ បានរៀបចំឡើងជារៀងរាល់ឆ្នាំ ដើម្បីស្តារឡើងវិញនូវប្រវេណីសាមគ្គី ផ្សារភ្ជាប់របស់សហគមន៍ និងលើកទឹកចិត្តស្មារតីសាមគ្គីរវាងប្រជាជនគ្រប់ជាន់ស្រទាប់។

ទិវាបុណ្យនៅភូមិទ្រុងត្រាច បានទាក់ទាញប្រជាជនចូលរួមយ៉ាងច្រើនកុះករ។ ក្នុងនោះ មានចាស់ព្រឹទ្ធាចារ្យ អ្នកមុខអ្នកការសាសនានិងសាសនិកជន។ល។ លោកយាយ ប៉ូយធីម៉ាញ់ អាយុ៨៧ឆ្នាំនៅភូមិទ្រុងត្រាច ជាសមាជិកសមាគមអតីតយុទ្ធជនឃុំ សមាជិកសមាគមមនុស្សចាស់ ឱ្យដឹង៖ “ឆ្នាំណាសុខភាពល្អ ខ្ញុំតែងមកចូលរួមទិវាបុណ្យ ដើម្បីបង្ហាញពីស្មារតីសាមគ្គី។ ពេលចូលរួមម្តងៗ ខ្ញុំបានស្តាប់ថ្នាក់ដឹកនាំឃុំ ស្រុកនិងខេត្ត លើកឡើងអំពីការអភិវឌ្ឍរបស់ភូមិស្រុក ខ្ញុំមានក្តីត្រេកអរក្រៃលែង សង្ឃឹមថាកូនចៅកសាងភូមិស្រុក ប្រទេសជាតិឱ្យកាន់តែសម្បូររុងរឿងពីមួយថ្ងៃទៅមួយថ្ងៃ”។

តាមប្រសាសន៍លោកស្រី ត្រឹងធូជុង ចំណុចលេចធ្លោក្នុងទិវាបុណ្យ គឺការឧទ្ទេសនាមនិងពង្រីកគំរូលេចធ្លោ ទង្វើល្អៗនិងវិធានការច្នៃប្រតិដ្ឋក្នុងការអនុវត្តការឃោសនា ចលនាប្រឡងប្រណាំងស្នេហាជាតិនៅភូមិភាគ គំរូមនុស្សល្អ ការងារល្អ និងសមូហភាព បុគ្គលគំរូលេចធ្លោ ដែលបានរួមចំណែកច្រើនក្នុងការកសាងភូមិស្រុក ប្រទេសជាតិ។ ផ្តើមពីអត្ថន័យជាក់ស្តែងនេះ ទិវាបុណ្យនៅភូមិទ្រុងត្រាច មិនត្រឹមតែបង្កបរិយាកាសសប្បាយរីករាយនៃពិធីបុណ្យប៉ុណ្ណោះទេ ថែមទាំងមានពិធីកិច្ចដ៏ថ្លៃថ្លាផងដែរ។ មានបុគ្គលគំរូលេចធ្លោជាច្រើនបានទទួលលិខិតសរសើរ ប័ណ្ណសរសើរ។ល។ របស់រដ្ឋអំណាចគ្រប់លំដាប់ថ្នាក់។ នេះជាកម្លាំងចលករ ដើម្បីសមូហភាព បុគ្គលផ្សេងៗទៀតខិតខំប្រឹងប្រែង បង្កភាពសុសសាយក្នុងសហគមន៍ប្រជាជន។ បងស្រី សើុងធីង៉ុកហឿង នៅភូមិទ្រុងត្រាច ឱ្យដឹង៖ “នៅភូមិ ខ្ញុំមានជនរួមជាតិខ្មែររស់នៅលាយឡំគ្នាជាមួយនឹងជនជាតិដទៃទៀត ម្ល៉ោះហើយទិវាបុណ្យជាកន្លែងដោះដូរវប្បធម៌ ចែករំលែកការលំបាក ដើម្បីរួមកម្លាំងគ្នាកសាងភូមិស្រុកកាន់តែរីកចម្រើន។ ទិវាបុណ្យកន្លងផុតទៅម្តងៗ ខ្ញុំនិងគ្រួសាររៀនសូត្របានច្រើនពីគំរូលេចធ្លោអំពីរបៀបចិញ្ចឹមកូនរៀនសូត្រ របៀបកែប្រែចម្ការចាស់។ល។ ដែលជាគំរូល្អៗនិងជាក់ស្តែងនៅលើភូមិសាស្រ្ត សមស្របនឹងលក្ខណៈគ្រួសារយើង”៕

ហាថាញ-វិមាន

ចែករំលែកអត្ថបទ

ពាក្យគន្លឹះ