ព្រឹត្តិការណ៍ - នយោបាយ ព្រឹត្តិការណ៍

18/11/2025 - 20:48

លោកប្រធានរដ្ឋ លឿងកឿង៖

ផ្លាស់ថ្មីនិងលើកកម្ពស់គុណភាពអប់រំមានអត្ថន័យដ៏សំខាន់

ព្រឹកថ្ងៃទី១៧ ខែវិច្ឆិកា នៅមហាវិទ្យាល័យគរុកោសល្យហាណូយ លោកប្រធានរដ្ឋ លឿងកឿង បានអញ្ជើញចូលរួមពិធីខួបអនុស្សាវរីយ៍ទិវាគ្រូបង្រៀនវៀតណាម (២០-១១) និងមហាសន្និបាតប្រឡងប្រណាំងស្នេហាជាតិរបស់ផ្នែកអប់រំ លើកទី VIII។

លោកប្រធានរដ្ឋ លឿងកឿង មានប្រសាសន៍ចង្អុលការនិងអបអរសាទរដល់លោកគ្រូ អ្នកគ្រូ ក្នុងឱកាសទិវាគ្រូបង្រៀនវៀតណាម (២០-១១)។ រូបថត៖ VGP/ធូត្រាង

ថ្លែងសុន្ទរកថាបើកពិធី រដ្ឋមន្ត្រីក្រសួងអប់រំនិងបណ្តុះបណ្តាល ង្វៀងគីមស៊ើង បានលើកឡើងថា ឆ្លងកាត់៨០ឆ្នាំនៃការខិតខំវិវឌ្ឍន៍ខ្លួន រួមចំណែកអភិវឌ្ឍប្រទេសជាតិ ពិសេសក្នុងរយៈពេល៥ឆ្នាំកន្លង ផ្នែកអប់រំបានជំរុញការផ្សព្វផ្សាយអនុវត្តនូវសេចក្ដីសម្រេចរបស់បក្ស និងធ្វើឱ្យសុក្រឹតនូវគោលនយោបាយថ្មីៗជាច្រើនដែលមានលក្ខណៈលោតផ្លោះ ដោយមានការខិតខំប្រឹងប្រែងនិងប្ដេជ្ញាចូលរួមក្នុងចលនាប្រឡងប្រណាំងធ្វើតាមដំបូន្មានអ៊ំ។ មានគំរូឆ្នើមៗជាច្រើនរបស់ផ្នែកអប់រំ នោះគឺសមូហភាពនិងបុគ្គលជាច្រើនដែលសម្រេចបានស្នាដៃលេចធ្លោឆ្នើម ហើយបានទទួលស្គាល់តាមរយៈការចលនាប្រឡងប្រណាំងស្នេហាជាតិ មានឥទ្ធិពលជាវិជ្ជមាន រីកសាយភាយយ៉ាងទូលំទូលាយក្នុងសហគមន៍និងសង្គម។

របាយការណ៍អំពីលទ្ធផលនៃចលនាប្រឡងប្រណាំងស្នេហាជាតិ និងការងារស្ងើចសរសើរនិងជូនរង្វាន់ ដំណាក់កាល ២០២០-២០២៥ និងទិសដៅ ភារកិច្ចនៃការងារប្រឡងប្រណាំង ស្ងើចសរសើរនិងជូនរង្វាន់ ដំណាក់កាល ២០២៥-២០៣០ របស់ក្រសួងអប់រំនិងបណ្តុះបណ្តាល បច្ចុប្បន្ន ទូទាំងផ្នែកអប់រំមានសិស្ស និស្សិតប្រមាណ ២៧ លាននាក់ ហើយមានប្រព័ន្ធគ្រឹះស្ថានអប់រំនិងបណ្តុះបណ្តាលចំនួន ៦២.៨៣៩ គ្របដណ្តប់ទូទាំងប្រទេស។ ផ្នែកអប់រំសម្រេចបានលទ្ធផលសំខាន់ៗជាច្រើននិងលើកកម្ពស់គុណភាពក្នុងការបំប៉ន ថែទាំនិងអប់រំកុមារមត្តេយ្យ។ គិតត្រឹមខែសីហា ឆ្នាំ២០២៥នេះ ខេត្ត ក្រុងទាំង១០០% បានបន្តរក្សានិងសម្រេចស្ដង់ដារឧភាសកម្មអប់រំបឋមសិក្សា អនុវិទ្យាល័យ ក្នុងនោះ មានខេត្ត ក្រុង៦៤% បានទទួលស្គាល់សម្រេចស្ដង់ដារអប់រំបឋមសិក្សា កម្រិត ៣។ អត្រានៃការធ្វើឱ្យរឹងមាំប្រព័ន្ធសាលារៀន ឆ្នាំ ២០២៤ សម្រាប់ថ្នាក់មត្តេយ្យសម្រេច ៨៤,៧%; បឋមសិក្សាសម្រេច ៨៦,៥%; អនុវិទ្យាល័យសម្រេច៩៥,៤%; និងវិទ្យាល័យសម្រេច ៩៧,៣%។

ការផ្លាស់ថ្មីរូបភាព វិធីសាស្ត្រប្រឡង ពិនិត្យវាយតម្លៃលទ្ធផលអប់រំនិងបណ្តុះបណ្តាល បានអនុវត្តនៅគ្រប់កម្រិតសិក្សា តាមទិសដៅសហការវាយតម្លៃដំណាក់ការសិក្សាជាមួយការវាយតម្លៃបូកសរុប ការវាយតម្លៃដោយខ្លួនឯងជាមួយការវាយតម្លៃរបស់សាលារបស់គ្រួសារនិងសង្គម។ បច្ចុប្បន្ន ទូទាំងប្រទេសមានគ្រឹះស្ថានអប់រំមហាវិទ្យាល័យចំនួន១៩៧ និងមហាវិទ្យាល័យគរុកោសល្យចំនួន១១ បានទទួលស្គាល់សម្រេចបទដ្ឋានគុណភាពអប់រំតាមស្ដង់ដារជាតិ; មានគ្រឹះស្ថានអប់រំមហាវិទ្យាល័យចំនួន១២ បានវាយតម្លៃផ្សេងតាមស្ដង់ដារអន្តរជាតិ។ កម្មវិធីបណ្ដុះបណ្ដាលចំនួន២.៤៥១ បានត្រួតពិនិត្យគុណភាពតាមស្ដង់ដារជាតិ ហើយមានកម្មវិធីបណ្ដុះបណ្ដាលចំនួន៦៧០ បានត្រួតពិនិត្យតាមស្ដង់ដារអន្តរជាតិ…។

ក្នុងពិធីនេះដែរ តំណាងអង្គភាពនានានិងបុគ្គលគំរូ បានចែករំលែកនូវលទ្ធផល មេរៀនល្អៗ បទពិសោធន៍ក្នុងការប្រឡងប្រណាំងស្នេហាជាតិ ផ្លាស់ថ្មីច្នៃប្រតិដ្ឋក្នុងដំណាក់ការបង្រៀន និងសិក្សា…។

មានប្រសាសន៍ក្នុងពិធីនេះ លោកប្រធានរដ្ឋ លឿងកឿង បានបញ្ជាក់ច្បាស់ ឆ្លងកាត់៨០ឆ្នាំ រាប់ចាប់តាំងពីបង្កើតប្រទេសវៀតណាមសាធារណរដ្ឋប្រជាធិបតេយ្យ វិស័យអប់រំបានរួមដំណើរជាមួយប្រជាជន ប្រជាជាតិ និងប្រវត្តិសាស្ត្រប្រទេសជាតិជានិច្ច។ ជំនួសមុខថ្នាក់ដឹកនាំបក្ស រដ្ឋ លោកប្រធានរដ្ឋ បានកត់សម្គាល់ វាយតម្លៃខ្ពស់និងស្ងើចសរសើរចំពោះបុគ្គលគំរូជាង ៣០០នាក់ដែលតំណាងឱ្យគ្រូបង្រៀន និងកម្មាភិបាលគ្រប់គ្រងវិស័យអប់រំរាប់លាននាក់ដែលចូលរួមពិធីនេះ; អបអរសាទរនិងកត់សម្គាល់ចំពោះសគុណរបស់គ្រូបង្រៀនដែលបានប្រទានកិត្តិនាម វីរពលកម្ម យុទ្ធជនប្រឡងប្រណាំងទូទាំងប្រទេស គ្រូបង្រៀនប្រជាជននិងគ្រូបង្រៀនឆ្នើម។ ពួកគាត់គឺជាបុគ្គលគំរូក្នុងរាល់ការចលនាប្រឡងប្រណាំង អស់ពីចិត្តចំពោះអាជីព ស្រឡាញ់សិស្ស មានសមត្ថភាពគរុកោសល្យល្អ ហើយបានសិស្ស មិត្តរួមការងារ និងប្រជាជនគោរពស្រឡាញ់។

ដោយស្មារតីសាមគ្គី ច្នៃប្រតិដ្ឋនិងផ្លាស់ថ្មី លោកប្រធានរដ្ឋ បានស្នើផ្នែកអប់រំ បន្តបញ្ជ្រាបកាន់តែស៊ីជម្រៅអំពីគោលមាគ៌ា គោលការណ៍ ទស្សនៈរបស់បក្ស និងឧត្តមគតិហូជីមិញ អំពីអប់រំនិងបណ្តុះបណ្តាល ហើយថ្មីៗនេះគឺសេចក្ដីសម្រេចចិត្តលេខ ៧១-NQ/TW របស់ការិយាល័យនយោបាយ ស្ដីពីភាពលោតផ្លោះក្នុងការអភិវឌ្ឍអប់រំនិងបណ្តុះបណ្តាល; ផ្តុំកម្លាំងធ្វើឱ្យសុក្រឹតនូវសេចក្ដីកំណត់របស់ច្បាប់ដើម្បីដោះស្រាយឱ្យទាន់ពេលវេលានូវចំណុចរាំងស្ទះ ភាពស្មុគស្មាញនៃបែបបទ យន្តការ គោលនយោបាយ; ជំរុញការផ្លាស់ថ្មី ច្នៃប្រតិដ្ឋនិងស្ថាបនាក្នុងការអភិវឌ្ឍអប់រំនិងបណ្តុះបណ្តាល។ ផ្នែកអប់រំ បានជំរុញការធ្វើវិមជ្ឈការនិងវិសហមជ្ឈការ ផ្សារភ្ជាប់ជាមួយនឹងការផ្ទេរផ្តល់ប្រភពធនធាន បង្កើនភាពម្ចាស់ការនិងការទទួលខុសត្រូវដោយផ្ទាល់របស់គ្រឹះស្ថានអប់រំ រួមនឹងការត្រួតពិនិត្យ តាមដានប្រសិទ្ធភាព; កសាងប្រព័ន្ធអប់រំបើកទូលាយ តជាប់គ្នា ជំរុញការសិក្សាពេញមួយជីវិតនិងកសាងសង្គមរៀនសូត្រ។

លោកប្រធានរដ្ឋ បានសំណូមពរធ្វើឱ្យទំនើបកម្មនិងលើកកម្ពស់គុណភាពអប់រំមហាវិទ្យាល័យ បង្កភាពលោតផ្លោះក្នុងការអភិវឌ្ឍធនធានមនុស្សមានចំណេះដឹងខ្ពស់និងបញ្ញវន្ត ដឹកនាំការសិក្សាស្រាវជ្រាវនិងផ្លាស់ថ្មីច្នៃប្រតិដ្ឋ។ ផ្សព្វផ្សាយអនុវត្តរចនាសម្ព័ន្ធគ្រឹះស្ថានអប់រំមហាវិទ្យាល័យឡើងវិញ; រួមបញ្ចូលឬបិទដំណើរការចំពោះគ្រឹះស្ថានអប់រំមហាវិទ្យាល័យដែលមិនសម្រេចស្តង់ដារ; សម្រេចលុបចោលកម្រិតអន្តរការ ដើម្បីធានាការគ្រប់គ្រងសម្រិតសម្រាំង ឯកភាព ប្រសិទ្ធភាព។ វិនិយោគធ្វើឱ្យទាន់សម័យហេដ្ឋារចនាសម្ព័ន្ធបច្ចេកទេស បើកទូលាយបរិយាកាសសម្រាប់ការអភិវឌ្ឍ ដើម្បីឱ្យគ្រឹះស្ថានអប់រំមហាវិទ្យាល័យអនុវត្តមានប្រសិទ្ធភាព; បង្កើនការច្នៃប្រតិដ្ឋក្នុងកម្មវិធីបណ្ដុះបណ្ដាលតាមស្តង់ដារអន្តរជាតិ; ភ្ជាប់ជាមួយនឹងសកម្មភាពបណ្តុះបណ្តាលលើការសិក្សាស្រាវជ្រាវ អភិវឌ្ឍវិទ្យាសាស្ត្រ បច្ចេកវិទ្យា ផ្លាស់ថ្មីច្នៃប្រតិដ្ឋ និងផ្លាស់ប្ដូរឌីជីថលជាតិ។

ស្របក្នុងឱកាសនេះ រដ្ឋមន្ត្រីក្រសួងអប់រំនិងបណ្តុះបណ្តាល ង្វៀងកីមស៊ើង បានសម្រេចផ្ដល់ជូនទង់ប្រឡងប្រណាំងដល់សមូហភាពចំនួន១១ ប័ណ្ណសរសើរដល់សមូហភាពចំនួន១៤១ និងបុគ្គល១៧៤នាក់ ដែលមានស្នាដៃឆ្នើមក្នុងចលនាប្រឡងប្រណាំង “ផ្លាស់ថ្មីច្នៃប្រតិដ្ឋក្នុងការគ្រប់គ្រង បង្រៀន និងសិក្សា” ដំណាក់កាល ២០២០-២០២៥៕

វាណាម (TTXVN) - ពេជ្រសឿន

ចែករំលែកអត្ថបទ

ពាក្យគន្លឹះ