មហាសាមគ្គីជនជាតិ ភូមិស្រុកផ្លាស់ថ្មី

20/05/2024 - 15:30

តឹងសើុងផ្លាស់ប្តូរមុខមាត់

មុននេះឃុំតឹងសើុង ស្រុកថ្កូវ ខេត្តត្រាវិញ ជាឃុំលំបាក មានជនជាតិខ្មែររស់នៅច្រើនកុះករ។ ដោយការអនុវត្តកម្មវិធីទិសដៅជាតិកសាងជនបទថ្មីនិងកម្មវិធី គម្រោងផ្សេងៗទៀត ឃើញថាជីវភាពប្រជាជនត្រូវបានលើកកម្ពស់ពីមួយថ្ងៃទៅមួយថ្ងៃ។

អាស្រ័យដោយការកសាងជនបទថ្មី ទើបផ្លូវជនបទនៅភូមិបឹង ត្រូវបានវិនិយោគ
កសាងធំទូលាយ ប្រជាជនសាទររីករាយ។

នៅតឹងសើុងភាពផ្លាស់ប្តូរធំបំផុតនោះ គឺហេដ្ឋារចនាសម្ព័ន្ធត្រូវបានវិនិយោគព្រមៗគ្នា ដូច្នេះងាយស្រួលដល់ប្រជាជនអភិវឌ្ឍន៍សេដ្ឋកិច្ច។ ទន្ទឹមនឹងគោលនយោបាយ ឧបត្ថម្ភរបស់រដ្ឋ បានរួមចំណែកលើកកម្ពស់ជីវភាពសម្ភារៈនិងស្មារតីរបស់ប្រជាជននៅទីនេះនិយាយរួម និងជនរួមជាតិខ្មែរនិយាយដោយឡែក។ ពិសេស ទម្រង់កាត់បន្ថយភាពក្រីក្រ បានជួយមាមីងផ្លាស់ប្តូររបៀបគិត របៀបធ្វើ ហ៊ានវិនិយោគក្នុងការផលិត អនុវត្តវិទ្យាសាស្ត្របច្ចេកវិទ្យារចនាសម្ព័ន្ធក្នុងរដូវកាល ធ្វើពិពិធកម្មដំណាំដាំដុះ ចិញ្ចឹមសត្វ បង្កើនទិន្នផលសម្រេចប្រសិទ្ធភាពសេដ្ឋកិច្ចខ្ពស់។

លោកគឹមសឹង នៅភូមិដូងជ្រំ ឱ្យដឹង៖ “ប៉ុន្មានឆ្នាំមកនេះ អាស្រ័យមានកម្មវិធីកសាងជនបទថ្មី ទើបផ្លូវជនបទនៅទីនេះបានកសាងរួចរាល់ រដ្ឋចលនាប្រជាជនបង្វែររចនាសម្ព័ន្ធផលិតកម្ម មានប្រសិទ្ធភាព ដូច្នេះជីវភាពប្រជាជនគ្រាន់បើឡើងពីមួយថ្ងៃទៅមួយថ្ងៃ។ កសិករមិនអល់អែកក្នុងការអនុវត្តវិទ្យាសាស្ត្របច្ចេកវិទ្យាក្នុងការដាំដំណាំ មានដូច៖ ឪឡឹក ត្រសក់ ម្ទេស ម្រះ សណ្ដែកដីជាដើម។ សូម្បីតែរដូវវស្សាក៏ដាំដោយការប្រើផ្ទាំងកម្រាលកសិកម្ម មិនត្រឹមតែផ្តល់ទិន្នផលខ្ពស់ប៉ុណ្ណោះទេ ថែមទាំងលក់បានតម្លៃខ្ពស់ទៀតផង។ រដូវដំណាំកន្លងហើយ គ្រួសារខ្ញុំដាំឪឡឹក៤កុង ឈ្មួញទិញក្នុងតម្លៃ ៥.០០០ ដុងក្នុង ១ គីឡូក្រាម ក្រោយពីផាត់ទាត់រួចរាល់ចំណេញជាង ២០ លានដុង” ។

លោក ត្រឹងវ៉ាន់ដុង ប្រធានគណៈកម្មាធិការប្រជាជនឃុំតឹងសើុង ឱ្យដឹង៖ “ឃុំតឹងសើុង បានដូចសព្វថ្ងៃនេះ គឺអាស្រ័យដោយការខិតខំប្រឹងប្រែងរបស់បក្ខភាគ រដ្ឋអំណាចនិងប្រជាជន។ ប៉ុន្តែសំខាន់ជាងនេះ គឺក្រៅពីកម្មវិធីទិសដៅជាតិកសាងជនបទថ្មី ឃុំនៅទាំងប្រើប្រាស់ប្រភពទុនបានល្អ ជាក់ស្ដែងគឺទុនអភិវឌ្ឍសេដ្ឋកិច្ច-សង្គមតំបន់ជនជាតិភាគតិចនិងតំបន់ភ្នំ ដំណាក់កាលឆ្នាំ ២០២១-២០៣០ ដំណាក់កាល I ពីឆ្នាំ ២០២១ ដល់ឆ្នាំ ២០២៥ យោងតាមសេចក្តីសម្រេចលេខ ១៧១៩/QĐ-TTg របស់នាយករដ្ឋមន្ត្រីនៃរដ្ឋាភិបាល បានរួមចំណែកក្នុងការលុបបំបាត់ភាពក្រីក្រនៅតំបន់ជនរួមខ្មែររស់នៅ។ បច្ចុប្បន្ន ឃុំសម្រេចបទដ្ឋានឃុំជនបទថ្មី អត្រាគ្រួសារក្រីក្រនៅត្រឹមតែ ១,៤៤%; ប្រាក់ចំណូលមធ្យមសម្រាប់មនុស្សម្នាក់សម្រេច ៥៦,២ លានដុង/ម្នាក់/ឆ្នាំ។ ឃុំកំពុងខិតខំប្រឹងប្រែងកសាងសម្រេចឃុំជនបទថ្មីកម្រិតខ្ពស់ នៅចុងឆ្នាំ ២០២៤ នេះ។ ក្រៅពីនេះជាមួយនឹងគោលលំនាំ “រដ្ឋនិងប្រជាជនរួមគ្នាធ្វើ” មាមីងក្នុងឃុំថែមទាំងសកម្មចូលរួមបរិច្ចាគដី ដើមឈើនិងដំណាំសម្រាប់កសាងផ្លូវជនបទ បង្កលក្ខណៈងាយស្រួលក្នុងការធ្វើដំណើរទៅមក និងអភិវឌ្ឍសេដ្ឋកិច្ច-សង្គមនៅភូមិភាគ៕

សឺនម៉ាល័យ-ទីទុយ

ចែករំលែកអត្ថបទ

ពាក្យគន្លឹះ