ព្រឹត្តិការណ៍ - នយោបាយ ព្រឹត្តិការណ៍

29/01/2024 - 17:22

នាយកដ្ឋានអភិវឌ្ឍន៍ ក្រសួងការពារជាតិកម្ពុជា អញ្ជើញមកទស្សនកិច្ចនិងប្រសិទ្ធពរបុណ្យចូលឆ្នាំថ្មីវៀតណាម ដល់ថ្នាក់ដឹកនាំខេត្តសុកត្រាំង

គណៈប្រតិភូនាយកដ្ឋានអភិវឌ្ឍន៍ ក្រសួងការពារជាតិកម្ពុជា ដឹកនាំដោយលោកឧត្តមសេនីយ៍ទោ អ៊ុក ហឿនពិសី នាយកនៃនាយកដ្ឋានអភិវឌ្ឍន៍ ក្រសួងការពារជាតិកម្ពុជា ទើបអញ្ជើញមកទស្សនកិច្ច និងប្រសិទ្ធពរបុណ្យចូលឆ្នាំថ្មីវៀតណាមដល់ថ្នាក់ដឹកនាំខេត្តសុកត្រាំង។

គណៈប្រតិភូនាយកដ្ឋានអភិវឌ្ឍន៍ ក្រសួងការពារជាតិកម្ពុជា ថតរូបអនុស្សាវរីយ៍ជា
មួយថ្នាក់ដឹកនាំខេត្តសុកត្រាំង។

លោកឧត្តមសេនីយ៍ទោ អ៊ុក ហឿនពិសី បានប្រសិទ្ធពរដល់បណ្តាសមមិត្តថ្នាក់ដឹកនាំគណៈកម្មាធិការបក្សខេត្ត ក្រុមប្រឹក្សាប្រជាជនខេត្ត គណៈកម្មាធិការប្រជាជនខេត្ត កងកម្លាំងប្រដាប់អាវុធប្រជាជន និងប្រជាជនខេត្តសុកត្រាំង ទទួលអំណរឆ្នាំថ្មីប្រកបដោយភាពសប្បាយរីករាយ វិបុលសុខគ្រប់ប្រការនិងជោគជ័យគ្រប់ភារកិច្ច ដែលបក្ស រដ្ឋ និងប្រជាជនប្រគល់ឱ្យអបអរសាទរខេត្តសុកត្រាំង បន្តសម្រេចបានលទ្ធផលល្អប្រសើរជាងទៀតក្នុងការអភិវឌ្ឍសេដ្ឋកិច្ច-សង្គម ការពារប្រទេសសន្តិសុខ។ លោកឧត្តមសេនីយ៍ទោ អ៊ុក ហឿនពិសី បានផ្តល់ដំណឹងថា ដោយការជួយជ្រោមជ្រែងពីខេត្តសុកត្រាំង ទើបស្ថានភាពសកម្មភាពរបស់នាយកដ្ឋានអភិវឌ្ឍន៍ មានភាពងាយស្រួលនិងសម្រេចល្អភារកិច្ចដែលប្រគល់ឱ្យ។

ក្នុងឱកាសទទួលស្វាគមន៍គណៈប្រតិភូ សមមិត្ត វឿងក្វឹកណាម អនុប្រធានគណៈកម្មាធិការប្រជាជនខេត្តសុកត្រាំង បានថ្លែងអំណរគុណចំពោះគណៈប្រតិភូដែលបានអញ្ជើញមកទស្សនកិច្ច និងប្រសិទ្ធពរបុណ្យចូលឆ្នាំថ្មីវៀតណាមដល់ថ្នាក់ដឹកនាំខេត្ត។ សមមិត្ត បានបញ្ជាក់ថា ដំណើរទស្សនកិច្ចរបស់គណៈប្រតិភូបានរួមចំណែកយ៉ាងសំខាន់ ធ្វើឱ្យចំណងមិត្តភាពជាប្រពៃណីដ៏ល្អប្រសើររវាងខេត្តសុកត្រាំងនិងនាយកដ្ឋានអភិវឌ្ឍន៍ កាន់តែជិតស្និទ្ធនិងអភិវឌ្ឍន៍រឹងមាំជាងទៀតលើគ្រប់វិស័យ៕

យ្វីអាញ-មុនី

ចែករំលែកអត្ថបទ

ពាក្យគន្លឹះ