មហាសាមគ្គីជនជាតិ គំរូក្នុងសហគមន៍

09/10/2023 - 16:06

បងយ័ញវ៉ាន់សាញ់ ជម្នះលំបាកឈានឡើងក្នុងជីវភាព

គ្រួសារបងយ័ញវ៉ាន់សាញ់ នៅសង្កាត់អាងហ្វា ខណ្ឌនិញកេវ ក្រុងកឹងធើ ជួបការលំបាកខ្លាំង ពីព្រោះរស់នៅក្នុងក្រុង ប៉ុន្តែគ្មានមុខរបរលំនឹង។ ចាប់តាំងពីបើកហាងលក់ភេសជ្ជៈនិងចំណីអាហារ ឃើញថា ជីវភាពគ្រួសារកាន់តែរីកចម្រើនពីមួយថ្ងៃទៅមួយថ្ងៃ។

បងសាញ់ រៀបរាប់៖ “គ្រាដែលលំបាកខ្លាំង មាមីងនៅមណ្ឌលជួលធ្វើការងារអ្វី ខ្ញុំក៏ធ្វើទាំងអស់មិនក្រែងរអែងថាការងារនោះលំបាកលំបិនអីទេ ឱ្យតែមានប្រាក់សម្រាប់ផ្គត់ផ្គង់ជីវភាពគ្រួសារ។ ដោយយល់ឃើញថា ធ្វើការឈ្នួលជានិច្ចក៏មិនស្រួល ទើបប្តីប្រពន្ធខ្ញុំពិភាក្សាគ្នាបើកហាងលក់ភេសជ្ជៈនៅនឹងផ្ទះ ក្រោយមកក៏ទៅរៀនរបៀបចម្អិន ហើយបើកហាងបាយបន្ថែម”។ ដើម្បីប្រិតសំចៃក្នុងការចំណាយ ប្តីប្រពន្ធចំណាយកម្លាំងរកផលចំណេញ ដូច្នេះធ្វើគ្រប់កិច្ចការតាំងពីការងាររត់តុរហូតដល់លាងចានមិនជួលឈ្នួល។

ពេលកូនៗធំដឹងក្តី ក្រៅពីម៉ោងរៀនវាអាចជួយមើលលក់ដូរបាន បងសាញ់ក៏គិតដល់ការរៀនរបរ។ បងសាញ់ ឱ្យដឹង៖ “ចរិតខ្ញុំគិតវែងឆ្ងាយ ដោយយល់ឃើញថា ឥឡូវនេះ មានកន្លែងជួញដូរមានប្រាក់ចេញចូល ជីវភាពលំនឹង។ ប៉ុន្តែ បើលក់មិនបាន ជីវភាពនឹងកាន់តែដុនដាបជាងមុន”។ គិតឃើញគឺធ្វើភ្លាម បងសាញ់ រៀបចំទៅសុំរៀនរបរជាងដែក។ ឥឡូវ មានមុខរបរត្រឹមត្រូវ គាត់អាចគ្រប់គ្រងបានការប្រើប្រាស់និងសេសសល់ខ្លះទុកសម្រាប់គ្រួសារ។

បងយ័ញវ៉ាន់សាញ់។

ពេលគ្រួសារមានជីវភាពលំនឹង បងសាញ់តែងឆ្លៀតពេលទៅជួយមាមីងក្នុងមណ្ឌល ពិសេសគឺមាមីងជនរួមជាតិខ្មែរ។ ដោយឃើញគាត់ខ្នះខ្នែងជួយអ្នកទាំងឡាយអស់ពីចិត្តពីថ្លើម ម្ល៉ោះហើយ មាមីងបោះឆ្នោតជ្រើសរើសគាត់ ជាអ្នកមានប្រជាប្រិយក្នុងមណ្ឌល។ បងសាញ់ ឱ្យដឹង៖ “ពីមុន ខ្ញុំចង់ជួយឧបត្ថម្ភយ៉ាងណាគឺតាមតែខ្ញុំ ប៉ុន្តែពេលបានមាមីងជ្រើសរើសជាអ្នកមានប្រជាប្រិយ ដូច្នេះការទទួលខុសត្រូវរបស់ខ្ញុំគឺធំជាង”។

យោងតាមសម្តីបងសាញ់ ក្នុងដំណាក់ការអភិវឌ្ឍសេដ្ឋកិច្ចគ្រួសារ គាត់តែងទទួលបានការឧបត្ថម្ភពីរដ្ឋអំណាចភូមិភាគ។ ហេតុនេះ គាត់តែងឆ្លៀតពេលសិក្សាជ្រាវស្រាវពីគោលនយោបាយពិសេសដោយឡែករបស់រដ្ឋ ដើម្បីផ្សព្វផ្សាយដល់មាមីងជនរួមជាតិខ្មែរនៅក្នុងមណ្ឌល។ បងសាញ់ ឱ្យដឹង៖ “ផ្តើមពីបទពិសោធន៍របស់ខ្លួន ខ្ញុំយល់ឃើញថា ទន្ទឹមនឹងការឧបត្ថម្ភរបស់រដ្ឋ គ្រួសារនីមួយៗដែលជួបការលំបាក ត្រូវខិតខំប្រឹងប្រឹងពលកម្មផលិត ដើម្បីឈានឡើងក្នុងជីវភាព”។

ជាបុគ្គលមួយរូបត្រូវបានជ្រើសរើសថ្លែងការណ៍ក្នុងអង្គសិក្ខាសាលា “វិធានការអភិរក្ស ពង្រីកតម្លៃវប្បធម៌ភ្ជាប់ជាមួយនឹង “បង្កើតមុខរបរចិញ្ចឹមជីវិត” ប្រកបដោយចីរភាពជូនអ្នកក្រនិងជនរួមជាតិខ្មែរតំបន់វាលរាបទន្លេគឺវឡុង” អាស្រ័យដោយគណៈកម្មាធិការរណសិរ្សមាតុភូមិវៀតណាមក្រុងកឹងធើ ទើបរៀបចំក្នុងពេលថ្មីៗនេះ បងសាញ់ក៏បានស្នើទៅរដ្ឋ យកចិត្តទុកដាក់អភិវឌ្ឍជាងទៀតអំពីការអប់រំនិងបង្រៀនវិជ្ជាជីវៈដល់សិស្សជនជាតិ ដើម្បីលើកកម្ពស់ការយល់ដឹងរបស់ប្អូនៗក្នុងការអភិវឌ្ឍសេដ្ឋកិច្ចដោយខ្លួនឯង។ ពីព្រោះតាមសម្តីបងសាញ់ មានតែការសិក្សាទេ ទើបជាមូលដ្ឋានគ្រឹះសម្រាប់ការអភិវឌ្ឍលើគ្រប់វិស័យ៕

ហាថាញ-មុនី

ចែករំលែកអត្ថបទ

ពាក្យគន្លឹះ