កីឡា - ទេសចរណ៍ កីឡា

06/02/2023 - 14:55

ការផ្លាស់ប្តូរនៃកីឡាបាល់ទះនារីមុនរដូវកាលថ្មី

បាល់ទះនារីថ្នាក់ជាតិ តែងទាក់ទាញអ្នកគាំទ្រមិនថាក្នុងការប្រកួតអន្តរជាតិ ឬក្នុងប្រទេសនោះទេ។ ដូច្នេះការផ្លាស់ប្តូរមុនរដូវកាលនីមួយៗតែងធ្វើឱ្យអ្នកគាំទ្រចាប់អារម្មណ៍។

ការផ្លាស់ប្តូរដ៏ធំដំបូងគេ គឺក្រុមនៅភូមិភាគខាងលិច ពេលដែល VTV -ប៊ិញដៀងឡុងអាង បានប្រកាសផ្លាស់ប្តូរគ្រូបង្វឹក។ អ្នកដែលបានជ្រើសរើសជំនួសគ្រូបង្វឹក លឿងង្វៀងង៉ុកហៀង គឺអ្នកជំនួយការគ្រូបង្វឹក ឡេថាញប៊ិញ។ តាមពិតទៅគ្រូបង្វឹកថាញប៊ិញ ក៏មិនចម្លែកចំពោះអ្នកគាំទ្រទេ ព្រោះគាត់ធ្លាប់ជាអត្តពលិករបស់ VTV - ប៊ិញដៀងឡុងអាង ផ្នែកបាល់ទះបុរស។ បន្ទាប់ពីចូលនិវត្តន៍ លោកបានផ្លាស់ទៅធ្វើជំនួយការគ្រូបង្វឹកក្រុមយុវវ័យ ក្រុមបុរស និងក្រុមនារីប៊ិញដៀង ឡុងអាង រហូតមកដល់បច្ចុប្បន្ន។ ជាពិសេស គ្រូបង្វឹកឡេថាញប៊ិញ ក៏ជាស្វាមីរបស់អតីតកីឡាការិនីនៃក្រុមជម្រើសជាតិនិង VTV - ប៊ិញដៀង ឡុងអាង គឺកីឡាការិនី ង្វៀងធីង៉ុកហ្វា។ ដែលជាសមាជិកក្រុមឡុងអាងផងដែរ ប៉ុន្តែអ្នកគាំទ្រពិតជាព្រួយបារម្ភចំពោះតំណាងតែមួយគត់នៃភូមិភាគខាងលិច សម្រាប់ទីលានប្រកួតបាល់ទះធំបំផុតក្នុងប្រទេស មុនពេលចាប់ផ្តើមរដូវកាលឆ្នាំ ២០២៣។

អ្នកគាំទ្រធ្លាប់ចោទសួររឿងផ្លាស់ប្តូរគ្រូបង្វឹកក្រុម VTV - ប៊ិញដៀងឡុងអាង ដោយមូលហេតុគ្រូបង្វឹកង៉ុកហៀង បរាជ័យក្នុងការការពារមេដាយមាសក្នុងមហោស្រពកីឡាជាតិនាពេលថ្មីៗនេះ។ ប៉ុន្តែបើតាមថ្នាក់ដឹកនាំក្រុមបាល់ទះឡុងអាង នេះជាការសម្រេចតាមសំណូមពររបស់គ្រូបង្វឹកហៀង ព្រោះគាត់មានវ័យចាស់និងសុខភាពចុះខ្សោយ។ សូមរំលឹកថា ក្នុងរដូវកាលឆ្នាំ ២០២២ មានពេលខ្លះគ្រូបង្វឹកថាញប៊ិញ ក៏បានជំនួសលោកស្រីហៀង ដឹកនាំក្រុម ដោយសារសុខភាពរបស់គ្រូបង្វឹកមិនបានល្អ។ នៅ VTV - ប៊ិញដៀងឡុងអាង ប្រធានក្រុមត្រឹងធីថាញធ្វី បានបន្តទៅប្រកួត ឱ្យក្លឹប PFU BlueCats នៅប្រទេសជប៉ុន។ កង្វះ “អ្នកដឹកនាំ” ថាញធ្វី ខណៈដែលកម្លាំងកីឡាការិនីវ័យក្មេងមិនទាន់ “ទុំ” តើគ្រូបង្វឹក ថាញប៊ិញ នឹងធ្វើយ៉ាងណាដើម្បីរក្សានូវស្នាដៃរបស់ក្រុម គឺជាសំណួរមួយត្រូវការពេលវេលាឆ្លើយតប។

កីឡាការិនីឌិញធីត្រាយ៉ាង បង្ហាញមុខនៅក្លឹបថ្មី ប្រទេសថៃ។

ដំណឹងល្អមួយទៀតសម្រាប់កីឡាបាល់ទះ ក្នុងប្រទេស គឺកីឡាការិនីឌិញធីត្រាយ៉ាង ទើបតែចុះកុងត្រាប្រកួតឲ្យក្រុម 3BB Nakornnont របស់ថៃ។ ស្រីស្អាតនៃក្រុមជម្រើសបាល់ទះវៀតណាមនឹងមានឱកាសប្រកួតជាមួយអត្តពលិកលំដាប់កំពូល។ សង្ឃឹមថា ត្រាយ៉ាង ក៏ដូចជាថាញធ្វី រៀនសូត្របានច្រើនពីអត្តពលិកប្រទេសមិត្ត ដើម្បីបម្រើដល់ក្រុមជម្រើសជាតិ។

ចំណែកឯតទគ្គកររកបានពិន្ទុច្រើនបំផុតនៅវៀតណាម ង្វៀងធីប៊ិចតៀង នឹងទៅណាមកណា ពេលបញ្ចប់កុងត្រាជាមួយណិញប៊ិញ គឺ ជាសំណួរមួយមិនទាន់មានចម្លើយ។ ប្រសិនបើប៊ិចតៀង ត្រឡប់មកវិញឡុងវិញ នាងត្រូវប្រកួតនៅពានរង្វាន់ថ្នាក់ A តែប្រសិនបើណិញប៊ិញ បន្តចុះកុងត្រាជាមួយនាង តើប្រាក់ខែនិងប្រាក់រង្វាន់ប៉ុន្មានសម្រាប់អ្នកគក់បាល់ដ៏ឆ្នើមរូបនេះ? ក្រៅពីណិញប៊ិញ គឺមានក្លឹប “អ្នកមាន” ឯទៀតនៃពានរង្វាន់ថ្នាក់ជាតិ ក៏ចង់បាន “ម៉ាស៊ីនរកពិន្ទុ” ប៊ិចតៀងសម្រាប់ក្រុមរបស់ខ្លួននៅរដូវកាលថ្មីនេះដែរ៕

ហាថាញ - សុផន

ចែករំលែកអត្ថបទ

ពាក្យគន្លឹះ