គោលនយោបាយ -ការរស់នៅ គោលនយោបាយ

29/11/2021 - 08:06

លើកកម្ពស់ប្រសិទ្ធភាពនៃការឃោសនានិងអនុវត្តច្បាប់

ការងារឃោសនានិងផ្សព្វផ្សាយអប់រំច្បាប់ ត្រូវបានបណ្ដាផ្នែកគ្រប់លំដាប់ថ្នាក់នៅក្រុងកឹងធើ អនុវត្តជារឿយៗនិងមានប្រសិទ្ធភាព ដោយរូបភាពនិងវិធានការយ៉ាងសមស្របជាច្រើន។

ប្រធានមណ្ឌល១ សង្កាត់ថើយប៊ិញ ខណ្ឌនិញកេវ ផ្ដល់ប្រាក់ឧបត្ថម្ភ និងណែនាំប្រជាជននូវសេចក្ដីកំណត់មួយចំនួនទាក់ទងនឹងការបង្ការ ប្រឆាំងជំងឺ COVID-១៩។

ក្នុងរយៈពេលជំងឺ COVID-១៩ ផ្ទុះរាលដាល ការអនុវត្តសេចក្ដីកំណត់នៃច្បាប់ដើម្បីវិនិច្ឆ័យអំពើប្រព្រឹត្តល្មើសពីការបង្ការ ទប់ស្កាត់ជំងឺរាលដាល ឬការអនុវត្តនូវបទបញ្ជាសេចក្ដីសម្រេចចិត្ត។ល។ របស់ស្ថាប័ន អង្គភាពនិងភូមិភាគមួយចំនួនមានពេលនៅស្ទាក់ស្ទើរ។ ដូច្នេះ មន្ទីរយុត្តិធម៌ក្រុងបានបង្កើត “ក្រុមការងារត្រួតពិនិត្យ និងជំនួយដល់ការិយាល័យយុត្តិធម៌ខណ្ឌ ស្រុក អំពីបញ្ហាបង្ការប្រឆាំងជំងឺ COVID-១៩” ដើម្បីណែនាំអនុវត្តច្បាប់ឱ្យបានត្រឹមត្រូវតាមសេចក្ដីកំណត់។ ទន្ទឹមនឹងនោះ ក្រុមការងារមានភារកិច្ចត្រួតពិនិត្យនិងជំនួយការដល់ការិយាល័យយុត្តិធម៌ខណ្ឌ ស្រុក អំពីបញ្ហាដែលជាប់ទាក់ទងនឹងការផ្សព្វផ្សាយអប់រំច្បាប់; គ្រប់គ្រងវិនិច្ឆ័យការបំពានផ្នែករដ្ឋបាល និងត្រួតពិនិត្យការអនុវត្តច្បាប់; របបគោលនយោបាយជំនួយនិងការត្រួតពិនិត្យ ស្រាវជ្រាវ ជំនួយនិងរួមចំណែកក្នុងការកសាងគោលនយោបាយ ដើម្បីត្រៀមបម្រុងពេលក្រុងប្ដូរមកដំណាក់កាលប្រក្រតីថ្មី។ តាមប្រសាសន៍លោកស្រី ង្វៀងធូហឿង ប្រធានការិយាល័យយុត្តិធម៌ខណ្ឌថូកណូក ដើម្បីធានាដល់ការវិនិច្ឆ័យបទល្មើសរដ្ឋបាលបានអនុវត្តប្រកបដោយប្រសិទ្ធភាព និងទាន់ពេល ការិយាល័យយុត្តិធម៌ ខណ្ឌបានធ្វើបច្ចុប្បន្នភាពជារឿយៗនូវសេចក្ដីកំណត់ និងនីតិវិធីពិន័យ បញ្ជូនទៅថ្នាក់ដឹកនាំសង្កាត់និងអង្គភាពពាក់ព័ន្ធ។ លើសពីនេះ ក្នុងករណីចាំបាច់រាល់បញ្ហាដែលជាប់ទាក់ទិននឹងត្រូវបានការិយាល័យយុត្តិធម៌ណែនាំដោយផ្ទាល់តាមទូរស័ព្ទ ធានាការងារពិន័យបានអនុវត្តត្រូវតាមសេចក្ដីកំណត់។

លោកដងត្រុងកៀង អនុប្រធានមន្ទីរយុត្តិធម៌ក្រុងកឹងធើ ឱ្យដឹង៖ “ក្រុមការងារត្រួតពិនិត្យនិងជំនួយដល់ការិយាល័យយុត្តិធម៌ខណ្ឌ ស្រុក ស្តីពីបញ្ហាបង្ការ ប្រឆាំងជំងឺ COVID-១៩ ធ្វើការតាមដាន ប្រមូលឯកសាររបស់ស្ថាប័នមានសមត្ថកិច្ចនៅមជ្ឈិម និងភូមិភាគដែលពាក់ព័ន្ធនឹងការបង្ការ ប្រឆាំងជំងឺ COVID-១៩។ ផ្អែកលើមូលដ្ឋាននោះ ផ្តល់ព័ត៌មានជំនួយ និងណែនាំដល់ការិយាល័យយុត្តិធម៌នៅតាមខណ្ឌ ស្រុក ក៏ដូចជាអង្គភាពជំនាញរបស់ក្រុង ដូច ជានគរបាលក្រុង អធិការកិច្ចចរាចរណ៍ មន្ទីរសុខាភិបាល។ល។ ក្នុងការវិនិច្ឆ័យករណីបំពានផ្នែករដ្ឋបាល ស្តីពីការបង្ការ ប្រឆាំងជំងឺរាលដាលពេលមានបញ្ហាប្រឈម។ ក្រុមការងារនៅទាំងសហការស្អិតល្មួតជាមួយការិយាល័យយុត្តិធម៌ខណ្ឌ ស្រុក ដើម្បីក្តាប់និងបូកសរុបនូវការលំបាកនិងបញ្ហាប្រឈមក្នុងដំណើរការផ្សព្វផ្សាយអនុវត្តនូវឯកសារពាក់ព័ន្ធនឹងការបង្ការប្រឆាំងជំងឺ COVID-១៩ របស់ស្ថាប័នមានសមត្ថកិច្ច ដើម្បីធ្វើសេនាធិការ ស្នើសុំកែប្រែ បំពេញបន្ថែម ឬផ្តល់មតិយោបល់ក្នុងការពង្រាងឯកសារ ខណៈពេលមានសំណូមពរ ឬកិច្ចចង្អុលការ។ល។”៕

ត្វៀកញ៉ុង-ទីទុយ

ចែករំលែកអត្ថបទ

ពាក្យគន្លឹះ