វប្បធម៌-សិល្បៈ វប្បធម៌

16/08/2021 - 08:00

ក្រុងកឹងធើ៖ លើកកម្ពស់ប្រសិទ្ធភាពសកម្មភាពវប្បធម៌ សិល្បៈ បម្រើជនរួមជាតិតំបន់ជនជាតិភាគតិច

គណៈកម្មាធិការប្រជាជនក្រុងកឹងធើ បានដាក់ឱ្យប្រើផែនការអនុវត្តកម្មវិធីសកម្មភាពវប្បធម៌ សិល្បៈ បម្រើតំបន់ជនរួមជាតិភាគតិចលើភូមិសាស្ត្រក្រុងកឹងធើ ដំណាក់កាល ២០២១-២០៣០។

ភ្លេងពិណពាទ្យ-ទម្រង់វប្បធម៌សិល្បៈមួយប្រកបដោយលក្ខណៈពិសេសរបស់ជនរួមជាតិខ្មែរ។

កម្មវិធីត្រូវបានចែកជាពីរដំណាក់កាល។ តាមរយៈនោះ ដំណាក់កាល ២០២១-២០២៥ ក្រុងកឹងធើ បានដាក់ចេញទិសដៅ គឺក្នុងភូមិឬក៏ភូមិនីមួយៗត្រូវចងសម្ព័ន្ធគ្នា បង្កើតពី ១-២ ក្លិបវប្បធម៌ សិល្បៈ ដំណើរការប្រកបដោយប្រសិទ្ធភាព រក្សាការរៀបចំទំនាក់ទំនងវប្បធម៌រវាងក្លិបពី១-២ លើក /ឆ្នាំ។ រៀបចំដំណើរទស្សនកិច្ចសិក្សាជាក់ស្តែងសម្រាប់សិល្បករ-ការិនី កវីនិពន្ធជនជាតិភាគតិច។ ពិសេសក្រុងឧបត្ថម្ភថវិកា ដាក់ចេញយន្តការគោលនយោបាយដាច់ដោយឡែក សំដៅលើកទឹកចិត្តសកម្មភាពវប្បធម៌ សិល្បៈនៅតំបន់ជនជាតិភាគតិចលើភូមិសាស្ត្រក្រងកឹងធើ។ល។ ដំណាក់កាល ២០២៥-២០៣០ ក្រុងជំរុញការលើកកម្ពស់គុណភាព បន្តការផ្លាស់ថ្មីរូបភាព ខ្លឹមសារគ្រប់កម្មវិធីវប្បធម៌ សិល្បៈ សម្រាប់បម្រើជនរួមជាតិតំបន់ជនជាតិភាគតិច។ រៀងរាល់ឆ្នាំ ខិតខំរក្សាការរៀបចំសមោសរ ទំនាក់ទំនងសិល្បៈរវាងក្លិបនឹងគ្នា ឬក្រុមសិល្បៈសមស្របទៅនឹងលក្ខណៈជាក់ស្តែងរបស់ភូមិភាគ៕

ថាញឡុង-លីសៀ

ចែករំលែកអត្ថបទ

ពាក្យគន្លឹះ