មហាសាមគ្គីជនជាតិ ភូមិស្រុកផ្លាស់ថ្មី

19/01/2021 - 08:21

ច្នៃប្រតិដ្ឋវិធីផ្សាំ ជំនួយកម្លាំងដល់ក្រូចថ្លុងសម្បកបៃតង

គាប់ជួនការផ្សាំមែកក្រូចថ្លុងទៅលើក្រូចថ្លុងសម្បកបៃតង ពូហ្វិញថាញ់តុង (នៅភូមិ ៥ ឃុំអាងខាញ់ ស្រុកចូវថាញ់ ខេត្តបេនត្រែ) បានច្នៃប្រតិដ្ឋវិធីផ្សាំជំនួយកម្លាំងយ៉ាងពិសេស ជួយដើមក្រូចថ្លុងដែលលឿងស្លឹក រលួយឫសរស់ឡើងវិញ។

ពូតុង (ខាងឆ្វេង) បង្ហាញដើមក្រូចដែលផ្សាំជំនួយកម្លាំង ធ្វើឱ្យក្រូចថ្លុងសម្បកបៃតងបង្កើនកម្លាំងធន់បាននឹងជំងឺលឿងស្លឹករលួយឫស។

ភាពអស្ចារ្យនៃដើមក្រូចគល់ច្រើន បើតាមពូហ្វិញថាញ់តុង ជាទូទៅក្រូចថ្លុងសម្បកបៃតង ច្រើនតែដាំដោយផ្សាំមែកដើម្បីឆាប់ផ្លែ ប៉ុន្តែអាយុកាលវាមិនស្មើនឹងការដាំដែលផ្សាំពីគល់ទេ។ ពីព្រោះខណៈដាំដោយការផ្សាំមែក ឫសវាស្រូបជាតិបំប៉នមិនសូវបានពូកែដូចឫសដាំដោយធម្មជាតិ។ ហេតុនោះ នៅពេលផ្សាំបន្ថែមមែក វានឹងជួយស្រូបជាតិ បំប៉នដើម្បីចិញ្ចឹមដើម។

មានម្តងនោះ គាប់ជួនពូហ្វិញថាញ់តុង បានប្រទះឃើញក្នុងចម្ការគាត់មានក្រូចថ្លុងសម្បកបៃតងមួយដើម ដែលលឿងស្លឹក រលួយឫស។ ពេលនោះ គាត់ក៏បានដាំក្រូចថ្លុងពូជផ្សេងនៅក្បែរនោះផងដែរ រួចគាត់បានប្រើគល់របស់វាផ្សាំនឹងក្រូចថ្លុងលឿងស្លឹកនោះ ដើម្បីជំនួយកម្លាំងដល់ដើមក្រូចថ្លុងសម្បកបៃតង។ ដើមក្រូចនេះមិនសូវល្អជាប៉ុន្មានទេ ប៉ុន្តែវាអាចជួយសង្គ្រោះដើមក្រូចថ្លុងសម្បកបៃតង។ ដោយឃើញមានប្រសិទ្ធភាព គាត់ក៏បានធ្វើវិធីនេះទៅនឹងដើមផ្សេងទៀត។ “វិធីធ្វើងាយស្រួល ខ្ញុំគ្រាន់តែយកគ្រាប់ក្រូចថ្លុងពូជផ្សេងរោយជុំវិញគល់ ក្រូចថ្លុងសម្បកបៃតង។ នៅពេលកូនក្រូចត្រៀមនឹងចេញត្រួយ ស្លឹកចាស់បន្តិច ជីកប្រមូលដាក់កៀនគល់កោសសម្បក រួចចងផ្អោបវាចូលនឹងដើមក្រូចថ្លុងសម្បកបៃតងហើយកាត់ត្រួយចោល។ ពេលនោះ ដើមក្រូចថ្លុងសម្បកបៃតងក៏បន្ថែមបានកម្លាំងជំនួយពីឫសក្រូចថ្លុង ម្ល៉ោះហើយស្រូបជាតិបំប៉នពូកែ”។

បច្ចុប្បន្ន ពូតុង ដាំបានក្រូចថ្លុងសម្បកបៃតង ៤ កុង។ នៅពេលដាំមែកពូជក្រូចថ្លុងសម្បកបៃតងចុះភ្លាម គឺគាត់ដាំក្រូចថ្លុងពូជផ្សេងជាមួយគ្នានៅក្បែរនោះ ដើម្បីត្រៀមបម្រុងវិធីផ្សាំ ជំនួយកម្លាំងដល់ដំណាំក្រូចសម្បកបៃតង។ ដំបូង គាត់គ្រាន់តែផ្សាំបន្ថែមក្រូចថ្លុងពូជផ្សេង ១ ដើម ទៅលើក្រូចថ្លុងសម្បកបៃតង ១ ដើមប៉ុណ្ណោះ។ ក្រោយមកដកពិសោធន៍បន្តិចម្តងៗ គាត់ផ្សាំបន្ថែមពី ៣-៤ ដើម គឺសម្រាប់ចិញ្ចឹមក្រូចថ្លុងសម្បកបៃតង ១ ដើម ។ អាស្រ័យហេតុនោះ ដើមក្រូចលូតលាស់ល្អនិងឆាប់ចេញត្រួយ។ “ប៉ុន្មានដើមក្រោយៗ ខ្ញុំផ្សាំបានច្រើនគល់ ម្ល៉ោះហើយដើមរឹងមាំ ខ្យល់ធំក៏មិនខ្លាច។ វិធីនេះងាយធ្វើណាស់ អត្រាជោគជ័យគឺ ១០០%” - ពូតុង ពន្យល់បន្ថែមដូច្នេះ។

សាស្រ្តាចារ្យរងបណ្ឌិត ង្វៀងមិញចូវ ឱ្យដឹង៖ “ដំណាំក្រូចថ្លុងពូជផ្សេងនេះធន់បាននឹងជំងឺផ្សេងៗជាច្រើនលើដំណាំក្រូចនិយាយរួម។ ថ្វីដ្បិតដូច្នោះក្តី ភាគច្រើនក្រូចដែលដាំដោយពូជផ្សាំមែក ចាក់ឫសខ្សោយ។ ថ្មីៗនេះ ខ្ញុំពិនិត្យផ្ទាល់ទម្រង់ផ្សាំក្រូចថ្លុងពូជផ្សេងទៅលើក្រូចថ្លុងសម្បកបៃតងរបស់ពូតុង នេះគឺជារបៀបធ្វើជោគជ័យមួយ មិនត្រឹមតែធន់នឹងជំងឺប៉ុណ្ណោះទេ ថែមទាំងធន់នឹងការរាំងស្ងួតបានល្អទៀតផង”។

ចាប់ពីអនុវត្តបច្ចេកទេសផ្សាំជំនួយកម្លាំង ឃើញថាចម្ការក្រូចថ្លុងសម្បកបៃតងរបស់ពូតុង ភាគច្រើនមិនប្រទះឃើញជំងឺលឿងស្លឹក រលួយឫសទេ។ ពូតុង ប្រាប់អំពីដើមក្រូចដែលមានជំងឺ នៅពេលផ្សាំក្រូចថ្លុងពូជផ្សេងចូលទៅដើមក្រូចថ្លុងសម្បកបៃតងលូតលាស់បន្តិចម្តងៗ និងល្អឡើងវិញ ពេលនោះគ្រាន់តែកាត់ស្លឹកលឿងចាស់ចោល។ បច្ចុប្បន្ន ចម្ការក្រូចរបស់គាត់ឈានចូលឆ្នាំទី ៥ ផ្តល់បានផ្លែច្រើន។ ចម្ការក្រូច ៤ កុងនេះ ឆ្នាំកន្លងពូតុង រកបានប្រាក់ចំណូលជាង ១០០ លានដុង។ ជាពិសេស គាត់ត្រៀមលក្ខណៈនឹងចែករំលែកបទពិសោធននេះ ដើម្បីមាមីងរួមគ្នាដោះស្រាយ ខណៈដំណាំក្រូចមានជំងឺលឿងស្លឹក រលួយឫស៕

ប៊ិញមិញ -លីសៀ

ចែករំលែកអត្ថបទ

ពាក្យគន្លឹះ