(អាងយ៉ាង) យោងតាមគណៈជនជាតិខេត្តអាងយ៉ាង ចាប់ពីឆ្នាំ ២០១៥ រហូតមកដល់បច្ចុប្បន្ន អាងយ៉ាងអនុវត្តយ៉ាងពេញលេញនូវគោលនយោបាយចំពោះអ្នកមានប្រជាប្រិយភាព។ តួយ៉ាងដូច៖ ថ្នាក់ដឹកនាំខេត្ត និងមន្ទីរ ផ្នែកពាក់ព័ន្ធនានា។ល។ បានរៀបចំក្រុមប្រតិភូ ទៅសួរសុខទុក្ខ ជូនអំណោយដល់អ្នកមានប្រជាប្រិយភាពនៅថ្ងៃបុណ្យប្រពៃណីជនជាតិ; ទៅសួរសុខទុក្ខពេលអ្នកមានប្រជាប្រិយភាពឈឺថ្កាត់ ឬគ្រួសារមានមរណទុក្ខ។ល។ ទន្ទឹមនឹងនោះ ខេត្តក៏បានជូនកាសែតភូមិភាគចំនួន ១៣៣.០០០ ច្បាប់ និងកាសែតជនជាតិនិងអភិវឌ្ឍន៍ជាង ៤៥.០០០ ច្បាប់ដល់អ្នកមានប្រជាប្រិយភាព។ នៅក្នុងអំឡុងពេលនេះ ខេត្តអាងយ៉ាងក៏បានស្ងើចសរសើរ ជូនរង្វាន់ដល់អ្នកមានប្រជាប្រិយភាព ឆ្នើមចំនួន២០រូប។ ចាត់តាំងឱ្យអ្នកមានប្រជាប្រិយភាពទៅទស្សនកិច្ច និងរៀនសូត្របទពិសោធន៍នៅខេត្តមិត្ត។ល។ ការចំណាយថវិកាអនុវត្តគោលនយោបាយចំពោះអ្នកមានប្រជាប្រិយភាពនៅខេត្តអាងយ៉ាង រយៈកាលកន្លងគឺជាង១,២ពាន់លានដុង។
នាពេលខាងមុខ ខេត្តអាងយ៉ាងនឹងបន្តការពង្រីកតួនាទីរបស់រណសិរ្សនិងអង្គការនយោបាយ-សង្គមក្នុងការចលនានិងកៀរគរកងកម្លាំងស្នូល អ្នកមានប្រជាប្រិយភាព អ្នកមុខអ្នកការសាសនា ដើម្បីអនុវត្តទិសដៅអភិវឌ្ឍន៍សេដ្ឋកិច្ច-សង្គម។ ផ្តើមពីនោះ បង្កើនទំនាក់ទំនងជិតស្និទ្ធ រវាងវត្តអារាមនិងវិហារសួ៌គគ្រឹសជាមួយគណៈកម្មាធិការបក្ស រដ្ឋអំណាច និងប្រជាជនគ្រប់ជាន់ស្រទាប់នៅតំបន់ជនជាតិភាគតិច សំដៅអនុវត្តឱ្យបានល្អនូវគោលការណ៍ គោលនយោបាយរបស់បក្ស និងច្បាប់របស់រដ្ឋ។
អនុវត្តសេចក្តីសម្រេចលេខ ១៨/២០១១/QĐ-TTg និងសេចក្តីសម្រេចលេខ ៥៦/២០១៣/QĐ-TTg ស្តីពីគោលនយោបាយចំពោះអ្នកមានប្រជាប្រិយភាព ចាប់ពីឆ្នាំ២០១៥រហូតមកដល់ពេលនេះ ទូទាំងខេត្តអាងយ៉ាងមានជនជាតិភាគតិចចំនួន ៥៧៦ នាក់បានបោះឆ្នោតជ្រើសជាអ្នកមានប្រជាប្រិយភាព។ ក្នុងនោះជនជាតិខ្មែរមានចំនួន ៤១៣ លើកនាក់ ជនជាតិចាមមាន៦៨លើកនាក់ ជនជាតិចិនមាន៨៥លើកនាក់ និងជនជាតិភាគតិចឯទៀត ១០ លើកនាក់៕
ថាញឡុង-សុផន
ពាក្យគន្លឹះ
