សន្តិសុខ - ការពារប្រទេស ការពារប្រទេស

26/06/2018 - 09:08

រក្សាលំនឹងសណ្តាប់ធ្នាប់ភូមិសាស្រ្តព្រំប្រទល់

តឹងឡុកដុង ស្រុកថើយប៊ិញ ខេត្តកាម៉ាវ គឺជាឃុំធំទូលាយ ក្នុងនោះមានផ្លូវទឹកប្រវែងជាង១០គីឡូម៉ែត្រ (ទន្លេផុងហ៊ីប) ជាប់ព្រំប្រទល់នឹងឃុំតឹនថាញ់ ផុងថាញ់តី (ក្រុងយ៉ារ៉ៃ ខេត្តបាកលីវ) និងផុងថាញ់តី B (ស្រុកភឿកឡុង ខេត្តបាកលីវ) ។ នេះគឺជាបញ្ហាត្រូវប្រឈម ក្នុងការអនុវត្តលក្ខឋានសន្ដិសុខសណ្តាប់ធ្នាប់ក្នុងដំណាក់កាលកសាងជនបទថ្មី។

នគរបាលឃុំត្រួតពិនិត្យសុវត្ថិភាពសណ្តាប់ធ្នាប់តាមប្រពន្ធកាមេរ៉ា។

ប្រធាននគរបាលឃុំតឹនឡុកដុង - លោកឡេវ៉ាន់សឺ បានឲ្យដឹង: “មកដល់ដំណាក់កាលនេះ ឃុំកសាងក្រុមប្រជាស្វាយគ្រប់គ្រងបាន៤៧ គណៈសន្តិសុខចំនួន៧ និងក្រុមប្រជាបង្ការ១។ល។ សន្ដិសុខសណ្តាប់ធ្នាប់លើភូមិសាស្រ្តឃុំមានជំហានប្រែប្រួលជាវិជ្ជមាន ហើយកំពុងឈានទៅរកភាពរៀបរយលំនឹង”។ លោកសឺឲ្យដឹង បន្ថែមមហាជនគឺជាកម្លាំងស្នូលក្នុងការបកអាក្រាត ប្រឆាំងនិងបង្ការឧក្រិដ្ឋកម្ម។ អង្គការមហាជនខ្លាំងក្លាគឺជាបង្អែករឹងមាំសម្រាប់នគរបាលឃុំតស៊ូ បោសសំអាតឧក្រិដ្ឋកម្មនិងបាបគ្រោះសង្គម ចលនាដកហូតអាវុធ។ល។ អនុវត្តសម្រេចនិងរក្សាខ្ជាប់លក្ខឋានសន្តិសុខសណ្តាប់ធ្នាប់ជាច្រើនឆ្នាំកន្លង។ ក្នុងប៉ុន្មានខែដើមឆ្នាំ ផ្តើមពីប្រភពព័ត៌មានរបស់មហាជន នគរបាល ឃុំដោះស្រាយបាន៧ករណីបង្ខូចសណ្ដាប់ធ្នាប់សហគមន៍បំបែករោងជល់មាន់ស៊ីសង៣កន្លែង ដោយមានមុខសញ្ញាជាប់ពាក់ព័ន្ធចំនួន៣៤នាក់។ល។ ទន្ទឹមនឹងនោះ ត្រួតពិនិត្យ និងដកហូតកាំភ្លើងចំនួន១៨ដើម ក្នុងនោះមានកាំភ្លើងច្នៃឯង១៣ដើម កាំភ្លើងប្រើខ្យល់អាកុល៥ដើម។ ក្នុងការលារយាម ល្បាតត្រួតពិនិត្យសន្តិសុខសណ្តាប់ធ្នាប់ នគរបាលឃុំបានគួបផ្សំវិនិច្ឆ័យជិត៩០ករណីបំពានសណ្តាប់ធ្នាប់សុវត្ថិភាពចរាចរគមនាគមន៍។ ជាច្រើនឆ្នាំកន្លង តឹនឡុកដុង តែងរក្សាខ្ជាប់លក្ខឋានអំពីសន្តិសុខសណ្តាប់ធ្នាប់ មានសមូហភាពនិងបុគ្គលជាច្រើនត្រូវបានប្រធានគណៈកម្មាធិការប្រជាជនស្រុក នាយកនគរបាលខេត្តជូនលិខិតសរសើរ។ ឆ្នាំ២០០៧ ឃុំតឹនឡុកដុង ត្រូវបានប្រធានគណៈកម្មាធិការប្រជាជនខេត្ត ជូនបណ្ណសរសើរដោយមានស្នាដៃឆ្នើមក្នុងការបង្ការប្រឆាំងឧក្រឹដ្ឋកម្ម បាបគ្រោះសង្គមនិងកសាងចលនាប្រឡងប្រណាំង “ទូទាំងប្រជាជនការពារសន្តិសុខប្រទេសជាតិ”។

លោកឡេវ៉ាន់សឺ អះអាងថា៖ “ឧក្រឹដ្ឋកម្មនិងបាបគ្រោះសង្គមតែងនៅបង្កប់ជាមួយនឹងការអភិវឌ្ឍរបស់សង្គម ជាក់ស្តែងលើភូមិសាស្រ្តឃុំ រាល់ពេលរាល់ទីកន្លែងសន្តិសុខសណ្តាប់ធ្នាប់នៅមិនទាន់លំនឹងនៅឡើយ។ ហេតុនោះ ការជំរុញខ្លាំងក្លាកិច្ចចលនា“រៀនសូត្រនិងធ្វើតាមសតិអារម្មណ៍ សីលធម៌ ឥរិយាបទហូជីមិញ” ក្នុងកងកម្លាំងនគរបាលចាប់ពីឃុំដល់ភូមិ សំដៅរួមចំណែកអនុវត្តល្អភារកិច្ច ធានាស្ថានភាពសន្តិសុខប្រទេសជាតិ រក្សាសណ្តាប់ធ្នាប់សុវត្ថិភាពសង្គមក្នុងស្ថានភាពថ្មីផ្សារភ្ជាប់ជាមួយចលនាទូទាំងប្រជាជនការពារសន្តិសុខប្រទេសជាតិ និងកម្មវិធីទិសដៅជាតិស្តីពីកសាងជនបទថ្មី គឺជាភារកិច្ចដ៏សំខាន់ៗរបស់នគរបាលឃុំតឹនឡុកដុង ក្នុងឆ្នាំ២០១៨នេះ៕

យោងតាមកាសែតកាម៉ាវ-វ៉ាន់តឹន

ចែករំលែកអត្ថបទ

ពាក្យគន្លឹះ