គោលនយោបាយ -ការរស់នៅ គោលនយោបាយ

19/06/2018 - 09:29

ជម្នះលំបាកចាកផុតពីភាពក្រីក្រ

លោកថាច់ហ្វាយ កើតឆ្នាំ១៩៥២ នៅភូមិវាល ឃុំតឹងម៉ី ស្រុកត្រាអូង ខេត្តវិញឡុង គឺជាបុគ្គលគំរូឆ្លងកាត់លំបាក ចាកផុតពីភាពក្រីក្រក្នុងជនរួមជាតិខ្មែរ ដោយមានទម្រង់ដាំស្វាយតៃវ៉ាន់ រកបានប្រាក់ចំណូលរាប់រយលានដុងរៀងរាល់ឆ្នាំ។

លោកហ្វាយកំពុងថែទាំស្វាយ។

ពីមុន គ្រួសារលោកហ្វាយ ក្រណាស់ ម្ល៉ោះហើយគាត់តែងដើរធ្វើការឈ្នួលដើម្បីចិញ្ចឹមកូន៤នាក់រៀនសូត្រ។ អាស្រ័យគោលនយោបាយរបស់បក្ស និងរដ្ឋ អំពីការគិតគូរអភិវឌ្ឍសេដ្ឋកិច្ចជូនជនរួមជាតិភាគតិច គ្រួសារគាត់បានឧបត្ថម្ភបុលទុន១០លានដុង ពីធនាគារគោលនយោបាយសង្គមស្រុក។ ប្តីប្រពន្ធគាត់បានបុលប្រាក់ខាងក្រៅបន្ថែម១០លានដុងទៀត ទិញពូជស្វាយតៃវ៉ាន់ដាំបាន២កុង។ ក្រៅពីនោះ គាត់ថែមទាំងទទួលបានការណែនាំដោយអស់ពីចិត្តរបស់កម្មាភិបាលសមាគមកសិករឃុំ កម្មាភិបាលដំណាក់ជំរុញកសិកម្ម ដំណាក់ការពាររុក្ខជាតិអំពីបច្ចេកទេសថែទាំនិងរបៀបបង្ការ ព្យាបាលជំងឺឲ្យស្វាយ។ ព្រមជាមួយនឹងការខិតខំរៀនសូត្របទពិសោធន៍បន្ថែមពីអ្នកដែលធ្លាប់ដាំស្វាយ ម្ល៉ោះហើយចម្ការស្វាយរបស់គាត់តែងលូតលាស់ល្អ។ ផ្លែលើកដំបូង គាត់លក់បាន២០ពាន់ដុង/គីឡូក្រាម តាមការប៉ាន់ស្មានទិន្នផលនឹងទទួលបានប្រមាណ៥តោន/៣រដូវ/ឆ្នាំ រកបានប្រាក់ចំណូលប្រមាណ១០០លានដុង ក្រោយពីទូទាត់រួចស្រេច គាត់នៅចំណេញ៤៥លានដុង។ សង្កេតឃើញដាំស្វាយមានប្រសិទ្ធភាពសេដ្ឋកិច្ច លោកហ្វាយ បន្តបើកទូលាយផ្ទៃដីដាំបន្ថែម៤កុងទៀត។ ឆ្នាំ២០១៧ ប្រមូលផល៣រដូវ/ឆ្នាំតាមការគ្រោងទុក អាចរកចំណេញបាន១៨០លានដុង។ ជីវភាពគ្រួសារលោកបានធូរធារជាសន្សឹមៗ និងបានទទួលស្គាល់ចាកផុតពីភាពក្រីក្រនៅចុងឆ្នាំ២០១៧។

យល់បាននូវការលំបាកពេលផ្ដើមអាជីពធ្វើសេដ្ឋកិច្ច ម្ល៉ោះហើយលោកហ្វាយ តែងត្រៀមបម្រុងឧបត្ថម្ភ ចែករំលែកបទពិសោធន៍ជាមួយនឹងប្រជាជននៅភូមិភាគដើម្បីបានធូរធារទាំងអស់គ្នា។ ចំពោះសកម្មភាពមនុស្សធម៌ សាធារណប្រយោជន៍សង្គមចលនាប្រឡងប្រណាំងស្នេហាជាតិ កសាងជនបទថ្មី អាស្រ័យភូមិភាគបំផុសចលនាលោកហ្វាយ បានចូលរួមវិភាគទានយ៉ាងសកម្ម។ លោកថាច់ហាញ់ នៅភូមិម៉ីធ្វឹន ឃុំ តឹងម៉ី ស្រុកត្រាអូង ឲ្យដឹងបន្ថែម៖ “អាស្រ័យបានបងថាច់ហ្វាយចែករំលែកបទពិសោធន៍ ទើបចម្ការស្វាយរបស់ខ្ញុំលូតលាស់ល្អ រកបានប្រាក់ចំណូលខ្ពស់”។

លោកត្រឹងឌឹកថាញ់ ប្រធានសមាគមកសិករឃុំតឹងម៉ី ស្រុកត្រាអូង បញ្ជាក់ឲ្យដឹង៖ “បងថាច់ហ្វាយ គឺជាកសិករផលិតពូកែជាច្រើនឆ្នាំបន្តបន្ទាប់នៅគ្រប់លំដាប់ថ្នាក់។ គាត់ជាគំរូលេចធ្លោក្នុងឃុំអំពីការឈានឡើងចាកផុតពីភាពក្រីក្រ។ បងហ្វាយក៏បានស្ងើចសរសើរនិងជូនរង្វាន់នៅសន្និបាតបូកសរុបការងារប្រទះឃើញ បំពាក់បំប៉នកសាងគំរូជឿនលឿនស្រុកត្រាអូង ដំណាក់កាល២០១៦-២០១៨”៕

ត្រុកម៉ាយ-វិមាន

ចែករំលែកអត្ថបទ

ពាក្យគន្លឹះ