គោលនយោបាយ -ការរស់នៅ គោលនយោបាយ

19/06/2018 - 09:29

ប្រសិទ្ធភាពផ្ដើមពីគោលនយោបាយ

រយៈកាលកន្លង ខេត្តអានយ៉ាង បានអនុវត្តយា៉ងមានប្រសិទ្ធភាពនូវគោលនយោបាយពិសេសដោយឡែករបស់រដ្ឋ ចំពោះជនរួមជាតិភាគតិចនៅលើភូមិសាស្រ្ត។

ដងផ្លូវនៅភូមិតូទ្វឹន អាស្រ័យដោយអ្នកមានប្រជាប្រិយភាពចលនា

ប្រជាជនរួមជាមួយនឹងរដ្ឋអនុវត្ត។

អនុវត្តសេចក្ដីសម្រេចចិត្តលេខ១៨/២០១១/QĐ-TTg ស្ដីពីការអនុវត្តគោលនយោបាយចំពោះអ្នកមានប្រជាប្រិយភាពក្នុងតំបន់ជនរួមជាតិភាគតិច ទូទាំងខេត្តរួមមាន១១៤នាក់ (បុរស១១២នាក់; ស្រ្តី២នាក់)។ ក្នុងនោះ ជនជាតិខ្មែរ៨២នាក់; ជនជាតិចាម១៤នាក់; ជនជាតិចិនចំនួន១៦នាក់និងជនជាតិផ្សេងចំនួន២នាក់។ យោងប្រសាសន៍លោកស៊ូការី នាយខុទ្ទកាល័យគណៈជនជាតិខេត្ត ក្រោយពីមានបញ្ជីឈ្មោះអ្នកមានប្រជាប្រិយភាព គណៈជនជាតិបានរៀបចំផែនការថវិកានិងអនុវត្តឧបត្ថម្ភចំពោះអ្នកមានប្រជាប្រិយភាពនៅលើភូមិសាស្រ្តខេត្តអានយ៉ាង។ ទន្ទឹមនឹងនោះ រៀបចំក្រុមអ្នកមានប្រជាប្រិយភាពទៅទស្សនកិច្ច រៀនសូត្របទពិសោធន៍នៅកន្លែងផ្សេងៗ។ ពិតមែនប្រាក់ឧបត្ថម្ភតិចតួច ប៉ុន្តែបានរួមចំណែកលើកទឹកចិត្តអ្នកមានប្រជាប្រិយភាពពង្រីកល្អនូវតួនាទីនៅភូមិភាគ។

អ្នកស្រីនាងសម្បូរ ប្រធានការិយាល័យជនជាតិស្រុកទ្រីតូង ឲ្យដឹង៖ “អ្នកមានប្រជាប្រិយភាពបានរួមចំណែកយ៉ាងច្រើនក្នុងការចលនាជនរួមជាតិភាគតិច នៅលើភូមិសាស្រ្ត អនុវត្តនូវគោលការណ៍ គោលនយោបាយរបស់បក្សនិងរដ្ឋ។ ពិសេសក្នុងការចលនាកសាងជនបទថ្មី អ្នកមានប្រជាប្រិយភាពនៅភូមិភាគនានាតែងមានតួនាទីយ៉ាងសំខាន់ក្នុងការចលនាប្រជាជនបរិច្ចាគដី កម្លាំងពលកម្ម និងថវិកាជួសជុលបង្កើនកម្រិត កសាងផ្លូវគមនាគមន៍ជនបទជាច្រើនកន្លែង”។ តួយ៉ាងដូចជាផ្លូវបេតុងនៅភូមិតូទ្វឹន ឃុំណូយតូ អ្នកមានប្រជាប្រិយភាពរួមជាមួយនឹងរដ្ឋអំណាចភូមិភាគចលនាប្រជាជនបរិច្ចាគដី កម្លាំងពលកម្មនិងថវិកាដើម្បីកសាងផ្លូវគមនាគមន៍នៅភូមិភាគ។ បងចៅអឹម ប្រធានភូមិតូទ្វឹន ឲ្យដឹង៖ “អ្នកមានប្រជាប្រិយភាព គឺអាស្រ័យប្រជាជនជ្រើសតាំង ហេីយជាអ្នកមានកិត្យានុភាពនៅភូមិភាគ។ ពេលពង្រីកតួនាទីរបស់ខ្លួនអ្នកមានប្រជាប្រិយភាពតែងចលនាប្រជាជនអនុវត្តល្អនូវគោលនយោបាយរបស់បក្ស រដ្ឋរួមចំណែកក្នុងការកសាងភូមិស្រុកពីមួយថ្ងៃទៅមួយថ្ងៃកាន់តែរីកចម្រើន”។

ថ្វីត្បិតតែសេចក្ដីសម្រេចចិត្តលេខ២៩/២០១៣/QĐ-TTg ស្ដីពីគោលនយោបាយឧបត្ថម្ភដោះស្រាយដីសង់ផ្ទះ និងដោះស្រាយការងារធ្វើមួយចំនួនជូនជនរួមជាតិភាគតិចក្រីក្រ មានជីវភាពលំបាកនៅតំបន់វាលរាបទន្លេគឺវឡុង ដំណាក់កាល២០១៣-២០១៥ ត្រូវបានបញ្ចប់ ប៉ុន្តែអាស្រ័យភូមិភាគនៅមានតម្រូវការពិសេសនៅស្រុកចំនួន៣ ដែលមានជនរួមជាតិភាគតិចរស់នៅច្រើនកុះករគឺ៖ អានភូ ទ្រីតូង ទិញបៀន ម៉្លោះហើយគណៈជនជាតិធ្វើសេនាធិការ ដាក់សំណើដល់គណៈកម្មាធិការប្រជាជនខេត្ត អនុវត្តបន្ថែមចំនួន២៥០គ្រួសារ។ តាមប្រសាន៍លោកចៅគឹមសៀង អនុប្រធានគណៈជនជាតិខេត្ត គណៈជនជាតិបានខ្នះខ្នែងដាក់សំណើបន្ថែម និងអូសបន្លាយពេលវេលាអនុវត្តសេចក្ដីសម្រេចចិត្តលេខ២៩ ពីព្រោះយល់ឃើញថា ប្រភពទុនរបស់កម្មវិធីនៅសល់ច្រើន។ មកដល់ដំណាក់កាលនេះ ភូមិភាគបានរំសាយទុនអនុវត្តជិត១០០%៕

ហាថាញ់-ទីទុយ

ចែករំលែកអត្ថបទ

ពាក្យគន្លឹះ