គោលនយោបាយ -ការរស់នៅ ការរស់នៅ

22/05/2018 - 16:34

បង្ការបង្រ្កាបជំងឺឆ្លងរាលដាលលើដំណាំ សត្វចិញ្ចឹម

ឃុំង៉ូវឡាក ស្រុកយ្វៀងហាយ ខេត្តត្រាវិញ បានចង្អុលការអនុវត្តល្អនូវការងារគ្រប់គ្រងបង្ការបង្រ្កាបជំងឺឆ្លងរាលដាលលើដំណាំសត្វចិញ្ចឹម ជួយកសិករបង្កើនប្រាក់ចំណូល លំនឹងជីវភាព។

កសិករខ្មែរនៅឃុំង៉ូវឡាកកំពុងប្រមូលផលដំណាំ។

បច្ចុប្បន្ន កសិករឃុំង៉ូវឡាក កំពុងចិញ្ចឹមបសុសត្វជាង៥៥.៨០០ក្បាល។ ក្នុងនោះ គោ៤.១៦៥ក្បាល ជ្រូក៦.៨៥០ក្បាល ទា មាន់ជាង៣៥.០០០ក្បាល។ ហ្វូងបសុសត្វរងការខាតសរុបប្រហែល២០% ប៉ុណ្ណោះ កាត់បន្ថយ២៥%បើប្រៀបនឹងរយៈពេលដូចគ្នាក្នុងឆ្នាំកន្លង។ ចំពោះជលផល មានប្រជាជនចិញ្ចឹមប្រមាណ៧៣៣គ្រួសារសព្វថ្ងៃកំពុងប្រមូលផលបង្កង បង្គារនាគ សរុបផ្ទៃដីចិញ្ចឹមជាង៩៦៦,៥ហិកតា ប៉ាន់ស្មានបរិមាណផលសម្រេចបានគឺ១៥០តោន (រងការខាតប្រមាណ១២,២៣លានក្បាល ថយចុះ៣០% បើប្រៀបនឹងរយៈពេលដូចគ្នា ក្នុងឆ្នាំកន្លង)។ សម្រេចបានលទ្ធផលដូចខាងលើ គឺអាស្រ័យឃុំអនុវត្តបានល្អនូវការងារបង្ការបង្រ្កាបជំងឺឆ្លងរាលដាលផ្សេងៗលើ ដំណាំសត្វចិញ្ចឹមចាប់តាំងពីដើមរដូវមក។ តួយ៉ាងដូចការរៀបចំចាក់វ៉ាក់សាំងបង្ការតាមកំណត់លើបសុសត្វ និងណែនាំមាមីងនូវរបៀបបង្ការជំងឺ អនាម័យបរិស្ថានជ្រះស្អាត សុវត្ថិភាព។ល។

គណៈកម្មការកសិកម្មឃុំ បានសហការជាមួយនឹងផ្នែកសមត្ថកិច្ចនានា រៀបចំហ្វឹកហាត់អំពីរបៀបបង្ការបង្រ្កាបជំងឺនិងដង្កូវក្រា លើដំណាំគ្រប់ប្រភេទរបៀបជ្រើសពូជនិងប្រភេទដំណាំឆ្លើយតបតម្រូវការទីផ្សារក្នុងឱកាសបុណ្យចូលឆ្នាំ មានដូច៖ ស្ពៃផ្កា ម្រះបន្លែបង្ការគ្រប់ប្រភេទ។ល។ សព្វថ្ងៃ អាកាសធាតុមានការប្រែប្រួលស្មុគស្មាញជួនកាល មេឃស្រទំបង្អុរភ្លៀង ជាហេតុបណ្តាលឲ្យកើតជំងឺនិងដង្កូវក្រាបង្កអន្តរាយលើដំណាំគ្រប់ប្រភេទ។ អាស្រ័យហេតុដូច្នោះ ផ្នែកកសិកម្មឃុំបានណែនាំកសិករឧស្សាហ៍ពិនិត្យ ដំណាំគ្រប់ប្រភេទ ដើម្បីបង្ការទប់ស្កាត់បានទាន់ពេល។ បងថាច់ធន នៅភូមិសំពោង សក់ធំ ឲ្យដឹង៖ “ខ្ញុំដាំខ្ទឹមស្លឹក១កុង គូឆាយ ស្ពៃ សាឡាត ជីចំនួន២កុង។ ខ្ញុំអនុវត្ត ដំណាក់កាលដាំបន្លែបង្ការទៅតាមផ្នែកឯកទេសក្រើនរំលឹក ម្ល៉ោះហើយដំណាំគ្រប់ប្រភេទរបស់ខ្ញុំមានការលូតលាស់ល្អ។ ឥឡូវគ្រួសារខ្ញុំកំពុងប្រមូលផលដំណាំលក់ក្នុងតម្លៃពី៧ដល់១០ពាន់ដុង/គីឡូក្រាម គិតមធ្យមភាគគ្រួសារខ្ញុំរកបានប្រាក់ចំណូល៦០០ពាន់ដុង/ថ្ងៃ”។

បងង្វៀនវុាំងសី កម្មាភិបាលផ្នែកកសិកម្ម ឃុំង៉ូវឡាក ឲ្យដឹង៖ ដើម្បីម្ចាស់ការនូវរាល់វិធានការបង្ការបង្រ្កាបជំងឺឆ្លងរាលដាលឲ្យហ្វូងបសុសត្វ ក៏ដូចជាដំណាំគ្រប់ប្រភេទឃុំបានណែនាំមាមីងវិនិច្ឆ័យបរិស្ថាន ម្ចាស់ការចាក់វ៉ាក់សាំងឲ្យហ្វូងសត្វចិញ្ចឹម បង្កើនការថែបំប៉នឲ្យបានល្អ ដើម្បីបង្កើនអង្គបដិបក្ខ ធានាសុវត្ថិភាពជំងឺឆ្លងរាលដាល។ ចំពោះដំណាំគ្រប់ប្រភេទ សំណូមពរកសិករគប្បីជ្រើសពូជល្អមុនពេលដាក់ដាំ គួបផ្សំជាមួយនឹងបាចជីឲ្យមានតុល្យភាព មិនបាចជីលើសជាតិអាស្សូត។ ទន្ទឹមនឹងនោះ ក្រើនរំលឹកកសិករកាត់បន្ថយការប្រើប្រាស់ថ្នាំការពាររុក្ខជាតិ។ ប្រសិនបើប្រើ គប្បីអនុវត្តតាមលក្ខណៈត្រូវតាម៤យ៉ាង៖ ត្រូវចំថ្នាំ ត្រូវបរិមាណត្រូវពេលនិងត្រូវរបៀប”៕

សុើងម៉ាល័យ-សេរី

ចែករំលែកអត្ថបទ

ពាក្យគន្លឹះ