សន្តិសុខ - ការពារប្រទេស សន្តិសុខ

10/04/2018 - 14:06

នគរបាលក្រុងកឹងធើ ជូនអំណោយពិនិត្យជំងឺ ផ្ដល់ថ្នាំ ដោយឥតគិតថ្លៃដល់មាមីងក្រីក្រ ឃុំថើយហឹុង ស្រុកកើ-ដ

ការិយាល័យសន្តិសុខនយោបាយផ្ទៃក្នុង (PA83) នគរបាលក្រុងកើងធើ សហការជាមួយមន្ទីរពេទ្យហ្វាងម៉ីគឺវឡុង និងដំណាក់សុខាភិបាលភូមិភាគ រៀបចំពិនិត្យសុខភាព ផ្ដល់ថ្នាំដោយឥតគិតថ្លៃនិងជូនអំណោយចំនួន៣០០ចំណែកដល់គ្រួសារស្ថិតក្នុងក្របខ័ណ្ឌគោលនយោបាយ គ្រួសារក្រីក្រលើភូមិសាស្រ្តឃុំថើយហឹុង ស្រុកកើ-ដ។ នេះជាការពិនិត្យជំងឺ ផ្ដល់ថ្នាំជូនអំណោយក្នុងចង្កោមសកម្មភាពអបអរ សាទរចលនាប្រឡងប្រណាំង"ក្នុងមួយថ្ងៃធ្វើបានការងារល្អមួយ" ខួបអនុស្សាវរីយ៍៧០ឆ្នាំ អនុវត្តឱវាទ៦ប្រការដែលលោកប្រធានហូជីមិញទូន្មានកងកម្លាំងនគរបាលប្រជាជន (១១/៣/១៩៤៨-១១/៣/២០១៨) ខួបអនុស្សាវរីយ៍៧០ឆ្នាំ ទិវាថ្ងៃលោកប្រធានហូជីមិញអំពាវនាវប្រឡងប្រណាំងស្នេហាជាតិ (១១/៦/១៩៤៨-១១/៦/២០១៨) ឆ្ពោះទៅទិវាប្រពៃណីកងកម្លាំងនគរបាលសន្តិសុខនយោបាយផ្ទៃក្នុង (១០/៥/១៩៥៨-១០/៥ ២០១៨)។

វរសេនីយ៍ឯក បម្រុងឌិញវុាំងណឺយ នាយករងនគរបាលក្រុងកឹងធើ ជូនថវិកាឧបត្ថម្ភផ្ទះមនោសញ្ចេតនាមិត្តរួមកងដល់អនុសេនីយ៍ឯកដាំងក្វាងពុង។

ចូលរួមក្នុងឱកាសជូនអំណោយ វរសេនីយ៍ ឯកបម្រុងឌិញវុាំងណឺយ នាយករងនគរ បាលក្រុងកឹងធើ ឲ្យដឹង៖ "រយៈពេលកន្លង ប្រជាជននៅលើភូមិសាស្រ្តក្រុង ក្នុងនោះ មានប្រជាជនឃុំថើយហឹុង តែងគាំទ្រ ជំនួយដល់កងកម្លាំងនគរបាល និងសកម្មចូលរួមចលនាទូទាំងប្រជាជនការពារសន្តិសុខមាតុភូមិ រួមចំណែករក្សាសន្តិសុខ សណ្ដាប់ធ្នាប់លើភូមិសាស្រ្ត។ ការធ្វើសកម្មភាពលើកនេះ គឺជាឱកាសដើម្បីកងកម្លាំងនគរបាលក្រុងថ្លែងអំណរគុណចំពោះស្នាដៃរួមចំណែករបស់ប្រជាជនក្នុងឃុំ និងចែក រំលែកភាពលំបាក អម្រែកក្នុងជីវភាពជាមួយមាមីង។ សមមិត្ត នាយករងនគរបាល ក្រុងកឹងធើ បញ្ជាក់ ក្នុងរយៈពេលខាងមុខ កងកម្លាំងនគរបាលនឹងបន្តការប្រកៀកស្មាជាមួយប្រជាជនប្ដេជ្ញាចិត្តរក្សាសន្តិសុខ នយោបាយសណ្ដាប់ធ្នាប់សុវត្ថិភាពសង្គម ដើម្បីមាមីងលំនឹងចិត្តបង្កបង្កើនផល។ បានដឹងថាលើកនេះ នគរបាលក្រុងកឹងធើ ចលនាសប្បុរសជនជូនអំណោយចំពោះគ្រួសារគោលនយោបាយ គ្រួសារក្រីក្រ រួមមានអំណោយចំនួន៣០០ចំណែកនិងថ្នាំពេទ្យ៣០០ចំណែកសរុបទឹកប្រាក់ជាង៧០លានដុង។

នគរបាលក្រុងកឹងធើ ក៏បានជូនថវិកា ឧបត្ថម្ភសង់ផ្ទះមនោសញ្ចេតនាមិត្តរួមកងសរុបទឹកប្រាក់៤៥លានដុងដល់អនុសេនីយ៍ ឯកដាំងក្វាងពុង កម្មាភិបាលការិយាល័យសន្តិសុខនយោបាយផ្ទៃក្នុងដែលមានស្ថានភាពលំបាកខាងលំនៅឋាន៕

ក្វឹកហ៊ុង (ការិយាល័យ PX15 នគរបាលក្រុងកឹងធើ)-ទីទុយ

ចែករំលែកអត្ថបទ

ពាក្យគន្លឹះ