សុខភាព - អប់រំ សុខភាព

03/04/2018 - 14:49

ស័ក្ដិសមនឹងក្ដីជំនឿទុកចិត្តរបស់អ្នកជំងឺ

មន្ទីរពេទ្យយោធា-ប្រជាជនខេត្តសុកត្រាំង បានបង្កើតកាលពីឆ្នាំ២០១១។ នេះជាមន្ទីរពេទ្យចុងក្រោយបង្អស់ចំណុះយោធភូមិភាគទី៩ មានភារៈពិនិត្យព្យាបាលជំងឺជូនយុទ្ធជនពិការ យុទ្ធជនជំងឺ មុខសញ្ញាគោលនយោបាយ ប័ណ្ណធានារ៉ាប់រងសុខាភិបាល និងប្រជាជននៅលើភូមិសាស្រ្តខេត្តសុកត្រាំង។

មន្ទីរពេទ្យយោធា-ប្រជាជនខេត្តសុកត្រាំង ជូនអាហារមនុស្សធម៌ដល់មាមីង។

តាមប្រសាសន៍វរសេនីយ៍ ឯកបម្រុង វេជ្ជបណ្ឌិតហ្វិញហូវទ្រី នាយកមន្ទីរពេទ្យយោធា-ប្រជាជនខេត្តសុកត្រាំង ឆ្នាំកន្លងហើយ ដោយការយកចិត្តទុកដាក់របស់បញ្ជាការដ្ឋានយោធភូមិភាគទី៩តែងចង្អុលការដោយផ្ទាល់ គឺបញ្ជាការយោធាខេត្តសុកត្រាំង រួមជាមួយការសហការការជំនួយរបស់គណៈ ផ្នែកនិងភូមិភាគនានា ម៉្លោះហើយមន្ទីរពេទ្យមានការអភិវឌ្ឍគ្រប់ជ្រុងជ្រោយ។ មន្ទីរពេទ្យ មានកងជួរកម្មាភិបាល គ្រូពេទ្យមានវិជ្ជាឯកទេសខ្ពស់ អស់ពីចិត្តពីថ្លើមចំពោះការងារ; មូលដ្ឋាន សម្ភារៈគ្រឿងបរិក្ខារពេទ្យបានវិនិយោគ តាមទិសដៅទំនើបៗ ម៉្លោះហើយ ឆ្លើយតបនឹងតម្រូវការពិនិត្យ ព្យាបាលជំងឺជូនប្រជាជនពីមួយថ្ងៃទៅមួយថ្ងៃកាន់តែល្អប្រសើរ។

គណៈនាយកមន្ទីរពេទ្យតែងបង្កើនការចលនាក្នុងការគ្រប់គ្រង ចង្អុលការអប់រំក្រមសីលធម៌គ្រូពេទ្យដល់កងជួរគ្រូពេទ្យនិងកម្មាភិបាល បុគ្គលិក ធ្វើឲ្យអ្នកទាំងនោះមានការយល់ដឹងត្រឹមត្រូវពីភារកិច្ចនិងស្មារតីភ្ញាក់រឭក ការទទួលខុសត្រូវរបស់គ្រូពេទ្យយោ ធា។ ក្នុងរយៈការអប់រំ តែងយកចិត្តទុកដាក់ដល់ការផ្លាស់ប្ដូរខ្លឹមសារ រូបភាពវិធី ដើម្បីសមស្របនឹងភាពជាក់ស្ដែង។ មន្ទីរពេទ្យតែងចង្អុលការអនុវត្តល្អនូវគោលលំនាំ៖ “ចូលមកទទួលរាក់ទាក់ ស្នាក់នៅថែទាំអស់ពីចិត្ត ចេញទៅផ្ដែផ្ដាំហ្មត់ចត់” ក្លាយជាទម្លាប់រាល់ថ្ងៃរបស់កម្មាភិបាល គ្រូពេទ្យ បុគ្គលិករបស់មន្ទីរពេទ្យ។

ឆ្នាំ២០១៧ មន្ទីរពេទ្យពិនិត្យនិងព្យាបាលជំងឺ២០៤.៨១៧នាក់ (ក្នុងនោះ យោធាចំនួន១.៣៩១នាក់)។ អ្នកជំងឺឌិញរី នៅឃុំដាយតឹម ស្រុកម៉ីស្វៀង ឲ្យដឹង៖ “ខ្ញុំរងជំងឺលើសសម្ពាធឈាម ទឹកនោមផ្អែម និងរលាកទងសួត ម៉្លោះហើយដេកពេទ្យតាមរបបធានារ៉ាប់រងសុខាភិបាល។ ក្នុងរយៈពេលដេកពេទ្យ ខ្ញុំមិនបង់ថ្លៃពេទ្យនិងការហូបចុក។ ខ្ញុំអរគុណកងជួរគ្រូពេទ្យខ្លាំងណាស់”។ លោកយាយសុើងធីថង នៅឃុំអាងម៉ី ស្រុកកេសាច់ មានកូនស្រីច្បងឈ្មោះថាច់ធីស៊ីណា ពិការពីកំណើត។ ផ្ទះលោកយាយក្រីក្រ ម៉្លោះហើយជាង៣៦ឆ្នាំកន្លង លោកយាយនិងកូនជួបលំបាក យ៉ាងខ្លាំង។ ចាប់តាំងពីមកព្យាបាលនៅមន្ទីរពេទ្យដោយមិនបង់ថ្លៃ កងជួរគ្រូពេទ្យតែងយកចិត្តទុកដាក់ថែទាំ។ លោកយាយថង ឲ្យដឹងដោយក្ដីរីករាយ៖ “ខ្ញុំមិនដឹង និយាយអ្វីក្រៅពីអរគុណមន្ទីរពេទ្យនិងកងជួរគ្រូពេទ្យឡើយ។ បន្ទាប់ពីព្យាបាលបាន១៧ថ្ងៃ ជំងឺរបស់កូនខ្ញុំបានធូរស្រាលគ្រាន់បើ”។

ក្រៅពីយកចិត្តទុកដាក់ថែទាំព្យាបាលឲ្យអ្នកជំងឺក្រីក្រ មន្ទីរពេទ្យយោធា-ប្រជាជន ជានិច្ចកាលតែងរៀបចំពិនិត្យ ព្យាបាលដោយមិនគិតថ្លៃជូនអ្នកជំងឺក្រីក្រ អ្នកមានសគុណ អ្នកមានវ័យចំណាស់នៅតំបន់ជ្រៅ តំបន់ឆ្ងាយ តំបន់មានជនរួមជាតិភាគតិចរស់នៅកុះករ៕

ត្រឿងផល-ទីទុយ

ចែករំលែកអត្ថបទ

ពាក្យគន្លឹះ