គោលនយោបាយ -ការរស់នៅ គោលនយោបាយ

26/02/2018 - 20:05

ជនរួមជាតិខ្មែរខេត្តកៀងយ៉ាងត្រេកអរនឹងកម្មវិធី១៣៥

មកទល់ពេលនេះ កម្មវិធី១៣៥របស់រដ្ឋាភិបាល បានរួមចំណែកកាត់បន្ថយភាពក្រីក្រ និងអភិវឌ្ឍសេដ្ឋកិច្ចនៅខេត្តកៀងយ៉ាង ទទួលបានជោគជ័យ។

ដងផ្លូវចូលទៅភូមិស្រុកនៅឃុំភូម៉ី ស្រុកយ៉ាងថាញ់ បានក្រាលបេតុងរួចរាល់។

ខេត្តកៀងយ៉ាង មានគ្រួសារជនរួមជាតិខ្មែររស់នៅឈរលេខ៣នៅតំបន់វាលរាបទន្លេគឺវឡុងស្រូបអត្រា១២,៤៩% នៃប្រជាជនរួមទូទាំងខេត្ត។ រយៈកាលកន្លង ដោយប្រភពទុនរបស់មជ្ឈិមនិងភូមិភាគ ដើម្បីអនុវត្តនូវគម្រោងគោលនយោបាយ ចំណុះកម្មវិធី១៣៥ ខេត្តបានវិនិយោគទុនកសាងហេដ្ឋារចនាសម្ព័ន្ធ ដោយថវិកាសរុបជាង១៦៩,៩ពាន់លានដុង។ ដោយឡែកអនុវត្តកម្មវិធីដំណាក់កាល២០១១-២០១៥ ខេត្តកៀងយ៉ាង បានផ្គត់ផ្គង់ប្រាក់សម្រាប់កសាងហេដ្ឋារចនាសម្ព័ន្ធចំនួន៥៧,២ពាន់លានដុង និងគម្រោងអភិវឌ្ឍផលិតកម្មចំនួន៩,៩៤ពាន់លានដុង។

តាមផ្លូវជាតិ១ ទៅដល់ឃុំភូម៉ី ស្រុកតំបន់ព្រំដែនយ៉ាងថាញ់ រូបភាពផ្ទះបណ្ដោះអាសន្ននៅតំបន់តាំងទីលំនៅហាយ៉ាង បានជំនួសដោយផ្ទះឥដ្ឋរឹងមាំង; ទន្ទឹមនឹងនោះ ហាងលក់ដូរក៏បានសាងសង់ឡើងច្រើនជាងមុន។ សេដ្ឋកិច្ច- សង្គមកិច្ចឃុំភូម៉ីឥឡូវមានការផ្លាស់ប្តូរយ៉ាងប្រត្យក្ស សំណង់ហេដ្ឋារចនាសម្ព័ន្ធជាច្រើនបើកឲ្យប្រើប្រាស់ពង្រីកប្រសិទ្ធភាពល្អ គ្រួសារក្រីក្រពីមួយថ្ងៃទៅមួយថ្ងៃកាន់តែថយចុះជាលំដាប់កម្រិតប្រជាបញ្ញាបានលើកកម្ពស់ជាបណ្ដើរៗ។ តាមប្រសាសន៍របស់លោកឡេវាំុងម៉ុង លេខាគណៈកម្មាធិការបក្សឃុំភូម៉ី ឲ្យដឹង៖ អនុវត្តកម្មវិធី១៣៥ គិតដោយឡែក ឆ្នាំ២០១៦ ឃុំបានផ្គត់ផ្គង់ប្រាក់១ពាន់លានដុង សម្រាប់កសាងផ្លូវគមនាគមន៍ជនបទនិងជាង៣១២លានដុង សម្រាប់អនុវត្តគម្រោងអភិវឌ្ឍផលិតកម្មជូនគ្រួសារជនរួមជាតិខ្មែរ៤៤គ្រួសារនិងគ្រួសារជនជាតិកិញ១៤គ្រួសារ។

កម្មវិធី១៣៥ បានរួមចំណែកអភិវឌ្ឍសេដ្ឋកិច្ច-សង្គមកិច្ចនៅឃុំលំបាកពិសេស ពង្រីកប្រភពកម្លាំងរបស់ប្រជាជន រួមចំណែកយ៉ាងសំខាន់ធ្វើផ្លាស់ប្តូរមុខមាត់នៅតំបន់ជនបទ តំបន់ជនរួមជាតិ; ជីវភាពរបស់ប្រជាជន ពិសេសគឺជនរួមជាតិខ្មែរបានកែលម្អអត្រាគ្រួសារក្រីក្រកាត់បន្ថយមធ្យមភាគពី២-៣%/ឆ្នាំ; ទម្លាប់និងបច្ចេកទេសផលិតកម្មមានការវិវឌ្ឍន៍; កងជួរកម្មាភិបាលមូលដ្ឋានបានបណ្ដុះបណ្តាលបំពាក់បំប៉នបង្កើនខាងសមត្ថភាពគ្រប់គ្រង។

តាមគណៈជនជាតិខេត្តកៀងយ៉ាង ពេលខាងមុខភូមិភាគនឹងបន្តការប្រើប្រាស់ដោយប្រសិទ្ធភាពប្រភពទុនរបស់កម្មវិធី១៣៥ និងកៀរគររាល់ប្រភពកម្លាំង ដើម្បីអនុវត្តផ្គួបបញ្ចូលប្រភពទុនផ្សេងៗ សម្រាប់អភិវឌ្ឍតំបន់មានជនរួមជាតិភាគតិចរស់នៅកុះករ៕

ឡេស៊ាង-វិមាន

ចែករំលែកអត្ថបទ

ពាក្យគន្លឹះ