គោលនយោបាយ -ការរស់នៅ គោលនយោបាយ

15/02/2018 - 10:19

ព្រះតេជព្រះគុណចៅអធិការសេីុងយ៉ែ

ព្រះតេជព្រះគុណចៅអធិការសេីុងយ៉ែ និងគណៈកម្មការវត្តមហាពោធិវន្ត (តាធៀវ) សហការជាមួយនឹងគណៈកម្មាធិការរណសិរ្សមាតុភូមិវៀតណាម ទីប្រជុំជនកូវកែ ស្រុកកូវកែ ខេត្តត្រាវិញ ផ្សព្វផ្សាយអនុវត្តនូវទម្រង់រូបភាព”សហការឃោសនាគោលនយោបាយ ច្បាប់ក្នុងមូលដ្ឋានសាសនាប្រកបដោយប្រសិទ្ធភាព“។

ព្រះតេជព្រះគុណសេីុងយ៉ែ ។

ព្រះតេជព្រះគុណ ព្រះចៅអធិការសេីុងយ៉ែ មានថេរដីកា៖ “ឆ្នាំ២០១០ អាត្មាឃើញកូនចៅមាមីងពុទ្ធបរិស័ទ និងយុវវ័យនៅតំបន់ជិតខាង ដូចចុងផ្នោ I ភូមិកំពង់មានជ័យ (ឃុំហ្វាតឹង) ភូមិសំណឹង ភូមិសុខា (ឃុំតាមង៉ាយ) តែងបង្កពួកបក្ស សេពគប់នឹងជនពាលអាវាសែ មិនគិតគូរធ្វើការរកស៊ី បង្កឲ្យខូចសណ្ដាប់ធ្នាប់ជាដើម។ ហេតុនេះហើយ អាត្មាតែងអញ្ជើញពុទ្ធបរិស័ទចំណុះជើងវត្តចូលរួម ដើម្បីទេសនា ពន្យល់ពីសីលធម៌រស់នៅតាមទ្រឹស្តីពុទ្ធសាសនា ដូចជាវិភាគវែកញែកនូវប្រការដែលគាប់ប្រសើរ ដើម្បីម្ដាយឪពុកមានកូនប្រព្រឹត្តល្មើសច្បាប់ឬក៏ធ្លាក់ខ្លួនក្នុងបាបគ្រោះសង្គម ដើម្បីចៀសវាង។ អាត្មាបានជួយខ្នះខ្នែងអូសទាញ ពន្យល់គ្រួសារពុទ្ធបរិស័ទ រួមចំណែកជួយកូនចៅពុទ្ធបរិស័ទមិនឲ្យធ្លាក់ខ្លួនក្នុងបាបគ្រោះសង្គមឬបំពានច្បាប់ អាត្មាតែងចូលរួមសម្រុះសម្រួលការវិវាទសម្រេចរាប់សិបករណីនៅភូមិភាគ”។

មិនត្រឹមតែលើកយកទ្រឹស្ដីពុទ្ធសាសនាផ្ដល់ជាដំបូន្មានដល់ពុទ្ធបរិស័ទប៉ុណ្ណោះទេ ព្រះតេជព្រះគុណនិងអាចារ្យវត្តតែងចំណាយពេលផ្សព្វផ្សាយនូវគោលការណ៍របស់បក្ស គោលនយោបាយ ច្បាប់របស់រដ្ឋ; ផ្សព្វផ្សាយច្បាប់ចរាចរណ៍ផ្លូវគោក បង្ការបង្រ្កាបអំពើហិង្សាគ្រួសារ; ប្រឆាំងបាបគ្រោះសង្គមគ្រប់ប្រភេទ។ គណៈកម្មាធិការរណសិរ្សមាតុភូមិវៀតណាមទីប្រជុំជនកូវកែ បានសហការផ្សព្វផ្សាយនូវការងារបោះឆ្នោតជ្រើសប្រធាន អនុប្រធានគណៈកម្មការប្រជាជនអនុសង្កាត់ និងគួបផ្សំនឹងការបោះឆ្នោតជ្រើសសមាជិកគណៈអធិការកិច្ចប្រជាជនទីប្រជុំជន (អាណតិ្ត២០១៧-២០១៩)។ សហការជាមួយគណៈកសិកម្ម សមាគមកសិករណែនាំ ផ្ទេរជូនវិទ្យាសាស្រ្តបច្ចេកទេសក្នុងការផលិតកម្ម; ចលនា “ទូទាំងប្រជាជនសាមគ្គីកសាងជីវភាពវប្បធម៌ នៅមណ្ឌលតាំងទីលំនៅ”; ចលនា “ទូទាំងប្រជាជនសាមគ្គីកសាងជនបទថ្មី ក្រុងស៊ីវិល័យ”ជាដើម។ល។

លោកត្រឹងវាំុងសេីុង លេខាបក្សទីប្រជុំជនកូវកែ ឲ្យដឹង៖ “ទម្រង់រូបភាព “សហការផ្សព្វផ្សាយនូវគោលនយោបាយ ច្បាប់ក្នុងមូលដ្ឋានសាសនា” ដែលព្រះតេជព្រះគុណសេីុងយ៉ែ ចូលរួមគឺជាទម្រង់រូបភាពប្រជាចលនាប៉ិនប្រសប់ ដោយបានគណៈប្រជាចលនាទីប្រជុំជនវាយតម្លៃខ្ពស់ ពីលក្ខណៈប្រសិទ្ធភាពក្នុងការចលនា ផ្សព្វផ្សាយក្នុងជនរួមជាតិខ្មែរ។ ទម្រង់រូបភាពនេះ មិនត្រឹមតែមានប្រសិទ្ធភាពនៅលើភូមិសាស្រ្តទីប្រជុំជនប៉ុណ្ណោះទេ ថែមទាំងរីកសាយភាយទៅភូមិភាគជិតខាង។ ចាប់ពីពេលនោះ បានរួមចំណែកជាមួយរដ្ឋអំណាច អង្គការនៅភូមិភាគរក្សាខ្ជាប់សន្តិសុខសណ្ដាប់ធ្នាប់ កសាងភូមិសាស្រ្តសម្រេចបទដ្ឋានវប្បធម៌និងទីក្រុងស៊ីវិល័យ”៕

សឺនម៉ាល័យ-ទីទុយ

ចែករំលែកអត្ថបទ

ពាក្យគន្លឹះ