គោលនយោបាយ -ការរស់នៅ ការរស់នៅ

30/01/2018 - 10:11

ជីវភាពសេដ្ឋកិច្ចលំនឹងនៅហូវយ៉ាង

តាមប្រសាសន៍លោកគីហ៊ីវថាញ់ អនុប្រធានគណៈជនជាតិខេត្តហូវយ៉ាង ឆ្នាំកន្លងហើយ ស្ថានភាពសេដ្ឋកិច្ច-សង្គមក្នុងជីវភាពរបស់ជនរួមជាតិភាគតិចនៅលើភូមិសាស្រ្តមានភាពផ្លាស់ប្ដូរ និងសម្រេចលទ្ធផលជាក់ស្ដែង។

បងស្រីហុងតែងទៅចម្ការតាំងពីព្រឹកព្រលឹម។

ឆ្លងតាមរយៈនោះ ជីវភាពជនរួមជាតិភាគតិចបានកែលម្អ។ រាល់កម្មវិធី គម្រោងការអនុគ្រោះពិសេសរបស់រដ្ឋ បាននាំមកនូវប្រសិទ្ធភាពជាក់ស្ដែង រួមចំណែកបង្កើនគុណភាពជីវភាពសម្ភារៈនិងស្មារតីរបស់ជនរួមជាតិភាគតិច។ ក្រៅពីនោះ ការងារផ្សព្វផ្សាយ ចលនាក្នុងជនរួមជាតិភាគតិច តែងបានរដ្ឋអំណាចអង្គការមហាជនយកចិត្តទុកដាក់ផ្សព្វផ្សាយអនុវត្ត ម៉្លោះ ហើយមាមីងជនរួមជាតិភាគតិចតែងនឹងនរចិត្តក្នុងការផលិតនិងអនុវត្តល្អនូវគោលការណ៍ គោលនយោបាយរបស់បក្ស ច្បាប់របស់រដ្ឋ។ ការអនុវត្តនូវគោលនយោបាយ ឧបត្ថម្ភរបស់រដ្ឋបានទាន់ពេល និងប្រកបដោយសិទ្ធភាពធ្វើឲ្យជនរួមជាតិសប្បាយរីករាយ។ តួយ៉ាងដូចសេចក្ដីសម្រេចចិត្ត១០២/២០០៩/QĐ-TTg ស្ដីពីឧបត្ថម្ភដោយផ្ទាល់ដល់ជនរួមជាតិភាគតិចមានជីវភាពលំបាក ជាង៣ពាន់លានដុងត្រូវបានរំសាយ១០០%; គម្រោងឧបត្ថម្ភអភិវឌ្ឍផលិតកម្ម; ពង្រីកទម្រង់រូបភាពកាត់បន្ថយភាពក្រីក្រ ត្រូវបានរំសាយ១០០%។ល។។

លោកយ័ញវុាំងហ្វាង ប្រធានការិយាល័យជនជាតិស្រុកចូវថាញ់A ឲ្យដឹង គម្រោងអភិវឌ្ឍផលិតកម្មមិនត្រឹមតែជំនួយទុនប៉ុណ្ណោះទេ នៅទាំងឧបត្ថម្ភបច្ចេកទេសដើម្បីមាមីងធ្វើការរកស៊ីប្រកបដោយប្រសិទ្ធភាព។ បងស្រីថាច់ធីហុង នៅឃុំទ្រឿងឡុងA ស្រុកចូវថាញ់A រៀបរាប់៖ “ខ្ញុំមានដីចម្ការជាង១កុងដាំដើមឈើចម្រុះ ម៉្លោះហើយគ្មានផ្ដល់ចំណូលអ្វីឡើយ។ ពេលបានកម្មាភិបាលណែនាំបច្ចេកទេសនិងឧបត្ថម្ភទុនខ្ញុំប្ដេជ្ញាចិត្តកាប់ឆ្ការចម្ការចម្រុះនោះដើម្បីដាំដំណាំវិញ។ ខ្ញុំដាំរំលស់សណ្ដែកកួរ ក្រោយពីននោងរោយអស់ផ្លែ សណ្ដែកនឹងវារឡើងទ្រើងជាបន្ត។ រាល់ថ្ងៃននោងតែងផ្ដល់ចំណូលឲ្យខ្ញុំជាង១០០.០០០ដុង។ ក្បែរនឹងទ្រើងននោង ខ្ញុំដាំស្ពៃក្ដោបនិងបន្លែផ្សេងៗ ម៉្លោះហើយតែងមានចំណូលបន្ថែម។ ក្រោយពីកែប្រែដីបានមួយរយៈនិងសន្សំបានប្រាក់ខ្ញុំនឹងដាំដើមស្វាយ”។

ទម្រង់រូបភាពដាំឆ្លាស់គ្នាយកខ្លីចិញ្ចឹមវែង តែងបានអ្នកចម្ការនៅហូវយ៉ាងអនុវត្តល្អ។ តាមបណ្ដោយប្រឡាយភូមិដែលមានជនរួមជាតិខ្មែររស់នៅកុះករ នៅឃុំទ្រឿងឡុង ឃុំតឹងហ្វា ទីប្រជុំជនបៃង៉ាងជាដើម នឹងពេលដើមស្វាយចាប់ផ្ដើមអំណោយផល។ ប្រជាជនអនុវត្តបច្ចេកទេសដាំដុះតាមការណែនាំនោះ គឺផ្លែស្វាយត្រូវបានវេចខ្ចប់យ៉ាងប្រយ័ត្នប្រយែងដោយក្រដាសឧស្សាហកម្ម។ លោកថាច់ហ្វា នៅទីប្រជុំជនបៃង៉ាង ស្រុកចូវថាញ់ ឲ្យដឹង៖ “របៀបវេចខ្ចប់នេះជួយឲ្យផ្លែស្វាយមិនខ្ទាំ ហើយរលីងយង់លក់ បានថ្លៃ។ ទន្ទឹមនឹងនោះ ប្រិតសំចៃប្រាក់ចំណាយបាញ់ថ្នាំការពាររុក្ខជាតិ។ ហេតុនេះហើយ អ្នកចម្ការមានប្រាក់ចំណូលកាន់តែខ្ពស់”៕

ហាថាញ់-ទីទុយ

ចែករំលែកអត្ថបទ

ពាក្យគន្លឹះ