ព្រឹត្តិការណ៍ - នយោបាយ នយោបាយ

11/12/2017 - 16:08

មជ្ឈិមនឹងបង្កើនការវិនិយោគអភិវឌ្ឍហេដ្ឋារចនាសម្ពន្ធដល់ក្រុងកឹងធើ

អញ្ជើញចូលរួម និងមានប្រសាសន៍ចង្អុលការក្នុងសម័យប្រជុំលើកទី៧ ក្រុមប្រឹក្សាប្រជាជនក្រុងកឹងធើ-នីតិកាល IX លោកស្រីង្វៀនធីគឹមង៉ឹង សមាជិកការិយាល័យនយោបាយ ប្រធានរដ្ឋសភា សម្ដែងមោទនភាពចំពោះលទ្ធផលដែលសម្រេចបានរបស់ក្រុងកឹងធើ។ ភាគកម្រិតសំខាន់ៗ តែងអនុវត្តសម្រេចនិងសម្រេចលើសផែនការដាក់ចេញ ក្នុងនោះ ផលិតផលសរុបលើភូមិសាស្រ្តកើនខ្ពស់ជាងកម្រិតកំណើនមធ្យមភាគទូទាំងប្រទេសនិងខេត្តមួយចំនួនក្នុងតំបន់។

លោកស្រីប្រធានរដ្ឋសភា ង្វៀនធីគឹមង៉ឹង ជួបសំណេះសំណាលជាមួយនឹងអតីតថ្នាក់
ដឹកនាំក្រុងកឹងធើ ក្នុងសម័យប្រជុំលើកទី៧ ក្រុមប្រឹក្សាប្រជាជនក្រុងកឹងធើ។

ប្រធានរដ្ឋសភា ចែករំលែក ទោះបីជាទីក្រុងប្រភេទលេខមួយចំណុះមជ្ឈិមក៏ពិតមែន ប៉ុន្តែ កម្រិតអភិវឌ្ឍទីក្រុងរបស់ក្រុងកឹងធើនៅទាប។ ការិយាល័យនយោបាយ បានធ្វើការបូកសរុបចំៗក្នុងឆ្នាំ២០១៧ គប្បីថ្លឹងថ្លែងក្នុងការធានាតួលេខនៃការវិនិយោគទុនដើម្បីក្រុងកឹងធើកសាងដោយប្រភពទុនរបស់មជ្ឈិម សំដៅធានាក្នុងការទាញយកផល ពង្រីកនូវរាល់ប្រភពកម្លាំងដើម្បីកសាងក្រុងកឹងធើក្លាយជាទីក្រុងស្នូល មានតួនាទីជាមជ្ឈមណ្ឌលជំរុញការអភិវឌ្ឍនៅតំបន់វាលរាបទន្លេគឺឡុង។

“ដំណឹងល្អនេះ មិនមែនសម្រាប់តែប្រជាជនក្រុងកឹងធើប៉ុណ្ណោះទេ គឺសម្រាប់តំបន់វាលរាបទន្លេគឺវឡុងទាំងមូល។ នេះគឺជាមូលដ្ឋានគ្រឹះដើម្បីក្រុងកឹងធើ ឆាប់បានក្លាយជាទីក្រុងមជ្ឈមណ្ឌល ជាគន្លឹះសំខាន់សម្រាប់ទូរគមនាគមន៍ក្នុងតំបន់ និងអន្តរទូរគមនាគមន៍អន្តរជាតិ ក្លាយជាភូមិសាស្រ្តស្នូល រក្សាគោលជំហរយុទ្ធសាស្រ្តអំពីការការពារប្រទេស-សន្តិសុខរបស់តំបន់ និងទូទាំងប្រទេស ស្របតាមស្មារតីនៃសេចក្ដីសម្រេចលេខ៤៥-NQ/TW របស់ការិយាល័យនយោបាយ “-លោកស្រីប្រធានរដ្ឋសភាបានបញ្ជាក់ដូច្នេះ។

នាសម័យប្រជុំ ប្រធានគណៈកម្មាធិការប្រជាជនក្រុងកឹងធើ វ៉ថាញ់ថុង បានរាយការណ៍ពីលទ្ធផល នៃការអនុវត្តសេចក្ដីសម្រេចរបស់ក្រុមប្រឹក្សាប្រជាជនក្រុងកឹងធើ ស្ដីពីសេដ្ឋកិច្ច-សង្គម និងការការពារប្រទេស-សន្តិសុខឆ្នាំ២០១៧។ ឆ្លងតាមរយៈនោះ សេដ្ឋកិច្ចក្រុងបន្តរក្សាកម្រិតកំណើនខ្ពស់ រចនាសម្ព័ន្ធសេដ្ឋកិច្ចបង្វែរចំទិសដៅភាគកម្រិតសំខាន់ៗតែងអនុវត្តសម្រេចនិងសម្រេចលើសផែនការដាក់ចេញ។ ក្នុងចំណោមភាគកម្រិតចំនួន១៣ ស្ដីពីសេដ្ឋកិច្ច-សង្គមដែលអនុវត្តសម្រេច និងសម្រេចលើសផែនការដាក់ចេញប្រការសំខាន់បំផុត គឺមធ្យមភាគលើមនុស្សម្នាក់សម្រេច៧២,៩៦លានដុង។ ផលិតផលសរុបលើភូមិសាស្រ្តកើន៧,៨៣%បើប្រៀបនឹងឆ្នាំ២០១៦។ សរុបការប្រមូលថវិការដ្ឋលើភូមិសាស្រ្តសម្រេច១៧.២៨១ពាន់លានដុង លើស៣២,៥% នៃការគណនាដែលបានប្រគល់ឲ្យ។ សរុបការចំណាយថវិកាភូមិភាគ១១.៥៣៨ ពាន់លានដុង សម្រេច១១៤,៧%នៃការគណនាដែលមជ្ឈិមប្រគល់ឲ្យនិងសម្រេច១០០,៣% នៃការគណនាដែលគណៈកម្មាធិការប្រជាជនក្រុងប្រគល់ឲ្យកើន១៧,៣% បើប្រៀបនឹងឆ្នាំ២០១៦។

សម័យប្រជុំលើកទី៧ ក្រុមប្រឹក្សាប្រជាជន បានពិភាក្សា ពិនិត្យចេញសេចក្ដីសម្រេចនូវខ្លឹមសារសំខាន់ៗ សំដៅជំរុញការអភិវឌ្ឍសេដ្ឋកិច្ច-សង្គម ធានាកិច្ចការការពារប្រទេស-សន្តិសុខរបស់ក្រុងកឹងធើ ក្នុងឆ្នាំ២០១៨និងបណ្ដាឆ្នាំបន្តបន្ទាប់៕

ថាញ់ផុង-ពេជ្រសឿន

ចែករំលែកអត្ថបទ

ពាក្យគន្លឹះ