គោលនយោបាយ -ការរស់នៅ គោលនយោបាយ

27/11/2017 - 15:30

លើកកម្ពស់សមត្ថភាពជូនកម្មាភិបាលបំពេញការងារជនជាតិ

គណៈកម្មាធិការជនជាតិ ទើបរៀបចំសិក្ខាសាលារួមយោបល់លើពង្រៀង”កម្មវិធីបំប៉នចំណេះដឹងអំពីជនជាតិភាគតិចជូនកម្មាភិបាល បុគ្គលិករដ្ឋ តាមមុខសញ្ញា៤ក្រុម ” ។

ខិតខំដល់ឆ្នាំ២០២៥ មានកម្មាភិបាលទាំង១០០%បានបំប៉នចំណេះដឹងខាងជនជាតិភាគតិច។

នាយករដ្ឋមន្រ្តីនៃរដ្ឋាភិបាល បានប្រគល់ជូនគណៈជនជាតិធ្វើអធិបតី សហការជាមួយនឹងក្រសួង ផ្នែកនិងភូមិភាគនានា កសាងគម្រោងកម្មវិធីបំប៉នចំណេះ ដឹងខាងការងារជនជាតិ ស្របនឹងតម្រូវការកំណត់ទិសដៅភារកិច្ច និងវិធានការដោះស្រាយជាសារវន្តនិងប្រកបដោយលក្ខណៈពិសេស។ ព្រមជាមួយនោះ មុខសញ្ញាបំប៉នចំណេះដឹងជនជាតិភាគតិច រួមមាន៖ កម្មាភិបាល បុគ្គលិករដ្ឋ ថ្នាក់ដឹកនាំក្រសួង ផ្នែក ថ្នាក់ដឹកនាំនាយកដ្ឋាន ថ្នាក់ការិយាល័យ និងថ្នាក់ប្រហែលគ្នា; កម្មាភិបាលថ្នាក់ខេត្តនិងប្រហែលគ្នា; កម្មាភិបាល បុគ្គលិករដ្ឋដឹកនាំថ្នាក់ការិយាល័យនិងប្រហែលគ្នា; កម្មាភិបាលមិនមែនក្នុងតំណែងដឹកនាំ។ វិសាលភាពនៃគម្រោងនឹងបានអនុវត្តនៅខេត្ត ក្រុង ចំនួន៥២ តំបន់ដែលមានជនជាតិភាគតិចរស់នៅកុះករចំណុះមជ្ឈិម។ កម្មវិធីបំពាក់បំប៉ននឹងផ្ដល់ជូនសិក្ខាកាមចំណេះដឹងជាសារវន្តស្ដីពីជនជាតិភាគតិច ជួយកម្មាភិបាល បុគ្គលិករដ្ឋ បានយល់ដឹងអំពីវប្បធម៌ជនជាតិភាគតិច អំពីគោលនយោបាយជនជាតិរបស់បក្ស រដ្ឋ; បំពាក់បំប៉នសមត្ថភាពជូនកម្មាភិបាល បុគ្គលិករដ្ឋក្នុងដំណើរការផ្សព្វផ្សាយអនុវត្តការងារជនជាតិ។ រយៈពេលនៃកម្មវិធីរៀនគឺ៤ដល់៥ថ្ងៃ ទៅតាមក្រុមមុខសញ្ញានីមួយ។ ខិតខំដល់ឆ្នាំ២០២០ តិចបំផុតកម្មាភិបាល បុគ្គលិករដ្ឋចំនួន៣០%យោងតាមក្រុមមុខសញ្ញាបានបំប៉ន ចំណេះដឹងខាងជនជាតិភាគតិច។ កម្មាភិបាល បុគ្គលិករដ្ឋបំពេញការងារជនជាតិ ដែលទទួលបន្ទុករបស់ក្រសួង គណៈ ផ្នែក អង្គការមហាជនមជ្ឈិមតិចបំផុត៤០% បានបំប៉នចំណេះដឹងខាងជនជាតិភាគតិច។ រហូតដល់ឆ្នាំ២០២៥ មានក្រុមមុខសញ្ញាទាំង១០០%បានបំប៉នចំណេះដឹងអំពីជនជាតិភាគតិច ។

តំណាងទាំងឡាយឲ្យតម្លៃខ្ពស់នូវការចាំបាច់នៃគម្រោងសំដៅឆ្លើយតបនឹងតម្រូវការសព្វថ្ងៃរបស់អ្នកបំពេញការងារជនជាតិគ្រប់លំដាប់ថ្នាក់។ តំណាងទាំងឡាយបានស្នើកសាងប្រព័ន្ធសារគមនាគមន៍ឯកសារ សម្បូរបែប កម្មវិធីបំប៉នចំណេះដឹងគប្បីផ្សារភ្ជាប់នឹងស្ថានភាពជាក់ស្តែង; ជ្រើសរើស កំណត់បរិមាណបធានបទទាំងឡាយសមស្របជាមួយនឹងកម្មវិធីបង្ហាត់បង្រៀន; ត្រូវមានការត្រួតពិនិត្យ សាកសួរយោបល់តម្រូវការស្ថានភាពចំណេះដឹងរបស់មុខ សញ្ញាទាំង៤ក្រុម មុនពេលកសាងកម្មវិធីបណ្តុះបណ្តាល; មានការលើកទឹកចិត្តទាក់ទាញដល់មុខសញ្ញាចូលរួម។ អនុរដ្ឋមន្រ្តីអនុប្រធានគណៈកម្មាធិការជនជាតិ ផាងវុាំងហ៊ុង ឲ្យតម្លៃខ្ពស់ចំពោះយោបល់របស់តំណាងទាំងឡាយ និងសំណូមពរដល់គណៈរៀបរៀងឯកសារ ក្ដោបក្ដាប់កែលម្អយោងតាមការវាយតម្លៃស្របនឹងស្ថានភាពមុខសញ្ញា ព្រមជាមួយនឹងវិធានការជាសារវន្ត ជាក់ស្តែងសុក្រឹត ដើម្បីគម្រោងឆាប់បានដំណើរការផ្សព្វផ្សាយអនុវត្តក្នុងរយៈពេលឆាប់បំផុត៕

ថាញ់ផុង-ថាច់សេរី

ចែករំលែកអត្ថបទ

ពាក្យគន្លឹះ