វប្បធម៌-សិល្បៈ វប្បធម៌

03/10/2017 - 09:27

អភិរក្ស ពង្រីកវប្បធម៌ជនរួមជាតិខ្មែរណាមបូឆ្លើយតបតម្រូវការអភិវឌ្ឍប្រទេសជាតិប្រកបដោយនិរន្តរភាព

ជាប្រធានបទសំខាន់នៃទិវាវប្បធម៌ កីឡានិងទេសចរណ៍ជនរួមជាតិខ្មែរណាមបូ លើកទី៧ (ហៅកាត់ថាទិវាបុណ្យ) ទើបបានក្រសួងវប្បធម៌ កីឡានិងទេសចរណ៍ ផ្សព្វផ្សាយផែនការអនុវត្ត។

ទិវាបុណ្យសំដៅបង្កើនចំណងសាមគ្គីនិងពង្រីកអត្តសញ្ញាណវប្បធម៌ជនរួម
ជាតិខែ្មរណាមបូ។

តាមអនុរដ្ឋមន្រ្តីក្រសួងវប្បធម៌ កីឡានិងទេសចរណ៍ ទ្រិញធីធ្វី ទិវាបុណ្យនឹងប្រារព្ធឡើងចាប់ពីថ្ងៃ១៧ -១៩ ខែវិច្ឆិកា ឆ្នាំ២០១៧ នៅខេត្តបាកលីវ គឺជាព្រឹត្តិការណ៍វប្បធម៌ធំមួយសំដៅជំរុញចំណងសាមគ្គីទំនាក់ទំនង វប្បធម៌ សិល្បៈ ពង្រឹងនិងពង្រីកអត្តសញ្ញាណវប្បធម៌ជនរួមជាតិខ្មែរ បង្កលក្ខណសម្បត្តិ ដើម្បីសិប្បករ សិល្បករ មហាជនបានជួបប្រាស្រ័យទំនាក់ទំនង ដោះដូរបទពិសោធន៍ពីការចាត់ចែងសកម្មភាពវប្បធម៌ កីឡានិងទេសចរណ៍ក្នុងជនរួមជាតិខ្មែរ និងអំណរទិវាបុណ្យធំៗក្នុងឆ្នាំ២០១៧។ឆ្លងតាមរយៈសកម្មភាពនៃទិវាបុណ្យនេះ សំដៅលើកតម្កើង ផ្សព្វផ្សាយឧទ្ទេសនាមពីតម្លៃវប្បធម៌របស់ជនរួមជាតិខ្មែរ ជាមួយនឹងជនរួមជាតិទូទាំងប្រទេស និងមិត្តភក្ដិអន្តរជាតិ បង្ហាញពីការយកចិត្តទុកដាក់របស់បក្ស រដ្ឋ ចំពោះការអភិរក្ស ពង្រីកតម្លៃវប្បធម៌របស់ជនរួមជាតិខ្មែរ ក្នុងចរន្តសមាហរណកម្មនៃប្រទេសជាតិ។

ក្រសួងវប្បធម៌ កីឡានិងទេសចរណ៍ សំណូមពររាល់ខ្លឹមសារសកម្មភាពក្នុងក្របខណ្ឌទិវាបុណ្យគប្បីបង្ហាញឲ្យឃើញច្បាស់ពីអត្តសញ្ញាណវប្បធម៌របស់ជនរួមជាតិខ្មែរ ប្រកបដោយលក្ខណៈមហាជនទូលំទូលាយ ច្នៃប្រឌិត វិសេសវិសាល មានប្រយោជន៍និងជឿនលឿន។តួអង្គសំខាន់បំផុតក្នុងការអនុវត្តនៃទិវាបុណ្យ គឺអាស្រ័យដោយសិប្បករ សិល្បករ-ការិនី តន្រ្តីករ។ល។ ជាជនជាតិខ្មែរដោយមានការចូលរួមរបស់អ្នកមុខអ្នកការសាសនាឆ្នើមក្នុងជនរួមជាតិខ្មែរ។ គ្រប់កម្មវិធីនៃទិវាបុណ្យត្រូវមានការត្រៀមបម្រុងយ៉ាងហ្មត់ចត់ មានខ្លឹមសារល្អៗ ជាក់ស្ដែងរួមចំណែកក្នុងការបង្កើតសួនកម្សាន្តខាងវប្បធម៌កីឡា ដ៏មានប្រយោជន៍របស់សហគមន៍ជនរួមជាតិខ្មែរណាមបូ។ បង្កបរិយាកាសសប្បាយរីករាយធានាសុវត្ថិភាព ប្រិតសំចៃ និងទាក់ទាញជនរួមជាតិចូលរួមយ៉ាងច្រើនកុះករ។ នេះគឺជាចំណុចថ្មី សម្រាប់សិប្បករសិល្បករ និងជនរួមជាតិខ្មែរ បង្ហាញពីអត្តសញ្ញាណវប្បធម៌ជនជាតិក្នុងថ្ងៃបុណ្យ។

ទន្ទឹមជាមួយនឹងសកម្មភាពរបស់ស្ថាប័ន អង្គភាពមជ្ឈិម ទិវាបុណ្យនឹងមានការចូលរួមរបស់ខេត្ត ក្រុងដែលមានជនរួមជាតិខ្មែររស់នៅកុះករចំនួន១២នោះគឺ បាកលីវ តីណិញ ប៊ិនភឿក វិញឡុង ត្រាវិញអាងយ៉ាង កៀងយ៉ាង សុកត្រាំង ហូវយ៉ាង កាម៉ាវ ទីក្រុងកឹងធើ និងទីក្រុងហូជីមិញ៕

ថាញ់ផុង-ពេជ្រសឿន

ចែករំលែកអត្ថបទ

ពាក្យគន្លឹះ