គោលនយោបាយ -ការរស់នៅ គោលនយោបាយ

15/08/2017 - 19:28

បើកឲ្យប្រើប្រាស់ស្ថានីយផ្គត់ផ្គង់ទឹក ដោយបច្ចេកវិជ្ជាខ្ពស់មុនដំបូងបង្អស់ ជូនតំបន់រាំងរឹះ ទឹកប្រៃ

តំណាងថ្នាក់ដឹកនាំខេត្ត អង្គភាពធ្វើហិរញ្ញប្បទាន កាត់ខ្សែបូ សម្ពោធស្ថានីយ
ផ្គត់ផ្គង់ទឹកតុងកាង។

មជ្ឈមណ្ឌលទឹកស្អាតនិងអនាម័យបរិស្ថានជនបទ ខេត្តសុកត្រាំង បានសហការជាមួយនឹងមូលនិធិជំនួយបង្ការគ្រោះធម្មជាតិភូមិភាគកណ្តាល រៀបចំសម្ពោធសំណង់ផ្គត់ផ្គង់ទឹកតុងកាង ឃុំលីវទូ ស្រុកត្រឹងដេ ខេត្តសុកត្រាំង។ សំណង់ប្រើទុនវិនិយោគជាង៥,៨ពាន់លានដុង; ក្នុងនោះ មានប្រាក់មូលនិធិជំនួយបង្ការគ្រោះធម្មជាតិដែលភូមិភាគកណ្តាល ចលនាធ្វើហិរញ្ញប្បទានចំនួន៣ពាន់លានដុង ចំណែកថវិកាក្រៅពីនោះ អាស្រ័យខេត្តសុកត្រាំងធ្វើបដិភាគនិងការរួមវិភាគទានរបស់ប្រជាជនដែលទទួលប្រយោជន៍ពីសំណង់នេះ។ ស្ថានីយផ្គត់ផ្គង់ទឹកតុងកាង មានពលានុភាព សរុប២៤០ម៣/ថ្ងៃ យប់។ សរុបប្រវែងបំពង់ផ្គត់ផ្គង់ទឹកជិត៧.៤០០ម៉ែត្រ បម្រើការផ្គត់ផ្គង់ទឹកស្អាតជូនប្រជាជនជាង៤១០គ្រួសារចំណុះភូមិតុងកាង ឃុំលីវទូ ស្រុកត្រឹងដេ។ នេះជាស្ថានីយផ្គត់ផ្គង់ទឹកដំបូងបង្អស់របស់ខេត្តសុកត្រាំង ដែលប្រើប្រាស់បច្ចេកវិជ្ជាចម្រោះទឹកប្រៃដោយបច្ចេកវិជ្ជា RO សម្រាប់ផលិតទឹកស្អាតសម្រេចបទដ្ឋាន០២/BYTបម្រើការប្រើប្រាស់ជូនប្រជាជន។ សង្វាក់នៃដំណើរការនាំយកប្រភពទឹក ត្រូវបានទាញយកអំពីអណ្តូងខួង យកទឹកក្រោមដីជម្រៅ៥០៥ម៉ែត្រ (នេះជាប្រភពទឹកភ្លាវ) ឲ្យចូលតាមប្រព័ន្ធចម្រោះទឹកប្រៃដោយបច្ចេកវិជ្ជា RO បន្ទាប់ពីនោះ ចេញតាមរយៈប្រព័ន្ធបំពង់ចែកចាយផ្គត់ផ្គង់ទឹកជូនគ្រួសារប្រជាជន។ សព្វថ្ងៃមានប្រជាជន១៧៣គ្រួសារដំបូងបង្អស់បានតភ្ជាប់បំពង់ប្រើប្រាស់ទឹកស្អាត៕

លីធាន – សេរី

ចែករំលែកអត្ថបទ

ពាក្យគន្លឹះ