គោលនយោបាយ -ការរស់នៅ ការរស់នៅ

12/06/2017 - 15:53

ប្រឡងប្រណាំងគឺស្នេហាជាតិ

មុននេះ៦៩ឆ្នាំ នៅថ្ងៃ១១ ខែមិថុនា ឆ្នាំ១៩៤៨ លោកប្រធានហូជីមិញ បាន"អំពាវនាវប្រឡងប្រណាំងស្នេហាជាតិ" ជាការចាប់ផ្តើមឲ្យការចលនាប្រឡងប្រណាំងស្នេហាជាតិរីកសាយភាយ រួចក្លាយជាជំនោរបដិវត្តន៍ រួមចំណែកយ៉ាងសំខាន់ទៅលើជ័យជម្នះនៃបដិវត្តន៍ប្រទេសយើង។

កសិករខ្មែរប្រឡងប្រណាំងលើកកម្ពស់ទិន្នផល អភិវឌ្ឍ សេដ្ឋកិច្ចប្រ
កបដោយប្រសិទ្ធភាព។

អ៊ំហូបានទូន្មាន៖ ប្រឡងប្រណាំងត្រូវតែជាក់ស្តែង ផ្សារភ្ជាប់ជាមួយនឹងការងារប្រចាំថ្ងៃរបស់មនុស្សម្នាក់ៗ ដើម្បីនាំមកនូវផលប្រយោជន៍ដល់ខ្លួនយើងសហគមន៍និងប្រទេសជាតិ។ អាស្រ័យហេតុនោះ អ៊ំហូបានសរសេរ៖ "នឹកស្មានថាប្រឡងប្រណាំងគឺជាការងារមួយផ្សេងពីការងារ ប្រចាំថ្ងៃតាមពិតការងារប្រចាំថ្ងៃ គឺជាគ្រឹះធារនៃការប្រឡងប្រណាំង"។ តាំងពីដើមមកយើងតែងតែហូបចុក ស្លៀកពាក់និងរស់នៅ។ ឥឡូវយើងប្រឡងប្រណាំងហូបចុករស់នៅស្លៀកពាក់ស្អាតបាត មានអនាម័យធ្វើយ៉ាងណាកុំឲ្យមានជំងឺតម្កាត់។ តាំងពីបុរាណកាលមកយើងតែងតែប្រកបរបរស្រែចម្ការ ឥឡូវយើងប្រឡងប្រណាំង ធ្វើឲ្យដីកាន់តែល្អឡើងបង្កបង្កើនផលបានច្រើនជាង។ រាល់ការប្រឡងប្រណាំងសុទ្ធតែដូច្នេះឯង"។ ពិសេសអ៊ំហូបានគូសបញ្ជាក់៖ ប្រឡងប្រណាំងមិនមែនតែមួយលើកមួយគ្រាទេនោះគឺជានិច្ចកាលប្រឡងប្រណាំងគប្បី កៀកជិតជាមួយនឹងជីវភាព កៀកជិតនឹងភូមិស្រុក មិនត្រូវមានផែនការធំដុំពេករួចហើយធ្វើមិនកើតឬក៏ដំបូងសម្រុកកម្លាំងធ្វើ ក្រោយមកថយកម្លាំងចុះវិញ។ អ៊ំហូបានផ្តាំ៖ "ប្រឡងប្រណាំងស្នេហាជាតិ គប្បីមានទិសដៅត្រឹមត្រូវនិងរឹងមាំ។ល។ត្រូវតែមានផែនការច្បាស់លាស់។ ផែនការនោះ អាស្រ័យលើអង្គភាពតូច គ្រួសារនីមួយៗ បុគ្គលម្នាក់ៗ ពិភាក្សាហ្មត់ចត់ យល់ច្បាស់លាស់ ហើយធ្វើដោយពេញចិត្ត។ល។ ខ្លឹមសារនៃផែនការគប្បីជាក់ស្តែងច្បាស់លាស់សមហេតុសមផល"។

សតិអារម្មណ៍ប្រឡងប្រណាំងស្នេហាជាតិ របស់លោកប្រធានហូជីមិញត្រូវបានបក្សនិងរដ្ឋយើងអភិវឌ្ឍ និងអនុវត្តច្នៃប្រតិដ្ឋក្នុងដំណាក់កាលនីមួយៗ នៃបដិវត្តន៍។ ប៉ុនា្មនឆ្នាំកន្លងការចលនាប្រឡងប្រណាំងស្នេហាជាតិរបស់ប្រជាជន គឺជាកម្លាំងចលករដ៏សំខាន់ជួយជំរុញស្មារតីបង្កើតបានជាកម្លាំងរួប រួមនិងរួមចំណែកយ៉ាងសំខាន់ទៅលើការអនុវត្តន៍បានជោគជ័យនៅគ្រប់ទិសដៅ ភារកិច្ចអភិវឌ្ឍសេដ្ឋកិច្ច-សង្គម ធានាការពារប្រទេសសន្តិសុខនិងសមាហរណកម្មអន្តរជាតិនៃប្រទេសជាតិ។ រួមជាមួយនឹងជនជាតិដទៃទៀតប៉ុន្មានឆ្នាំកន្លងជនរួមជាតិខ្មែរណាមបូ បានចូលរួមជ្រោមជ្រែងការអំពាវនាវប្រឡងប្រណាំងរបស់អ៊ំហូ អនុវត្តការប្រឡងប្រណាំងខិតខំប្រឹងប្រែងពលកម្មផលិត អភិវឌ្ឍជីវភាពពីមួយថ្ងៃទៅមួយថ្ងៃកាន់តែសុខដុមរមនា គម្លាតរវាងអ្នកមាននិងអ្នកក្រ រវាងជនជាតិនិងជនជាតិបានកាត់បន្ថយគួរឲ្យកត់សម្គាល់។ អត្រាគ្រួសារក្រីក្រ កាត់បន្ថយឆាប់រហ័សជាមធ្យមភាគកាត់បន្ថយពី៣%ដល់៥%/ឆ្នាំ; គ្រួសារមានមធ្យោបាយប្រើប្រាស់កាន់តែច្រើនជាង៩៨% មានកន្លែងខ្លះសម្រេច១០០%; អត្រាគ្រួសារមានអគ្គិសនីប្រើប្រាស់ស្រូបអត្រាជាង៩៥% មានទឹកស្អាតប្រើប្រាស់ជាង៨០%មានកន្លែងខ្លះជាង៩០%។ល។

អនុវត្តបណ្តាំរបស់អ៊ំហូ ស្តីពីប្រឡងប្រណាំងមានអត្ថន័យយ៉ាងសំខាន់ ដាស់ភ្ញោកកម្លាំងដ៏ធំធេងនៃផែនមហាសាមគ្គីទូទាំងជនជាតិ ផ្ដល់ជាកម្លាំងចលករអនុវត្តជោគជ័យនូវសេចក្តីសម្រេចចិត្តមហាសន្និបាតបក្សទូទាំងប្រទេសលើកទីXII រួមចំណែកក្នុងបុព្វហេតុឧស្សាហូបនីយកម្ម ទំនើបភាវូបនីយកម្មកសាងនិងការពារមាតុប្រទេស៕

ថាញ់ផុង-លីសៀ

ចែករំលែកអត្ថបទ

ពាក្យគន្លឹះ