គោលនយោបាយ -ការរស់នៅ ការរស់នៅ

06/10/2015 - 14:15

ចិញ្ចឹមគ្រែងឈាមក្រោមម្លប់ព្រៃបង្ការ

ដើម្បីលើកកម្ពស់ប្រសិទ្ធភាពដាំដុះ និងចិញ្ចឹមជលផលលើផ្ទៃទឹកជាង៣០%នៅតំបន់ព្រៃបង្ការ ដែលបានទទួលនូវការប្រគល់ទាំងស្រុងជូន ឃុំនានាប្របមាត់សមុទ្រស្រុកអាងមិញ (កៀងយ៉ាង)។ សាខានាយកដ្ឋានប្រភពចំណូលផលនៃជលផល បានជំនួយកូនពូជនិងផ្ទេរជូនបច្ចេកទេសចិញ្ចឹមគ្រែងឈាម ដើម្បីជួយមាមីងរកបានប្រាក់ចំណូល លំនឹងឈានឡើងធ្វើមានធ្វើបាន។

ប្រមូលផលគ្រែងឈាមក្រោមម្លប់ព្រៃបង្ការប្របមាត់សមុទ្រឃុំតឹងថាញ ស្រុកអាងមិញ។

របរចិញ្ចឹមគ្រែងឈាមក្រោមម្លប់ព្រៃនៅស្រុកអាងមិញ បានរីកចម្រើនតាំងពីឆ្នាំ២០០៥។ ថ្វីបើដូច្នោះក្ដី មាមីងចិញ្ចឹមគ្រែងឈាមភាគច្រើន គឺចិញ្ចឹមតាមការពិសោធន៍របស់ខ្លួនឯង ទិន្នផលទាប។ ដើម្បីលើកកម្ពស់ប្រសិទ្ធភាពដាំដុះ និងចិញ្ចឹមជលផលក្រោមម្លប់ព្រៃបង្ការប្របមាត់សមុទ្រ សាខានាយកដ្ឋានប្រភពចំណូលផលនៃជលផលខេត្តកៀងយ៉ាង បានអនុវត្តគម្រោង "អនុវត្តភាពជឿនលឿនសម្រាប់ទម្រង់រូបភាពចិញ្ចឹមគ្រែងឈាម ក្នុងល័ក្ខខ័ណ្ឌប្រែប្រួលអាកាសធាតុនៅប្របមាត់សមុទ្រ ព្រៃអ៊ូមិញថឿង" ដែលអនុវត្តនៅឃុំដុងហឹងA និងឃុំតឹងថាញ់។

មាន១៤គ្រួសារចូលរួមគម្រោង ក្នុងនោះមាន៧គ្រួសារចិញ្ចឹមលើផ្ទៃទឹកប្របមាត់សមុទ្រ៧ហិកតា ចំណុះឃុំដុងហឹងA និង៧គ្រួសារចិញ្ចឹមលើផ្ទៃទឹក៨ហិកតា ចំណុះឃុំតឹងថាញ់។ គ្រួសារនីមួយៗត្រូវបានជំនួយកូនពូជគ្រែងឈាម២៥០.០០០កូន/ហិកតា/ឆ្នាំ ប្រហាក់ប្រហែល៥០% នៃគ្រែងឈាមចិញ្ចឹមសរុបខ្នាតពូជ១.៤០០កូន/គីឡូក្រាម។ កម្រិតចិញ្ចឹម៥០កូន/ម២។ ទន្ទឹមនឹងនោះ គម្រោងនៅទាំងបំពាក់ឧបករណ៍តាមដានបរិស្ថានទឹកផ្ទេរជូនវិទ្យាសាស្រ្តបច្ចេកទេស រៀបចំទៅទស្សនកិច្ចរៀនសូត្របទពិសោធន៍ពីទម្រង់រូបភាពចិញ្ចឹមគ្រែងឈាមមួយចំនួននៅខេត្តតៀងយ៉ាងនិងបារៀ-វ៉ូងតាវ។ អាស្រ័យហេតុដូច្នោះ ឆ្នាំ២០១៣ ទិន្នផលគ្រែងឈាមចិញ្ចឹមតំបន់ព្រៃបង្ការរបស់គ្រួសារចូលរួមគម្រោងសម្រេចមធ្យមភាគ២,៥តោន/ហិកតា។ ឆ្នាំ២០១៤កើនឡើង៣,៤៤តោន/ហិកតា។ តម្លៃគ្រែងឈាមក្នុងឆ្នាំ២០១៤ ចាប់ពី៣៦.០០០ -៥២.០០០ដុង/គីឡូក្រាម ខ្ពស់ជាង២.០០០ដុង/គីឡូក្រាម បើប្រៀបនឹងឆ្នាំ២០១៣។ យោងប្រសាសន៍របស់មហាបរិញ្ញា ង្វៀនធីអាញ់ង៉ា សាខានាយកដ្ឋានប្រភពចំណូលផលនៃជលផលកៀងយ៉ាង ឲ្យដឹង៖ គ្រួសារទាំងឡាយឋិតក្នុងគម្រោងចិញ្ចឹមគ្រែងឈាម ក្រោមម្លប់ព្រៃឆ្នាំ២០១៤ ចំណេញពី៧២-១៦៤លានដុង/ហិកតា។ រដូវចិញ្ចឹមគ្រែងឈាម ឆ្នាំ២០១៥ គ្រួសារទាំងឡាយចូលរួមគម្រោងបម្រុងដោយអត្រាផលចំណេញពី៣,៩-៤% ប្រៀបជាមួយនឹងទុនវិនិយោគសរុប។ លោកយ័ញអ៊ុក នៅភូមិសែវឡា វិនិយោគទុនជាង៤២លានដុង ក្រោយរយៈពេលចិញ្ចឹមបាន១ឆ្នាំ បរិមាណផលគ្រែងឈាមលក់បាន៤,៣តោន ចំណូលបានជាង១៨៩លានដុង ចំណេញ១៤៧លានដុង អត្រានៃផលចំណេញ៣,៥%។

ទន្ទឹមនឹងនោះ ប្រជាជននៅទាំងចិញ្ចឹមក្ដាមក្នុងស្រះចិញ្ចឹមគ្រែងឈាម មធ្យមភាគ១២០កូន/ម២។ ខណៈពេលនោះ ក្ដាមទំនិញសម្រេចទម្ងន់ ពី២០០-៤០០ក្រាម/ក្បាល។ ចុងរដូវប្រមូលផលទិន្នផលគ្រែងឈាម ចិញ្ចឹមសម្រេចបាន២,៥តោន/ហិកតា ក្ដាមសម្រេចបាន២៣០គីឡូក្រាម/ហិកតា។ ការចិញ្ចឹមគួបផ្សំក្ដាម ជាមួយនឹងគ្រែងឈាមធ្វើឲ្យកាន់តែសម្បូរបែបមុខសញ្ញាចិញ្ចឹមនៅក្នុងផ្ទៃដីផលិតកម្មតែមួយទិន្នផលគ្រែងឈាម និងបរិមាណផលក្ដាមកើនឡើងបន្ថែម ប្រសិទ្ធភាពប្រភពផលនៃជលផលក្រោមម្លប់ព្រៃបង្ការប្របមាត់សមុទ្រ ក៏សម្រេចបានប្រសិទ្ធភាពខ្ពស់៕

ឡេស៊ាង - សេរី

ចែករំលែកអត្ថបទ

ពាក្យគន្លឹះ