កីឡា - ទេសចរណ៍ ទេសចរណ៍

18/08/2015 - 09:10

វត្តមហាទប់ទាក់ទាញភ្ញៀវទេសចរ

វត្តមហាទប់ គឺជាកន្លែងទេសចរខាងផ្លូវចិត្តដ៏ល្បីឈ្មោះរបស់ខេត្តសុកត្រាំង ត្រូវបានភ្ញៀវទេសចរជាច្រើនទៅទស្សនាកម្សាន្ត។

ភ្ញៀវទេសចរជាច្រើនមកទស្សនាកម្សាន្តវត្តមហាទប់។

វត្តមហាទប់ ត្រូវបានទទួលស្គាល់ជាកេរដំណែលប្រវត្តិសាស្រ្តវប្បធម៌ ថ្នាក់ជាតិកាលពីឆ្នាំ១៩៩៩។ នេះគឺជាវត្តខ្មែរមួយមានក្បូរក្បាច់និម្មាបន កម្មពិសេសក្នុងចំណោមវត្តខ្មែរទាំង៩២វត្តនៅខេត្តសុកត្រាំង។ ទោះបីពេលវេលាកន្លងផុតទៅជាង៤០០ឆ្នាំ ហើយត្រូវបានជួសជុលឡើងវិញ ជាច្រើនលើកច្រើនសាយ៉ាងណាក៏ដោយ ប៉ុន្តែវត្តនៅតែរក្សាបាននូវក្បូរក្បាច់រចនាខ្មែរជានិច្ច។ ពិសេស គឺវត្តនៅទាំងមានដើមឈើធំៗជាច្រើនដែលជាជម្រករបស់សត្វជ្រឹងរាប់ពាន់ក្បាលទៀតផង។ ទន្ទឹមនឹង ការទស្សនាកម្សាន្តទេសភាពដ៏ស្រស់ត្រកាលនៅក្នុងវត្ត ភ្ញៀវទេស ចរថែមទាំងបានឆៀងចូលធ្វើសក្ការបូជាដូនម៉ៅ ដើម្បីសូមសេចក្តីសុខចម្រើនដល់គ្រួសារទៀតផង។ តាមព្រះថេរដីការបស់ព្រះតេជព្រះគុណ ឡឹមទូលិន ព្រះចៅអធិការស្តីទីវត្តមហាទប់៖ ទីសក្ការបូជាដូនម៉ៅកើតមានរាប់រយឆ្នាំមកហើយ។ ដំបូងទីសក្ការបូជា នេះតូចសង់ឡើងដោយសសរឈើ ដំបូលប្រក់ស្លឹសាមញ្ញ។ ម្យ៉ាងទៀត ភ្ញៀវទេសចរចូលមក ទស្សនាកម្សាន្តនៅទីវត្ត ភាគច្រើនឆៀងចូលទៅទីសក្ការបូជានេះ បួងសួងសូមសេចក្តីសុខចម្រើន រកស៊ីកើតកាលវាលគុម្ព។ល។ ក្រោយៗមក មានភ្ញៀវទេសចរសុំកសាងទីសក្ការបូជានេះឲ្យបានរឹងមាំឡើងវិញ រួចតម្កល់រូបសំណាកដូនម៉ៅ សម្រាប់ប្រជាជនគ្រប់ទិសទីចូលមកទីនេះ បួងសួងដូចសព្វថ្ងៃ។

ក្រោយពីការបួងសួង មានអ្នកខ្លះបានសម្រេចដូចបំណង ម្ល៉ោះហើយ ពីមួយថ្ងៃទៅមួយថ្ងៃ កាន់តែទាក់ទាញភ្ញៀវទេសចរមកទស្សនាកម្សាន្ត និងធ្វើសក្ការបូជាច្រើនឡើងៗ។ ភ្ញៀវទេសចរ ង្វៀនធីបា នៅខេត្តតៀងយ៉ាង ជាអ្នកបានទស្សនាកម្សាន្តវត្តមហាទប់ ឲ្យដឹង៖ "ចាប់ពីថ្ងៃនាងខ្ញុំទៅកាន់វត្តមហាទប់ រួចឆៀងចូលទីសក្ការបូជាដូនម៉ៅបួងសួងឃើញថា កិច្ចការរកស៊ីរបស់នាងខ្ញុំមានភាពរីកចម្រើនជានិច្ច។ រយៈពេលជាង១០ឆ្នាំមកនេះ ឆ្នាំណាក៏ដូចឆ្នាំណានាងខ្ញុំតែងទៅវត្តមហាទប់ទស្សនា កម្សាន្តទេសភាពដ៏ស្រស់ត្រកាលផង និងធ្វើកិច្ចតបស្នងសងគុណដល់ដូនម៉ៅផង ដែលបានជួយប្រោះព្រំគ្រួសារនាងខ្ញុំធ្វើការរកស៊ី មានបានដូចសព្វថ្ងៃ"។ វត្តមិនត្រឹមតែជាកន្លែងទេសចរប៉ុណ្ណោះទេ នៅទាំងជាទីសក្ការបូជា ជាបង្អែកខាងស្មារតី ផ្តល់សេចក្តីសុខ សេចក្តីចម្រើនដល់ ភ្ញៀវទេសចរចូលមកគោរពបូជាទៀតផង។

ព្រះតេជព្រះគុណ ឡឹមទូលិន ព្រះចៅអធិការស្តីទីវត្តមហាទប់ មានថេរដីកាបន្ថែម៖ "ឈ្មោះវត្តមហាទប់ អានឮសំនៀងដូចពាក្យ "ទិព្វ"ម្ល៉ោះហើយទីសក្ការបូជានៅក្នុងវត្តត្រូវបានចាត់ទុកជាកន្លែង "ពិសិដ្ឋ"ផ្តល់សេចក្តីសុខសេចក្តីចម្រើន និងជួយប្រោះព្រំមនុស្សទូទៅឲ្យបាន សម្រេចដូចសេចក្ដីប្រាថ្នា។ អាស្រ័យហេតុនោះ ពីមួយថ្ងៃទៅមួយថ្ងៃ កាន់តែមានភ្ញៀវទេសចរមកសុំបួងសួងសេចក្តីសុខចម្រើនកាន់តែច្រើន៕

លីធាន-លីសៀ

ចែករំលែកអត្ថបទ

ពាក្យគន្លឹះ